Kapyegèle 4:2 - Cebaara Bible 2010

² Pe fúnyi maa tɔ̀nɔ n tanʔa Pyɛri ye kurugo n sɔ̀lɔ, àmɛɛ be syɛ́ɛnbèle tama lè, ní i kúbèle nyán-yirile syɛ́ɛnrɛ nyuu ni fíligi Zyezu kéeli na lè.

Kapyegèle 4:2 Iomraidhean Croise

Nehemii 2:10

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Kapyegèle 13:45

Kàjáa àmɛɛ Zyefubèle syɛ́ɛnmi bee nyaa lè, a nyabɛɛnni jée be ni n be nyìn, a be fala n séli ni Pɔli syɛ́ɛnri kábala ní i wi teeri.

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 19:23

Lǎli bee ni a kagbanna yìri Kàfɔw kólogo kéele na.

Kapyegèle 24:21

kapye kéeli naa nibin ban í, loro li nyɛ àmɛɛ mii da yìri n yére lè pe níngi ni níì yákpoli wáa níì jo: ‹Kúbèle nyán-yirile kéele na kútiiw kúunri mii na yele yɛ́ʔɛ ma níjanʔa.› »

Kapyegèle 26:23

Pe maa jo Kirisi a ba wɔʔɔ bi kùu si nyán yiri kúbèle nínge ni wozeliw, sáā gbɛ̀ɛ́nmi kéele nyuu da tèé wolo syɛ́ɛnbèle ní syɛɛnfeleyi wozanya na.»

Kapyegèle 26:8

Syɛ̀ɛnnɛ! A yele jo lé syɔɔn a tɔ̀ʔɔ́ gbǎn tága gi na bi cán Kolocɔlɔɔ a ba kúbèle nyán í?

Kapyegèle 3:15

Yele n sìíw Kàfɔlɔ kpóo, kàjáa Kolocɔlɔɔ n wi nyán n yirige kúbèle nínge ni. Wolo i nyɛ gee bee séerabéle.

Kapyegèle 5:17

Lǎli bee ni a sáriga-wòlobèle kàfɔgbɔɔɔ yìri n fàra bele myɛ na be pye lè ní wi ní, gee bee n jo Sadusebèle, a nyabɛɛnni cée be na,

Wɔrɔmi ye 8:11

Wee wi Zyezu nyán n yirige kúbèle nínge ni lè, wee bee Pìle ga pye yele fúnyi ni, woro wee wi Kirisi Zyezu nyán n yirige lè kúbèle nínge ni, wi a ba yele cekuuri nyán di pye sìi na wi Pǐli báriga ni li tɛ́ɛn lè yele fúnyi ni.

1 Korɛnti ye 15:23

Kàjáa pe myɛ a pye ní be làrigēle ní, wozeliw wi nyɛ Kirisi, koro kàdoʔo ma bele be nyɛ lè Kirisi wóbèle, ki a nan poro na wi làribanni ni.