Kapyegèle 13:2 - Cebaara Bible 2010

² Cangaa pe maa ni Kàfɔw kpɔ̀ʔɔrɔ́ níì súnw le, a Pìicǎnni be pye: «Fáliwee na mii Barinabasi ní Sɔli yeri lè, ye be yaʔa mii ma fáliw bee kánma na.»

Kapyegèle 13:2 Iomraidhean Croise

1 Cányi kèlē 16:4

A wi Levii wóbèle pèle télege Yawe kásuw yɛ́ʔɛ ma, paa Yawe Isirayɛli ye Kolocɔlɔw kpɔ̀ʔɔrɔ́, sáā wi kpɔ́ʔɔgi, sáā wi sòoló.

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Matye 17:21

Kàjáa màdew naa félege a gbǎn yiri nyɛ́ɛrigi ní súnleri kàdoʔo ma í.]»

Matye 6:16

«Yele ga ni súnw nii, ki ga yɛlɛ yele í da yele yɛ́ɛyi taanri àmɛɛ syɛɛnjóotɛɛyi siin joofɔɔlɔ gi kpéʔele lè í. Pe i be yɛ́ɛyi fɛ̀ɛ́, jàngó syɛ́ɛnbèle í da poro nyaagi si gi cán poro i nyɛ sún na. Mii si a gi joo yele ma kányɛʔɛ ni, pe n be tɔ̀nɔw taa n kwɔ́ɔ.

Matye 9:38

Koro na gi yɛlɛ yaa séyi Kàfɔlɔ nyɛ́ɛri jàngó waa yaliilaabèle kɔ́ri waa tórogi wi séyi ma.»

Luki 10:1

Koro kàdoʔo ma a Kàfɔw níì syɛ̀ɛnnɛ togoye taanri ní kpɔrigɔ ní siin nyɛ́nɛ n wòlo, tɛ́ɛyee myɛ ni, ní kěyi myɛ ma woro tiimaa a kári lè, a wi bele bee tun siin-ziin paa syée yaà woro yɛ́ʔɛ na,

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Kapyegèle 10:19

Amɛɛ Pyɛri pye ni sɔ̀ngí lè yanyaagi bee kéele na, a Pìicǎnni gi joo wi ma níì jo: «Wéle, nànbēle taanri i mɔ wéle yaà.

Kapyegèle 10:30

A Kɔrɔnɛ jo: «Ki canya sicɛrɛ wi nyɛ níjanʔa, cángi bee níbeena nyɔʔɔmɔ na mii da ni Kolocɔlɔɔ nyɛ́ɛri mii kpáagi ni cangàrigi na, ní kɔ́ɔ̀ nànwaa foo n nyaa woyéreo ní niyɛɛ daana ní buroviige ní, a ki i fíligi kere kere.

Kapyegèle 13:3

A pe ga súnw le níì nyɛ́ɛri Kolocɔlɔɔ ma n kwɔ́ɔ, a be kɔ́yi taʔa be na, níì be yaʔa pe i syée.

Kapyegèle 13:4

Amɛɛ Pìicǎnni Barinabasi ní Sɔli tun lè, a be kári Selusii ma n sáà jée bàtowaa ni n lǒgi jeli n kári Syipiri tári ma.

Kapyegèle 14:26

A be sáà jée bàtowaa ni nɛɛ bee n kári Antyɔsyi ma, kěgee ni pe da bɛ̀ɛ be na lè níì be tórigo fáliw ma Kolocɔlɔɔ kpɔ́ʔɔri kéele na, wee be sáà kpéʔele n kwɔ́ɔ lè.

Kapyegèle 20:28

Yaa yeyɛɛ kɔ̀rɔsíi, ye wɔ́ɔ yaa bǎbèle myɛ kɔ̀rɔsíi, bele yɛ́ʔɛ na Pìicǎnni yele kínige lè, jàngó yele í pye Kolocɔlɔɔ Egiliziw nàʔafɔɔlɔ, wee wi syɔɔ lè wi tiimaa sìsyaanw báriga ni.

Kapyegèle 22:21

A wi mii pye: ‹Yìri maa syée, níì cán mii a mɔ tun syɛɛnfeleyi ma tɛɛ̀leeliye ni.› »

Kapyegèle 4:36

Nànwaa maa pye yaà pe i wi yiri Zyozɛfu, pìitunbèle si i wi yiri Barinabasi, ki kɔ́rɔw wi nyɛ kɛɛlɛli pyà, wi maa pye Levii ye wówaa, táree ni si be wi see lè pe i di yiri Syipiri.

Kapyegèle 6:4

wolo tiimaa si kòro bàā Kolocɔlɔɔ nyɛ́ɛri sáā wi syɛ́ɛnri joolo fáli kpéʔele.»

Kapyegèle 8:29

a Pìicǎnni Filipi pye: «Da syée mi sa pínɛ ní wòtorow yaa fɔ́lɔ ní.»

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 1:1

Mii Pɔli, wi lè Kirisi Zyezu púlo, Kolocɔlɔɔ n mii yeri mii í pye woro pìituɔn àmɛɛ wi mii nyɛ́nɛ n wòlo lè mii í da woro Syɛɛnjóocǎnri nyuu.

Wɔrɔmi ye 10:15

Kapye wàa ga kanyaajoobèle tun í, mɛ̀ɛ́ pe a sa ra wi kéeli nyuu bi sɛ́ɛ? Amɛɛ gi sɛ́bɛ lè níì jo: «Bele be Syɛɛnjóocǎnri nyuu lè, bele bee nyɔ̌ndanʔana n tɔ̀nɔ n nyɔɔ.»

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

1 Korɛnti ye 12:11

Pǐli bee wonijanna li kérigèle bee myɛ kpéʔele, níì syɛ́ɛnbèle myɛ nibin nibin fundooro kaan be ma n yɛlɛ ní li kínidɛnɛgi ní.

1 Korɛnti ye 7:5

Ye a kɔ́ láʔa yeyɛɛ na í, fwɔɔ yele ga bɛ̀ɛ gi na bi làlaa yaʔa bàā nyɛ́ɛri Kolocɔlɔɔ ma. Si náa ní pye ní yeyɛɛ ní, koro ga pye Sutanaw a kɔ́ yele fáana lége kapeele ni yeyɛɛ sìnjomi báriga ni í.

2 Korɛnti ye 11:27

Fáliw maa nɛʔɛ mii na, ní wɔ́ɔ̀ gbàn. Sìnŋunɔmi maa pye mii na làrigēle saʔa ni, a kateegi ní lògbaagi i mii jáagi. Sìnliimi maa pye mii na làrigēle saʔa ni, wéeri si i mii kúu, fànilew fɔ̀ngɔ si i nyɛ mii na.

2 Korɛnti ye 6:5

Pe i wolo kpúmɔn, ní i wolo nii kàsow ni, ní i kàsiikpoloyi yìrigí wolo kurugo, falinɛʔɛw, ní sìnŋunɔmi, ní sìnliimi myɛ i wolo fɔ̀rɔgí.

Galasi ye 1:15

Kàjáa wee wi mii nyɛ́nɛ n wòlo n yaʔa kɔlɔ̀ na sáni mii nɔ́ɔw í mii see lè, lǎli ni wi mii yeri wi nyínimi báriga ni lè,

Efɛzi ye 3:7

Mii n baa pye Syɛɛnjóocǎnri falipyeo n yɛlɛ ní yakaangi ní ki nyɛ lè Kolocɔlɔɔ kpɔ́ʔɔri, dee wi kaan mii ma lè n yɛlɛ ní wi séew falipyeganma ní.

Làlwaw Kaanziin 10:8

Lǎli bee ni Yawe Levii syɛɛnfelegi wòlo n yaʔa kɔlɔ̀ na kaa Yawe joogaanni kásu lée, sáā yèré Yawe yɛ́ʔɛ ma bàā wi fáliw kpéʔele, sáā dùba kpéʔele syɛ́ɛnbèle ma wi mɛ́ɛgi na. Koro pe wɔ́ɔ̄ kpéʔele fwɔɔ n baa nan níjanʔa na.

Kɔlɔsi ye 4:17

Ye gi joo Arisyipi ma yé wi pye waa wi fáliw kɔ̀rɔsíi wee Kàfɔw kaan woro ma lè, koro ga pye woro í wi kpéʔele foro.

1 Timɔte 2:7

Gee bee na Kolocɔlɔɔ mii télege mii í pye wi kanyaajooo, ní wi pìituɔn mii i kányɛɛgi nyuu, mii o finɛ í, mii i nyɛ syɛɛnfeleyi wozanya tamafɔlɔ tágali, ní kányɛɛgi ni.

2 Timɔte 1:11

Syɛɛnjóocǎnri bee kéele na pe mii télege a mii pye di joofɔwaa, ní pìituɔn, ní tamafɔlɔ.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

2 Timɔte 4:11

Luki nibin wi kòro naa ní mii ní. Mariki kɔ́ri maa maa ní miyɛɛ ní, níì cán mii màko i nyɛ wi na gbanʔama fáliw kéele na.

2 Timɔte 4:5

Mɔ si na, ki n yɛlɛ mɔ í miyɛɛ cǒmi cán kérigèle myɛ ni, mí wɔʔɔgi kpàraco, fáliwee kanyaajooo yɛlɛ waa kpéʔele lè, da wee bee kpéʔele, máā mɔ fáliw kpéʔele mi foro.

Heburubèle 5:4

Syɔɔn faala a gbǎn jée kpɔɔmɔ fáliw bee ni wiyɛɛ ma í, fwɔɔ Kolocɔlɔɔ ga wee yeri lè, àmɛɛ wi da Aarɔn yeri lè.

1 Samyɛli 2:11

A Elikana kári Arama ma wi kpaʔa ma, á pìíw kòro yaà ni báara Yawe ma sáriga-wòlow Helii yɛ́ʔɛ ma.