Kapyegèle 3:4 - Cebaara Bible 2010

⁴ A Pyɛri ní Zyan be nyapiigèle le wi ni, a Pyɛri kɔ́ɔ̀ wi pye: «Da wolo wéle.»

Kapyegèle 3:4 Iomraidhean Croise

Luki 4:20

Koro kàdoʔo ma a wi sɛ́bɛw tɔ́n níì wi lúrugo n kaan sérikpaagi falipyeo ma, níì tɛ́ɛn. Syɛ́ɛnbèle myɛ be pye yaà lè sérikpaagi ni, a be nyapiigèle le wi ni ni wéle.

Zyan 11:40

A Zyezu wi yari: «Mii da sélì gi joo mɔ ma níì mɔ pye mɔ ga tága, mɔ a Kolocɔlɔɔ nìjangbɔɔri nyaa ì?»

Zyan 5:6

A Zyezu ga sáà wi nyaa wozinɛɔ ní, a wi gi cán yáami bee n mɔn wi na, a wi wi yíbe níì jo: «A mɔ i caa lé bi pɔʔɔ?»

Kapyegèle 10:4

Amɛɛ fyáari Kɔrɔnɛ cò lè gbanʔama, a wi nyapiigèle le wi ni ni wéle níì wi pye: «Kàfɔw, mɛ̀ɛ́ gi nyɛ?» A tundunw wi yari: «Mɔ nyɛ́ɛrigi, ní mɔ kpɔ́ʔɔri myɛ n lúgu n nan Kolocɔlɔɔ na, a wi i sɔ̀ngí ni taagi ní di ní.

Kapyegèle 11:6

A mii mii nyapiigèle còolo gi na ni wéle, a mii tɔlɔyɔ sicɛrɛ-jɛrɛ yaweeri nyaa di lè tári na, ní yacobeeyi ní, ní dee ní di fulolo lè, n fàra féjɛɛnri na.

Kapyegèle 3:1

Cangaa Pyɛri ní Zyan maa ni syée kpɔ̀ʔɔrɔli kpaʔa ma cangàrigi na, lǎli bee maa pye Zyefubèle làrinyɛɛrilaa Kolocɔlɔɔ ma.

Kapyegèle 3:11

Amɛɛ wi da tan Pyɛri ní Zyan na lè, a syɛ́ɛnbèle myɛ i káama gi na, níì pínɛ ni fé ni syée be ma kpáali ma be yiri lè Salomɔn kpáali.

Kapyegèle 3:12

A Pyɛri ga gee bee nyaa, a wi syɛ́ɛnbèle pye: «Yele Isirayɛli ye nyàʔá na yele káama kéeli naa na? Ba nyàʔá na yele wolo wéle mɔ a jo wolo bɛɛ wo nǎnw naa yìrige wi i táanri ní wolo tiimaa fǎngi ní, koro ga jáa àmɛɛ wolo fɛ̀ɛgí Kolocɔlɔɔ na lè, koro bárigaw ni wi yìri ni táanri?

Kapyegèle 3:3

A wi ga Pyɛri ní Zyan nyaa pe i jǐn yaà, a wi be nyɛ́ɛri jàngó be wáli kaan woro ma.

Kapyegèle 3:5

A wi i be wéle ní i sɔ̀ngí pe a yarigaa kaan woro ma.