Kapyegèle 2:4 - Cebaara Bible 2010

⁴ A pe myɛ fúnyo nyìn Pìicǎnni na, a be fala ni syɛɛnfeleraa nikwɔɔ nyuu àmɛɛ Pìicǎnni di le lè be nyɔ́ɔyi ni.

Kapyegèle 2:4 Iomraidhean Croise

2 Samyɛli 23:2

Yawe Pǐli n joo mii nyɔ́ɔgi ni. Wi syɛ́ɛnri i nyɛ mii nyínni na.

Ezayi 28:11

Kányɛʔɛ na nyɔɔtɔʔɔrɔyɔ, ní táraa nikwɔɔ wòolo syɛ́ɛnrɛ ni Yawe a joo ní syɛ́ɛnbèle naa ní.

Ezayi 59:21

Yawe n jo: «Mii si na, joogaanni mii a kpéʔele ní be ní lè, loro li nyɛ lee naa: Mii Pǐli li nyɛ mɔ na lè, ní mii syɛ́ɛnri mii le mɔ nyɔ́ɔgi ni lè, ti a láʔa mɔ nyɔ́ɔgi na í, wàlá mɔ piibèle, ní poro pìíbèle nyɔ́ɔyɔ na í, bi séli tɔ́ɔliw naa na bàā syée yaà làla o làla,» Yawe wi jo nya.

Zyeremii 6:11

Mii n nyìn Yawe fundanʔagbɔɔri na, mii n tɔ̀nɔ n fɔ̀rɔ gbanʔama ti cò-mí-yérigeli na. «Ti wo pìíbèle na kàlari-kóloyi ni, mí wɔ́ɔ gi kpéʔele kánmi bee na wojáribèle gboolo na. Níì cán nǎnw ní céw a cò bi kári, n fàra wolɛɛɔ, ní wee na wi tɔ̀nɔ n lɛɛ n tín lè.

Ezekyɛli 3:11

Kári wojo-mí-káribèle ma, pe lè mɔ syɛ́ɛnbèle pìibēle. Mɔ a sa joo be ma, a be lóʔo yoo, a pe náà pye pe ga fɔ̀lɔ n gi kpéʔele í yoo, mɔ a be pye: ‹Kàfɔw Yawe wi jo nya.› »

Misye 3:8

Kàjáa mii na, mii n nyìn fǎngi na Yawe pǐli báriga ni, tànʔa ní lòmaana i nyɛ mii ma jàngó bi Zyakɔbi kakologi tɛ̀ɛn wi na, bi Isirayɛli kapeeli tɛ̀ɛn wi na.

Matye 10:19

Kàjáa lǎli ni pe ga yele le be kɔ́yi ni lè, syɛ́ɛnree yele a joo lè, ní kánmee na yele a di joo lè, ki ga yɛlɛ yele fúnyi í kɔ́ curugo kéeli bee na í. Dee yele a joo lè, Kolocɔlɔɔ a di kaan yele ma lǎli bee ni.

Mariki 16:17

Kérigèle naa a kɔ́ ba ra kpéʔele tágafɔbèle ma bi pye fɛ̀ɛ, koro ge nyɛ: pe a kɔ́ ra màdebèle nɛnɛ da yirigi syɛ́ɛnbèle ni mii mɛ́ɛgi na, pe nyíngèle si ba kàri paa syɛɛnfɔ́nraa féleye nyuu.

Luki 1:15

Níì cán wi a ba pye syɛɛnkpɔɔɔ Kàfɔw yɛ́ʔɛ ma, dùvɛɛnw ní yárigee faala syɔɔn a gbaa lè ki yɛ́ɛgi wɔ́ɔ wi na, wi a tée ra gee bee kàa gbo nyáana í, sáni wi nɔ́ɔw í wi see lè, wi fúngi a nyìn Pìicǎnni na,

Luki 1:41

Amɛɛ si Elizabɛti Marii fòów lóʔo lè, a pìíw fala n cúngo wi fícɛnni ni. A Elizabɛti fúngi nyìn Pìicǎnni na,

Luki 1:67

A wi tóow Zakarii fúngi nyìn Pìicǎnni na a wi i kérigèle nyaagi ni nyuu kánmi naa na níì jo:

Luki 12:12

Níì cán dee di yɛlɛ yele í sa joo lè, Pìicǎnni a yele tama di na lǎli bee wonijanna ni.»

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Luki 4:1

Zyezu fúngi maa nyìn Pìicǎnni na, a wi yìri Zyuridɛnw ma n lúru n kári. A Pìicǎnni wi tórigo fìími tára ni ní sa ni wi kàragí.

Zyan 14:26

Dɛ̀ɛmɛfɔw Tofɔw a tun naa yele ma mii mɛ́ɛgi na lè, woro wi a ba yele tama kérigèle myɛ na si wɔ́ɔ yele kaan yele í da sɔ̀ngí da taagi kérigèle myɛ na mii da ni nyuu yele ma lè, dɛ̀ɛmɛfɔw bee wi nyɛ Pìicǎnni.

Zyan 20:22

A wi ga dee bee joo n kwɔ́ɔ, a wi ŋɔ́n n wáa be na níì jo: «Ye Pìicǎnni syɔɔ lee.

Kapyegèle 1:5

Níì cán Zyan maa ni syɛ́ɛnbèle batize lǒgi ni, kàjáa canya cɛɛri ga kwɔ́ɔ, Kolocɔlɔɔ a ba yele batize ní Pìicǎnni ní.»

Kapyegèle 1:8

Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

Kapyegèle 10:46

Níì cán pe maa be nyaa a be gbàn ni syɛɛnfeleraa nyuu ní i Kolocɔlɔɔ kpɔ̀ʔɔrɔ́. Lǎli bee ni a Pyɛri jo:

Kapyegèle 10:47

«Bele be Pìicǎnni taa àmɛɛ wolo nyɛ lè, a gi yɛlɛ lé syɔɔn í be yérige lǒgi batɛmi kpéʔelele na?»

Kapyegèle 11:15

Lǎli ni mii baa syɛ́ɛnri séli ni nyuu lè, a Pìicǎnni tìgi be ma àmɛɛ li da wɔ́ɔ̀ tìgi wolo ma lè booma ni.

Kapyegèle 11:24

Níì cán wi maa tɔ̀nɔ n pye syɛɛncaɔn, a wi fúngi nyìn Pìicǎnni na, á wi tágali wɔ́ɔ̀ kpɔ́ʔɔ. A syɛ́ɛnbèle pèle saʔa níì fàra Kàfɔw wòolo na.

Kapyegèle 13:52

Bele pe da tága lè, a poro fúnyi nyìn fundaanri, ní Pìicǎnni na.

Kapyegèle 13:9

Lǎli bee ni Sɔli, wee be wɔ́ɔ̄ yiri lè Pɔli, a Pìicǎnni wi fúngi nyìn, a woro i wi wéle ní kɔ́ɔ̀ jo:

Kapyegèle 15:8

Kolocɔlɔɔ wi lè syɔɔn fúngi cánvɔlɔ, wi n Pìicǎnni kaan be ma séera, àmɛɛ wi da wɔ́ɔ̀ li kaan wolo ma lè.

Kapyegèle 19:6

A Pɔli wi kɔ́yi taʔa be na, a Pìicǎnni tìgi be ma. A be séli ni nyuu syɛɛnfeleraa ni, ní i kérigèle nyaagi ni nyuu.

Kapyegèle 2:11

Wolo pèle i nyɛ Zyefubéle, á pèle jée Zyefubèle séri kólogo ni, pèle si i nyɛ Kirɛti ye, ní Arabii ye wòolo, kàjáa wolo myɛ nibin nibin i Kolocɔlɔɔ kakpoloyi lúro be ma wolo tiimaa syɛɛnfeleri ni!»

Kapyegèle 2:3

A be yariraa nyaa mɔ a jo naanyìnye yii. A yi wálagi n tɛ́ɛn be na nibin nibin.

Kapyegèle 4:31

A pe ga nyɛ́ɛri n kwɔ́ɔ, tɛ́ɛgee ni pe da peyɛɛ gbóʔoro lè, a tɛ́ɛgi bee cúngo. A pe myɛ fúnyo nyìn Pìicǎnni na, a be fala ni Kolocɔlɔɔ syɛ́ɛnri nyuu ní nànzorodo ní.

Kapyegèle 4:8

Lǎli bee ni àmɛɛ Pyɛri fúngi da nyìn lè Pìicǎnni na, a wi be yari: «Yele Isirayɛli ye kùndigibèle ní yele bele ye nyɛ lè wolɛɛbèle,

Kapyegèle 6:3

Ni senyɛ̀nnɛ, gee bee na gi yɛlɛ ye nànbēle kɔrɔsiin nyɛ́nɛ ye wòlo yeyɛɛ níngi ni, be pye mɛ́ɛtaanya fɔ̀ɔlɔ, be fúnyi si nyìn Pìicǎnni na, pé wɔ́ɔ pye sícilibēle, wolo a bele bee télege fáliw bee na,

Kapyegèle 6:5

A syɛ́ɛnri bee syɛ́ɛnmi myɛ dɛ́nɛ. A bi Etyɛni nyɛ́nɛ n wòlo, wi tágali maa kpɔ́ʔɔ, a wi fúngi wɔ́ɔ̀ nyìn Pìicǎnni na, bele pe da fàra wi na lè, pe i be mɛ́ɛyi yiri Filipi, ní Purokɔri, ní Nikanɔri, ní Timɔ, ní Parimɛnasi, ní Nikola ní, wi lè Antyɔsyi ye wów, wi maa pye syɛɛnfelegaa níì jée Zyefubèle sérikologo ni.

Kapyegèle 6:8

Kolocɔlɔɔ kpɔ́ʔɔri ní wi fǎngi maa pye Etyɛni ma, a wi i kakpoloyi, ní fɛ̀ɛkpoloyo kpéʔele syɛ́ɛnbèle nínge ni.

Kapyegèle 7:55

Etyɛni fúngi si maa nyìn Pìicǎnni na, a wi nyǔngi yìrige n wéle nyɛ̀ʔɛni na n Kolocɔlɔɔ nìjangbɔɔri nyaa, ní wɔ́ɔ̀ Zyezu nyaa woyéreo ní Kolocɔlɔɔ kàliige ma.

Kapyegèle 8:17

Lǎli bee ni a Pyɛri ní Zyan kɔ́yi taʔa be na, a be Pìicǎnni taa.

Kapyegèle 9:17

A Ananyasi kári n sáà jée kpáagi bee ni n kɔ́yi taʔa Sɔli na níì jo: «Ni senyɛnnɛ Sɔli, Kàfɔw Zyezu wi wiyɛɛ dɛ̀ɛn lè mɔ na kólogi na lǎli ni mɔ da ni maa lè, woro wi mii tun naa mɔ ma, koro ga pye mɔ í ní da nyaagi, mɔ fúngi si nyìn Pìicǎnni na.»

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

1 Korɛnti ye 12:10

Pìicǎnni bee li wɔ́ɔ̀ kakpoloyi kpéʔelele fanʔa kaan wàa ma, níì séew kaan wàa ma waa kérigèle nyaagi waa nyuu, níì pìígèle sɛʔɛwelele kaan wàa ma. Loro wonijanni li syɛɛnfeleraa kaan wàa ma waa nyuu, níì syɛɛnfeleraa kɔ́rɔ joolo kaan wàa ma.

1 Korɛnti ye 13:1

Alí mii ga ni nyuu syɛ́ɛnbèle syɛ́ɛnrɛ ni, ní wɔ́ɔ i nyuu nyɛ̀ʔɛni tundunbéle wóro ni n gi yaʔa tàmaga o nyɛ mii fúngi ni í, mii i nyɛ mɔ a jo kanyɛɛnrɛ be kpúmɔn, wàlá wèlege be tìngí.

1 Korɛnti ye 13:8

Tàmagi o kwóo nyáana í. Kanyaajoori si a kwɔ́ɔ, syɛɛnfeleraa joolo a wɔ́ɔ sàa, cánni a wɔ́ɔ kwɔ́ɔ.

1 Korɛnti ye 14:18

Mii i bariga kaangi Kolocɔlɔɔ ma àmɛɛ mii nyuu lè syɛɛnfeleraa ni n sɔ̀lɔ yele myɛ na.

1 Korɛnti ye 14:5

Mii i caa yele myɛ í gbǎn ra syɛɛnfeleraa nyuu, kàjáa yele ga ni kérigèle nyaagi ni nyuu, gee bee a mii dɛ́nɛ bi sɔ̀lɔ. Wee wi ga ni kérigèle nyaagi ni nyuu lè, wee bee n kpɔ́ʔɔ n sɔ̀lɔ syɛɛnfeleraa joofɔlɔ na, kapye syɛɛnfeleri bee joofɔlɔ o di kàragí yele syɛ́ɛnri ni í, koro ga pye kàa í fàra Egiliziw tágala na í.

Efɛzi ye 3:19

jàngó yele í wi tàmagi bee cán bi gi taa ki n kpɔ́ʔɔ n sɔ̀lɔ syɔɔn cánni na, yele fúnyi si nyìn Kolocɔlɔɔ nyìnganmi myɛ na.

Efɛzi ye 5:18

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

1 Pyɛri 1:12

Kolocɔlɔɔ si maa gi tɛ̀ɛn be na ncan kérigèle bee pe da ni nyuu lè, pe da ni ge nyuu peyɛɛ kéeli na í, fwɔɔ yele kéeli na. Syɛɛnjóocǎnri joofɔɔlɔ si n náa baa kérigèle bee joo yele ma tɔ́ɔliw ni Pìicǎnni báriga ni, lee Kolocɔlɔɔ yìrige lè nyɛ̀ʔɛni na n tórigo naa, ki láagi i nyɛ nyɛ̀ʔɛni tundunbéle na gbanʔama bi kérigèle bee fílige cán.

2 Pyɛri 1:21

Níì cán kanyaajooraa ga yìri syɔɔn ma làlaa faala ni í, kàjáa Pìicǎnni li da ni syɛ́ɛnbèle kàragí a be i Kolocɔlɔɔ syɛ́ɛnri nyuu, dee wi da ni kaangi be ma lè.

1 Samyɛli 1:14

A wi wi pye: «Làla jòorí mɔ a kwɔ́ɔ nya singbaadinri ni? Mɔ dùvɛɛnw yaʔa wi cèlege nya mɔ ni.»

1 Samyɛli 10:10

Pe sáà nan Gibeya na lè, a be fàra ní kanyaajoobèle kabiga ní. A Kolocɔlɔɔ Pǐli wi yìrige, a wi i kérigèle nyaagi ni nyuu be níngi ni.