Kapyegèle 2:3 - Cebaara Bible 2010

³ A be yariraa nyaa mɔ a jo naanyìnye yii. A yi wálagi n tɛ́ɛn be na nibin nibin.

Kapyegèle 2:3 Iomraidhean Croise

Sélimɛ 11:6

A Yawe gi joo níì jo: «Wéle, àmɛɛ pe myɛ nyɛ lè syɛɛnfelege nibin, pe myɛ si i syɛɛnfele-níjanra nyuu, gee be séli ni kpéʔele lè gee, ki ga foro pe wógi na, yafyɛn a ní ba be láʔa pe nyɛnɛ kéelaa na í.

Ŋúnuyi 55:9

Mii a dée fàn kelekele bi làra káfalakpɔɔgi, ní zěkpɔɔgi na.»

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Zyeremii 23:29

«Mii syɛ́ɛnri o nyɛ àmɛɛ naà nyɛ lè ì, ní àmɛɛ màrito nyɛ, wee wi fálaga jee lè ì?» Yawe wi jo nya.

Matye 3:11

Mii tɔ̀nɔ́ i yele batize lǒgi ni kàdowaari kéele na kapeegèle ma. Kàjáa wee wi maa mii kàdoʔo ma lè, wi séew n kpɔ́ʔɔ n sɔ̀lɔ mii wów na. Mii ga caa wɔ́ɔ̀ nyɔɔ n yɛlɛ bàā wi taʔalayi có í. Woro wi a ba ra yele batize ní Pìicǎnni, ní náagi ní.

Matye 3:15

A Zyezu wi yari: «Mi fɔ̀lɔ gi na tɔ́ɔliw ni, níì cán kánmi bee na wolo yɛlɛ wolo í gi kpéʔele bi sínni kèlē myɛ foro.» A Zyan náà fɔ̀lɔ gi na.

Luki 24:32

A be i gi nyuu peyɛɛ ma níì jo: «Lǎli ni wi da ni nyuu ní wolo ní kólogi na lè, ní i Kolocɔlɔɔ syɛɛnsɛbɛri kɔ́rɔ tèé wolo na lè, wolo fúnyi da ni tàán ni maa wolo ni ì?»

Kapyegèle 1:15

Cányi bee ni a Pyɛri kɔ́ɔ̀ yìri n yére senyɛnbèle nínge ni. (Bele pe da peyɛɛ gbóʔoro yaà lè, pe maa togoye kɔrɔni félege kwɔ́ɔ.) A wi be pye:

Kapyegèle 2:11

Wolo pèle i nyɛ Zyefubéle, á pèle jée Zyefubèle séri kólogo ni, pèle si i nyɛ Kirɛti ye, ní Arabii ye wòolo, kàjáa wolo myɛ nibin nibin i Kolocɔlɔɔ kakpoloyi lúro be ma wolo tiimaa syɛɛnfeleri ni!»

Kapyegèle 2:2

Lǎli bee ni a kàfulogo fala n yìri terire nyɛ̀ʔɛni na, àmɛɛ káfalakpɔʔɔ kàfulogo nyɛ lè, a gi baa kpáagi myɛ nyìn, gee ni pe da pye lè wodɛ́ɛnbéle ní.

Kapyegèle 2:4

A pe myɛ fúnyo nyìn Pìicǎnni na, a be fala ni syɛɛnfeleraa nikwɔɔ nyuu àmɛɛ Pìicǎnni di le lè be nyɔ́ɔyi ni.

1 Korɛnti ye 12:10

Pìicǎnni bee li wɔ́ɔ̀ kakpoloyi kpéʔelele fanʔa kaan wàa ma, níì séew kaan wàa ma waa kérigèle nyaagi waa nyuu, níì pìígèle sɛʔɛwelele kaan wàa ma. Loro wonijanni li syɛɛnfeleraa kaan wàa ma waa nyuu, níì syɛɛnfeleraa kɔ́rɔ joolo kaan wàa ma.

Zyaki 3:6

Nyínni wɔ́ɔ i nyɛ àmɛɛ naà nyɛ lè, loro ni péemi myɛ taagi, pi nyɛ lè dulunyanw ni, li i nyɛ wolo céri tɛ́ɛlaa, a wolo céri myɛ i taagi li péemi na, nlaa pe syɔɔn see lè, kérigèle myɛ wi kpéʔele lè wi sìíw canya ni, loro li náagi nii gele bee na, náagi bee i nyɛ tɛɛwɔʔɔgi wóʔo, gee Sutanaw le li na lè.

Tɛ̀ɛnnɛ 11:3

Mii a fànʔa kaan mii séerafɔbèle siin ma paa kérigèle nyaagi paa nyuu bi ba taa canya saala kɔrɔni ní togoye taanri, gɔ̀nvaʔaya búroyo si pye be na.»

Tɛ̀ɛnnɛ 14:6

A mii níì nyɛ̀ʔɛni tundunwaa nikwɔɔ nyaa wi i sɔ̀lɔ́ ǹjogi ni fókaanya na. Bàngwɔɔ Syɛɛnjóocànra maa pye wi ma bi joo tári syɛ̀ɛnnɛ ma, gee bee n jo, syɛɛnfeleyi myɛ, ní syɛɛnfeleyi yòdaʔaya myɛ, ní syɛɛnfeleri joofɔɔlɔ myɛ, ní dulunyanw syɛ̀ɛnnɛ myɛ ma.