Kapyegèle 5:3 - Cebaara Bible 2010

³ A Pyɛri wi yari: «Ananyasi, nyàʔá na mɔ Sutanaw yaʔa a wi mɔ fúngi nyìn nya a mɔ Pìicǎnni fáana, níì tári lɔ́raa wòlo n yaʔa miyɛɛ ma?

Kapyegèle 5:3 Iomraidhean Croise

Zyɔbi 22:13

A mɔ si jo: ‹Nyàʔá Kolocɔlɔɔ cán? A wi a gbǎn yébilimi kalaragēle nyaa lé bi ge kútiiw ceri?

Kàseegèle 20:25

Bi gi joo nyɔɔfuuro ni si jo: «Ki i nyɛ yawoloyaʔaga,» koro ní bi nyɔ́ɔgi fàli sìnzɔngi ni, gee bee a pye mɔ coli karinyanga.

Syɛɛnjóow 5:4

Nyɔɔfaligi sìngbeʔelemɛ n pɔ́rɔ n sɔ̀lɔ sáni mɔ í gi kpéʔele lè mɔ si a kɔ́ gi foro í.

Ezayi 29:15

Wɔʔɔli a pye bele na pe làrá Yawe na lè jàngó bi be katimanani làriga. Pe i be kapyegèle kpéʔele yébilimi ni, ní i gi nyuu níì jo: «Wìí wi wolo nyaagi, ba wìí wi wolo cán?»

Zyeremii 23:24

A wàa a gbǎn làra lé tɛɛlàraga ni mii si kòro wi sìnnyaa ni?» Yawe wi jo nya. «A mii i nyɛ lé mii ga nyɛ̀ʔɛgèle ní tári nyìn í?» Yawe wi jo nya.

Córolo 30:2

A Mowizi gi joo Isirayɛli syɛɛnfeleyi kùndigibéle ma níì jo: «Tundunri Yawe joo n gbàn lè, toro di nyɛ dee naa:

Matye 13:19

Dee di too lè kólogi nyɔ́ɔ na, toro di nyɛ syɔɔn o syɔɔn wi Kolocɔlɔɔ fǎngi syɛ́ɛnrɛ lóʔo lè, wi si ga di kɔ́rɔw cán í, Wobeew n pan n baa di yirige wi fúngi ni.

Luki 22:3

A Sutanaw jée Zyudasi fúngi ni, wee be yiri lè Isikariyɔti, woro wee wi da pye lè kɛɛ ní siinw ni.

Zyan 13:2

Lǎli ni pe da ni yébiligi lìile líi lè, koro n gi taa Sutanaw maa téè gi lége n kwɔ́ɔ Siimɔn jáaw Zyudasi Isikariyɔti fúngi ni, wi Zyezu le kɔyɔ ni.

Zyan 13:27

Kanyinni syɔɔlɔ kadoʔo ma, a Sutanaw fala n jée Zyudasi fúngi ni. Koro na Zyezu wi pye: «Gee mɔ a kpéʔele lè, ki kpéʔele kelekele.»

Kapyegèle 5:2

níì di lɔraa wòlo n yaʔa wiyɛɛ ma, a wi céw gi cán, á wi kári ní wozanri ní n sáà kaan pìitunbèle ma.

Kapyegèle 5:4

Lǎli ni tári pye lè mɔ ga kɔ́ɔ̀ di pára í, ti da pye mɔ wóro ì? Mɔ si baa di pára n kwɔ́ɔ lè, ti lɔ́ri ga kòro mɔ nyɛ́nɛ pyele na ì? Mɛ̀ɛ́ mɔ kéeli naa tímana n sɛ́ɛ mɔ fúngi ni níì li kpéʔele? Mɔ ga taa si syɛ̀ɛnnɛ fáana í, fwɔɔ Kolocɔlɔɔ mɔ a fáana.»

Kapyegèle 5:9

A Pyɛri wi pye: «Mɛ̀ɛ́ gi pye n sɛ́ɛ á yele pínɛ n tímana n bɛ̀ɛ gi na ní i caa bi Kàfɔw Pìle pye wéle? Wéle, bele be sáà mɔ nanw tɔ́n lè, poro tánʔami mɔ lúro bee kpaaweeli na. Pe a wɔ́ɔ mɔ yirige yaà.»

Làlwaw Kaanziin 23:21

Mɔ a gbǎn fwɔɔlɔ le táraa nikwɔɔ syɔ́ɔn na si tɔ̀nɔ syoo wi ma. Kàjáa mɔ a ra tɔ̀nɔ caa fwɔ́ɔli ni mɔ senyɛnnɛ̀ ma í. Koro ga pye táree ni mɔ a jée lè bi di syɔɔ taa, Yawe mɔ Kolocɔlɔw í dùbaw taʔa mɔ fáliw myɛ na.

Zyaki 4:7

Gee bee na gi yɛlɛ yaa lúro Kolocɔlɔɔ ma, yé yére ye Dàzɔɔnw sige ye tun ní wi ní, koro ga pye wi a fǎn léeli yele na.

1 Pyɛri 5:8

Ki n yɛlɛ ye yeyɛɛ cǒmi cán, yé kòro nyɛ̀nɛ na! Níì cán yele kàsiitun-nyɛ́nw wi lè Dàzɔɔnw, wi i nyaari ni máari àmɛɛ càaraɔ nyɛ, wee wi kaana lè, syɔ́ɔnwee wi a taa káa lè, wee bee wi caa.