Kapyegèle 14:3 - Cebaara Bible 2010

³ A be sèʔê làla saʔa kwɔ́ɔ Ikonyɔmi ni, níì soro n yére ni nyuu yaà, ncan pe maa be sɔ̀ngumi yaʔa Kàfɔw na, woro wee wi da ni wi kpɔ́ʔɔri syɛ́ɛnrɛ séera kpéʔele lè, níì fǎngi kaan be ma a be gbàn ni fɛ̀ɛ́bèle ní kakpoloyi kpéʔele lè.

Kapyegèle 14:3 Iomraidhean Croise

Mariki 16:20

A be yìri n kári n sa ni Syɛɛnjóocǎnri nyuu tɛ́ɛyi myɛ ni. Kàfɔw si maa ni báara ní be ní, ní i be syɛ́ɛnri fíligi kakpoloyi báriga ni yi da pínɛ ní be syɛ́ɛnri ní lè.]

Zyan 4:48

A Zyezu wi yari: «Yele ga pye yele ga fɛ̀ɛbēle ní kakpoloyo nyaa í, yele o tági í.»

Kapyegèle 13:46

A Pɔli ní Barinabasi soro n yére n gi joo be ma níì jo: «Ŋàʔanaga ki da pye Kolocɔlɔɔ syɛ́ɛnri í dée séli joo yele ma, kàjáa àmɛɛ yele tɔ̀nɔ n di cée lè níì gi tímana yele fúnyi ni n gi nyaa yele ga yɛlɛ ní sìibangwɔɔw ní í, gee bee na wolo a kári syɛɛnfeleyi wozanya ma.

Kapyegèle 2:22

Yele Isirayɛli ye nǎnbèle, ye syɛ́ɛnri naa lóʔo! Kolocɔlɔɔ maa Zyezu tɛ̀ɛn yele na wi lè Nazarɛti ye wów, kakpoloyi, ní bìngaari kèlē, ní fɛ̀ɛ́bèle báriga ni bele wi da kaan wi ma a wi i kpéʔele yele níngi ni lè, àmɛɛ yele tiimaa gi cán lè, koro ga pye yele í gi cán wi i nyɛ woro wóo kányɛʔɛ ni.

Kapyegèle 20:24

Koro ní ki myɛ ní mii o mii tiimaa sìíw córo yarigaa í, jàngó mii í tɛ́nɛ kàfyaali fǎn foro, mii fáliw si wɔ́ɔ foro, wee Kàfɔw Zyezu kaan mii ma lè níì jo mii í da Kolocɔlɔɔ kpɔ́ʔɔri syɛɛnjóocànra séera kpéʔele.

Kapyegèle 20:32

Tɔ́ɔliw ni mii n yele yaʔa Kàfɔw ma, ní wɔ́ɔ̀ yele yaʔa wi kpɔ́ʔɔri syɛ́ɛnrɛ ma, dee ti a gbǎn ra kàa fàrá yele na lè, si kɔ́rigi kaan yele ma bi fàra bele myɛ na Kolocɔlɔɔ sámaga n yaʔa wiyɛɛ ma lè.

Kapyegèle 4:31

A pe ga nyɛ́ɛri n kwɔ́ɔ, tɛ́ɛgee ni pe da peyɛɛ gbóʔoro lè, a tɛ́ɛgi bee cúngo. A pe myɛ fúnyo nyìn Pìicǎnni na, a be fala ni Kolocɔlɔɔ syɛ́ɛnri nyuu ní nànzorodo ní.

Kapyegèle 5:32

Wolo si i nyɛ kérigèle bee séerabéle n fàra Pìicǎnni na, lee Kolocɔlɔɔ kaan bele ma be lúro woro ma lè.»

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

1 Tesaloniki ye 2:2

Kàjáa yele n gi cán àmɛɛ pe da wolo wɔʔɔ níì wolo tɛʔɛlɛ lè Filipikaʔa ni, koro kàdoʔo ma a wolo sèʔê soro wolo Kolocɔlɔw báriga ni n ba ni wi Syɛɛnjóocǎnri nyuu yele ma kàsiikpɔɔw nínge ni.

Heburubèle 2:4

A Kolocɔlɔɔ wi séeraw fàra be syɛ́ɛnri na, ní fɛ̀ɛbēle, ní bìngaara kele, ní kakpoloyo féleye saʔa ní, wi si maa wɔ́ɔ ni Pìicǎnni yakaanya kaangi ni yɛlɛgi ní wi kínidɛnɛgi ní.