Kapyegèle 2:2 - Cebaara Bible 2010

² Lǎli bee ni a kàfulogo fala n yìri terire nyɛ̀ʔɛni na, àmɛɛ káfalakpɔʔɔ kàfulogo nyɛ lè, a gi baa kpáagi myɛ nyìn, gee ni pe da pye lè wodɛ́ɛnbéle ní.

Kapyegèle 2:2 Iomraidhean Croise

1 Fànʔafɔbèle 19:11

A Yawe jo: «Yiri mi yére nyanbelegi na Yawe yɛ́ʔɛ ma.» Wéle, a Yawe kàri ni sɔ̀lɔ́. Káfalakpɔɔ-bìngaʔa maa ni nyanbeleyi yabala, ní i fálayi tɔ́nʔɔnɔ Yawe yɛ́ʔɛ ma. Yawe si da pye káfalagi ni í. A káfalagi ga sɔ̀lɔ, a koro pye tári cɛ̀lɛlɛ. Yawe si da pye tári cɛ̀lɛlɛ ni í.

Ŋúnuyi 18:10

Wi n nyɛ̀ʔɛgèle tìrige táàma, níì tìgi n pan, fàfaanwɔʔɔ si i nyɛ wi tɔ́lɔyi láara ni.

Ŋúnudaangi 4:16

Solomɔkulo kàbangi káfalaga, yìri ŋúnɔmi na! Wòrogulo kàbangi káfalaga, da maa! Da mii nángwɔɔw fee, koro ga pye wi nùndaanni yárira núngo í da yirigi! Mii nànnidaanmaw n yɛlɛ wi jée wi nángwɔɔw ni, wi wi nángwɔɔw yasanjanraa lìi!

Ezayi 65:24

Lǎli bee ni sáni pe mii mɛ́ɛgi yeri lè, mii a syɔɔ be ma. Pe a sèʔé pye jooli na mii si tée lóʔo be ma.

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Luki 2:13

Lǎli bee ni a nyɛ̀ʔɛni sùlasii-nɛʔɛmaa pàla n pan n baa fàra tundunw na, a be i Kolocɔlɔɔ kpɔ̀ʔɔrɔ́ níì jo:

Zyan 3:8

Káfalagi i funu ni syée tɛ́ɛgee ga gi dɛ́nɛ lè, mɔ n ni gi funumi lúro. Kàjáa mɔ a gi tɛɛyìrige cán í, mɔ a wɔ́ɔ gi tɛɛ̀káriga cán í. Anbée si gi wɔ́ɔ̄ nyɛ syɔɔn ma, wee Pìicǎnni see lè.»

Kapyegèle 2:3

A be yariraa nyaa mɔ a jo naanyìnye yii. A yi wálagi n tɛ́ɛn be na nibin nibin.

Kapyegèle 2:6

Lǎli ni kàfulogi yìri lè, a syɛ́ɛnmi piyɛɛ gbóʔoro yaà, a gi be fúnyi wɔ́ɔ, níì cán pe myɛ nibin nibin maa ni poro tiimaa syɛ́ɛnri lúro pìitunbèle nyɔ́ɔyɔ na.

Kapyegèle 4:31

A pe ga nyɛ́ɛri n kwɔ́ɔ, tɛ́ɛgee ni pe da peyɛɛ gbóʔoro lè, a tɛ́ɛgi bee cúngo. A pe myɛ fúnyo nyìn Pìicǎnni na, a be fala ni Kolocɔlɔɔ syɛ́ɛnri nyuu ní nànzorodo ní.

1 Pyɛri 1:12

Kolocɔlɔɔ si maa gi tɛ̀ɛn be na ncan kérigèle bee pe da ni nyuu lè, pe da ni ge nyuu peyɛɛ kéeli na í, fwɔɔ yele kéeli na. Syɛɛnjóocǎnri joofɔɔlɔ si n náa baa kérigèle bee joo yele ma tɔ́ɔliw ni Pìicǎnni báriga ni, lee Kolocɔlɔɔ yìrige lè nyɛ̀ʔɛni na n tórigo naa, ki láagi i nyɛ nyɛ̀ʔɛni tundunbéle na gbanʔama bi kérigèle bee fílige cán.