Kapyegèle 26:3 - Cebaara Bible 2010

³ àmɛɛ mɔ Zyefubèle kalɛɛgéle ní be kàkabalayi myɛ cán lè, gee bee na mii i mɔ nyɛ́ɛri mi mii pɔʔɔ mí lóʔo mii ma ní kpàracogo ní.

Kapyegèle 26:3 Iomraidhean Croise

Zyeremii 32:11

Koro kàdoʔo ma a mii gi syɔɔli sɛ́bɛ láa, wee na fɛ̀ɛ́w taʔa lè n yɛlɛ ní làlwaw sɛ́bɛ ní, ní wee ní wi pye lè womúguo ní.

Kapyegèle 21:21

Kàjáa pèle n baa gi joo be ma níì jo, Zyefubèle be yaà lè syɛɛnfeleyi nínge ni, mɔ i bele bee tama níì jo pe Mowizi làlwaw cée, mɔ n be pye, pe a kɔ́ ra be pìíbèle kɛ́nɛ kpéʔele í, pe a wɔ́ɔ kɔ́ taʔa kalɛɛgèle na í.

Kapyegèle 24:10

A guvɛrinɛɛriw fɛ̀ɛ pye Pɔli ma níì jo wi wi wóri joo, a Pɔli gi joo wi ma níì jo: «Mii n gi cán nlaa yaà mɔ i nyɛ tári naa syɛ̀ɛnnɛ kútiijooo, ki n kɔ́ɔ̀ yɛ̀ʔɛlɛ saʔa kwɔ́ɔ. Gee bee na mii a mii wóri joo mɔ ma ní fundaanra ní.

Kapyegèle 24:4

Wolo o caa bi mɔ fɔ̀rɔ ní syɛɛnnɛʔɛrɛ ní í, kàjáa mii i mɔ nyɛ́ɛri mɔ í fɔ̀lɔ mɔ funjǎngi báriga ni si lóʔo wolo ma cɛɛri.

Kapyegèle 25:26

Mii si ga yarigaa faala taa bi sɛ́bɛ tórigo fànʔafɔgbɔɔw ma wi kéeli na í. Gee bee na mii wi yirige n baa yérige yele níngi ni, mɔ tiimaa yɛ́ʔɛ ma Agiripa, mɔ wee wi lè fànʔafɔw, koro ga pye wi yíbeli kàdoʔo ma gee mii yɛlɛ bi sɛ́bɛ lè mii í gee bee cán.

Kapyegèle 26:2

«Fànʔafɔw Agiripa, ki n mii dɛ́nɛ mii í mii kérigèle myɛ joo mɔ yɛ́ʔɛ ma níjanʔa, gele Zyefubèle joo n taʔa mii na lè,

Kapyegèle 26:26

Fànʔafɔw Agiripa n kérigèle bee cán, gele bee si mii ní i nyuu wi ma ní nànzorodo ní, mii n tága gi na ncan li làa faala ga làra wi na í, níì cán ke ga kpéʔele làrama ni í.

Kapyegèle 26:7

Nyɔɔfaligi bee kéele na wolo Zyefubèle féleye kɛɛ ní siin Kolocɔlɔɔ kpɔ̀ʔɔrɔ́ ní be fúnyi myɛ ní canʔa ní yébilige, níì be sɔ̀ngumi taʔa gi na n jo ki a ba foro. Fànʔafɔw, àmɛɛ mii wɔ́ɔ̀ mii sɔ̀ngumi taʔa nyɔɔfaligi bee na lè, gee bee na Zyefubèle kútiiw kúunri mii na.

Kapyegèle 28:17

A canya taanri ga kwɔ́ɔ, a Pɔli Zyefubèle syɛɛnkpolobéle yeri n kpóʔoro. Amɛɛ be peyɛɛ gbóʔoro lè, a wi gi joo be ma níì jo: «Ni senyɛ̀nnɛ, mii ga kapeele faala kpéʔele wolo felegefɔ-nyɛ́nwaa na í, mii ga wɔ́ɔ̀ wolo tóolɛɛbèle kalɛɛlaa kálagi í, a be si mii cò Zyerusalɛmi ni n kaan Wɔrɔmi ye ma.

Kapyegèle 6:14

Níì cán wolo n gi lóʔo wi nyɔ́ɔgi na a wi jo, Zyezuw bee wi lè Nazarɛti ye wów, wi a ba tɛɛcǎngi naa kálagi si kalɛɛgèle kàriga, gele Mowizi da kaan wolo ma lè.»

1 Korɛnti ye 13:2

Alí kanyaajoori fundooro ga pye mii ma n náà fàra kalaragèle myɛ ní kérigèle myɛ cánna na, àlí mii tágali ga kpɔ́ʔɔ kanma o kanma na fwɔɔ bi gbǎn nyanbeleyi myɛ yìrige yi tɛɛ̀tɛ́nɛyi ni n gi yaʔa tàmaga o nyɛ mii fúngi ni í, mii o nyɛ yafyɛn í.

Làlwaw Kaanziin 17:18

Lǎli ni wi ga tɛ́ɛn fǎngi na, wi fàngoli na lè, wi a làlwaw naa sɛ́bɛ sɛ́bɛ ni ki tɛɛyɛ siin wiyɛɛ kéeli na bi yɛlɛ ní Levii ye sáriga-wòlobèle sɛ́bɛ wóro ní.