Kapyegèle 13:3 - Cebaara Bible 2010

³ A pe ga súnw le níì nyɛ́ɛri Kolocɔlɔɔ ma n kwɔ́ɔ, a be kɔ́yi taʔa be na, níì be yaʔa pe i syée.

Kapyegèle 13:3 Iomraidhean Croise

Córolo 27:23

A wi wi kɔ́yi taʔa wi na níì kérigèle joo n gbàn wi ma, n yɛlɛ ní gi ní àmɛɛ Yawe da gi joo woro Mowizi nyɔ́ɔgi ni lè.

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Kapyegèle 1:24

A be nyɛ́ɛri be kéeli na níì jo: «Kàfɔw, mɔ wi nyɛ lè syɛ́ɛnbèle myɛ fúnyo cánvɔlɔ, wee mɔ nyɛ́nɛ n wòlo lè syɛ́ɛnbèle naa siin ni, mi wee bee tɛ̀ɛn wolo na,

Kapyegèle 13:2

Cangaa pe maa ni Kàfɔw kpɔ̀ʔɔrɔ́ níì súnw le, a Pìicǎnni be pye: «Fáliwee na mii Barinabasi ní Sɔli yeri lè, ye be yaʔa mii ma fáliw bee kánma na.»

Kapyegèle 13:4

Amɛɛ Pìicǎnni Barinabasi ní Sɔli tun lè, a be kári Selusii ma n sáà jée bàtowaa ni n lǒgi jeli n kári Syipiri tári ma.

Kapyegèle 14:23

A be yɛɛ̀kinibèle pèle nyɛ́nɛ n wòlo n télege télege egilizibèle nyúnyo na, níì súnw le níì nyɛ́ɛri Kolocɔlɔɔ ma, ní náà be yaʔa Kàfɔw kɔ́yɔ ni, woro wee na be tága lè.

Kapyegèle 14:26

A be sáà jée bàtowaa ni nɛɛ bee n kári Antyɔsyi ma, kěgee ni pe da bɛ̀ɛ be na lè níì be tórigo fáliw ma Kolocɔlɔɔ kpɔ́ʔɔri kéele na, wee be sáà kpéʔele n kwɔ́ɔ lè.

Kapyegèle 15:40

á Pɔli si Silasi nyɛ́nɛ n wòlo n kári, a senyɛnbèle be kàlifáa Kàfɔw kpɔ́ʔɔrɔ ma.

Kapyegèle 6:6

A syɛ́ɛnmi sáà be yérige pìitunbèle yɛ́ʔɛ ma, a poro Kolocɔlɔɔ nyɛ́ɛri níì kɔ́yi taʔa be na.

Kapyegèle 9:17

A Ananyasi kári n sáà jée kpáagi bee ni n kɔ́yi taʔa Sɔli na níì jo: «Ni senyɛnnɛ Sɔli, Kàfɔw Zyezu wi wiyɛɛ dɛ̀ɛn lè mɔ na kólogi na lǎli ni mɔ da ni maa lè, woro wi mii tun naa mɔ ma, koro ga pye mɔ í ní da nyaagi, mɔ fúngi si nyìn Pìicǎnni na.»

Wɔrɔmi ye 10:15

Kapye wàa ga kanyaajoobèle tun í, mɛ̀ɛ́ pe a sa ra wi kéeli nyuu bi sɛ́ɛ? Amɛɛ gi sɛ́bɛ lè níì jo: «Bele be Syɛɛnjóocǎnri nyuu lè, bele bee nyɔ̌ndanʔana n tɔ̀nɔ n nyɔɔ.»

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

1 Timɔte 5:22

Mɔ a wári kɔ́ mɔ kɔ́yi taʔa syɔɔnwaa faala na í, ki ga wɔ́ɔ̀ yɛlɛ mɔ í pínɛ ní pèle ní kapeebyeri na í. Ki n yɛlɛ mɔ tíimaa í kòro wojaɔn ní.

2 Timɔte 1:6

Koro na mii i mɔ sɔngumi tìrigí gi na níì jo, fundooree Kolocɔlɔɔ kaan mɔ ma lè mii kɔdaʔari báriga ni mɔ na lè, mi gi yaʔa kàa í da fàrá dee bee na àmɛɛ syɔɔn gáā naà kpèʔelé lè.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

3 Zyan 1:6

Bele bee pe baa yére Egiliziw yɛ́ʔɛ ma n mɔ tamagi séera kpéʔele. Mɔ ga níì be dɛ̀ɛmɛ n yɛlɛ ní Kolocɔlɔɔ kínidɛnɛgi ní a be kári yɛʔɛ̀ ma tánʔani ni, mɔ a kacànna pye.

3 Zyan 1:8

Koro na gi yɛlɛ waa syɛ́ɛnbèle bee félege dɛ̀ɛmɛ́ koro ga pye wolo í pye be falipyenyɛ̀nnɛ kányɛɛgi fáli ni.