Kapyegèle 10:2 - Cebaara Bible 2010

² Nǎnw bee maa ni Kolocɔlɔɔ kpɔ̀ʔɔrɔ́ ní wi kpáagi wòolo myɛ ní, ní i fɛ̀ɛgí Kolocɔlɔɔ na, ní wɔ́ɔ i foomɔfɔbèle dɛ̀ɛmɛ́ làrigēle saʔa ni, ní i nyɛ́ɛri Kolocɔlɔɔ ma làla o làla.

Kapyegèle 10:2 Iomraidhean Croise

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

1 Fànʔafɔbèle 8:43

bi mɔ yaʔa wodɛ́ɛɔn ní nyɛ̀ʔɛni na, mɔ tɛɛ̀tɛ́ɛnni ni, mi lóʔo wi ma. Kéelee na tári bee syɔ́ɔn mɔ nyɛ́ɛri lè, mi li kpéʔele wi ma, koro ga pye tári syɛɛnfeleye myɛ í mɔ mɛ́ɛgi cán sáā fɛ̀ɛgí mɔ na, àmɛɛ mɔ syɛ́ɛnbèle Isirayɛli ye nyɛ lè, koro ga pye pe gi cán kpáagi mii faan lè gee, mɔ mɛ́ɛgi gi nyɛ gi na.

2 Cányi kèlē 6:33

bi mɔ yaʔa wodɛ́ɛɔn ní nyɛ̀ʔɛni na mɔ tɛɛ̀tɛ́ɛnni ni, mi lóʔo wi ma. Kéelee na tári bee syɔ́ɔn mɔ nyɛ́ɛri lè, mi li kpéʔele wi ma koro ga pye tári syɛɛnfeleye myɛ í mɔ mɛ́ɛgi cán, sáā fɛ̀ɛgí mɔ na, àmɛɛ mɔ syɛ́ɛnbèle Isirayɛli ye nyɛ lè, koro ga pye pe gi cán kpáagi mii faan lè gee, mɔ mɛ́ɛgi gi nyɛ gi na.

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Zyɔbi 1:5

Lìigboloyi bee canya ga foro, Zyɔbi n tun pe n sáà wi jáabèle yeri, wi n baa be sámaga-nyɔɔni fáli kpéʔele. Wi i gáà sɔ̀li n yìri n sáriga-sórigoo wòlo pe myɛ nibin nibin kéele na. Zyɔbi i gáà jo: «Dɔ̀ʔɔ́ mii jáabèle n kapeele pye, níì dánga syɛ́ɛnrɛ joo n wáa Kolocɔlɔɔ na be fúngi ni.» Koro Zyɔbi da tàli ni kpéʔele.

Ŋúnuyi 102:15

Níì cán wi kàdɛnɛyi kéele n mɔ falipyebèle dɛ́nɛ, pe i nyinimɛ taagi wi támiigi na.

Ŋúnuyi 119:2

Bele be wi kajoogèle kɔn lè, ní i wi caa ní be fúnyi myɛ ní, bele bee i nyɛ dùba pìibēle!

Ŋúnuyi 25:5

Da mii nii mɔ kányɛɛgi kólogo ni, máā mii tama, níì cán mɔ wi nyɛ Kolocɔlɔɔ, wee wi mii syoo lè, mɔ wi nyɛ mii sɔ̀ngumi tɛɛtaʔaga canʔa o canʔa.

Ŋúnuyi 41:1

Ŋúnuŋùúbèle kùndigi wóʔo. Davidi ŋúnugi.

Ŋúnuyi 55:17

Mii si na, mii i Kolocɔlɔɔ yiri, Yawe a mii syɔɔ.

Ŋúnuyi 86:3

Kàfɔw, nyinimɛ taa mii na! Níì cán mii i canbogi myɛ kwóo sùpiiwáari na mɔ kurugo.

Ŋúnuyi 88:1

Ŋúnugo. Kore jáabèle ŋúnugo. Ŋúnuŋùúbèle kùndigi wóʔo, ki lè funbɛɛnrɛ wóʔo. Tamani ŋúnugo Eziraki yòdaʔagi Heman ŋùu lè.

Syɛɛnjóow 7:18

Ki n nyɔɔ mɔ í lálii kérigèle bee siin pínɛ cò, mɔ a kɔ́ ge yaʔa ge syɔɔ mɔ na í. Níì cán wee wi fɛ̀ɛgí Kolocɔlɔɔ na lè, wi i tɛɛyirile taagi kérigèle bee myɛ ni.

Ezayi 59:19

Pe a ra fɛ̀ɛgí Yawe mɛ́ɛgi na bi séli yaà canʔajeemɛ ma, bàā fɛ̀ɛgí wi nìjangbɔɔri na, bi láa yaà canʔafolomɔ ma. Lǎli ni kasiitun-nyɛ́nw ga pan àmɛɛ cábiga nyɛ lè, Yawe Pǐli a wi nɛnɛ tórigo.

Danyɛli 6:10

A fànʔafɔw Dariyusi wi fɛ̀ɛ́w taʔa kéeli sɛ́bɛ na li yɛlɛ bi yaʔa lè.

Danyɛli 6:16

Kàjáa a nǎnbèle bee kpóʔoro n kári fànʔafɔw ma, n sáà gi joo fànʔafɔw ma níì jo: «Ee fànʔafɔw, ki cán mi cán bi yɛlɛ ní Mɛdi ye, ní Pɛrisi ye làlwaw ní, fànʔafɔw ga keelaa yérige wàlá n làlwa kéelaa télege, li làa a gbǎn kàri í.»

Danyɛli 6:20

A fànʔafɔw sɔ̀li n yìri nyǐngi nyɔ́ɔ na nyǐnjerigi na n kári kelekele càarabèle wéʔe ma.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Matye 25:17

Kánmi bee na siinw fɔ́lɔ wɔ́ɔ̀ sirakamayaa siin tɔnɔ taa.

Luki 18:1

A Zyezu kàseele wáa bi gi tɛ̀ɛn be na àmɛɛ be yɛlɛ paa nyɛ́ɛri lè làrigèle myɛ ni sìnvɔrɔ ni.

Luki 2:25

Nànwaa si maa pye Zyerusalɛmi ni pe i wi yiri Simeyɔn. Nǎnw bee maa pye syɛɛnsiɔn, ní i fɛ̀ɛgí Kolocɔlɔɔ na, ní wɔ́ɔ i yɛɛ̀nyingi sige, gee Kolocɔlɔɔ da joo wi a ba kaan Isirayɛli ye ma lè. Pìicǎnni si maa ni wi kàragí.

Kapyegèle 10:22

A be wi yari: «Kɔrɔnɛ wi lè sùlasiibèle dabata kàrigafɔlɔ, wi i nyɛ syɛɛnsiɔn ní wɔ́ɔ i fɛ̀ɛgí Kolocɔlɔɔ na, a Zyefubèle myɛ i wi mɛ́ɛtaangi yiri, nyɛ̀ʔɛni tundunjanwaa n wi sàmi níì jo wi mɔ yeri mɔ í kári wi kpaʔa ma wi sa syɛɛnraa lóʔo mɔ ma.»

Kapyegèle 10:31

A wi mii yari: ‹Kɔrɔnɛ, Kolocɔlɔɔ n mɔ nyɛ́ɛrigi lóʔo ní wɔ́ɔ̀ sɔ̀ngi n taa ní mɔ kpɔ́ʔɔri ní.

Kapyegèle 10:35

Níì cán syɛɛnfelege o syɛɛnfelege ni, syɔ́ɔnwee wi ga ni fɛ̀ɛgí lè Kolocɔlɔɔ na ní i táanri ni síngi, wee bee kéele n wi dɛ́nɛ.

Kapyegèle 10:4

Amɛɛ fyáari Kɔrɔnɛ cò lè gbanʔama, a wi nyapiigèle le wi ni ni wéle níì wi pye: «Kàfɔw, mɛ̀ɛ́ gi nyɛ?» A tundunw wi yari: «Mɔ nyɛ́ɛrigi, ní mɔ kpɔ́ʔɔri myɛ n lúgu n nan Kolocɔlɔɔ na, a wi i sɔ̀ngí ni taagi ní di ní.

Kapyegèle 10:7

Tundunwee wi da ni nyuu lè ní Kɔrɔnɛ ní, a wi ga kári, a wi wi kpáagi falipyebèle pèle siin yeri n fàra sùlasiiwaa nibin na, wee bee maa ni fɛ̀ɛgí Kolocɔlɔɔ na, bele be kòró lè wi taana, wi maa pye poro wàa.

Kapyegèle 11:14

Wi a ba syɛɛnraa joo mɔ ma, dee báriga ni mɔ a syɔɔ lè ní mɔ kpáagi wòolo myɛ ní.›

Kapyegèle 13:16

A Pɔli yìri n yére níì wi kɔ́gi nyáʔana be ma níì jo: «Yele Isirayɛli ye n fàra yele bele na ye fɛ̀ɛgí Kolocɔlɔɔ na lè, ye líiyi cáan yaa lúro.

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Kapyegèle 13:50

Kàjáa mɛ́ɛkpoloyi càbala be pye lè Zyefubèle sérikologo ni n fàra kěgi bee syɛɛnkpolobéle na, a Zyefubèle bele bee sɔ́ɔn Pɔli ní Barinabasi na. A be wɔʔɔli yìrige be kurugo n be nɛnɛ n yirige be tari ni.

Kapyegèle 18:8

Kirisipusi wi lè sérikpaagi kàfɔlɔ, a woro baa tága Kàfɔw na ní wi kpáagi wòolo myɛ ní. A Korɛnti ye ga ni Pɔli syɛ́ɛnri lúro, a poro pèle saʔa tága, níì batɛmiw kpéʔele.

Kapyegèle 2:5

Zyefunǎnbèle pèle si maa pye yaà lǎli bee ni wodɛ́ɛnbéle ní Zyerusalɛmi ni, bele be fɛ̀ɛgí lè Kolocɔlɔɔ na, pe maa yiri dulunyanw syɛɛnfeleye myɛ ni.

Kapyegèle 22:12

Nànwaa si maa pye yaà Damasi ni pe i wi yiri Ananyasi, wi maa ni fɛ̀ɛgí Kolocɔlɔɔ na ní i wi làlwaw kólogo sámagi ni táanri, kěgi bee Zyefubéle myɛ maa ni wi mɛ́ɛtaangi yiri,

Kapyegèle 8:2

Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na.

Kapyegèle 9:11

A Kàfɔw wi pye: «Yìri maa syée kàlari-kólogi ni gee be yiri lè wozingi, mi sa nànwaa wéle Zyudasi kpaʔa ma, pe i wi yiri Sɔli, Tarisi ye wów. Wéle, wi i yaà ni nyɛ́ɛri,

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

Kɔlɔsi ye 4:2

Ki n yɛlɛ ye kòro nyɛ̀nɛ na yaa Kolocɔlɔɔ nyɛ́ɛri yáā bariga kaangi wi ma.

1 Tesaloniki ye 5:17

Ye a kɔ́ láʔa Kolocɔlɔɔ nyɛ́ɛrigi na í.

Zyaki 1:5

Kapye sícilimɛ n fɔ̀n yele wàa ma, ki n yɛlɛ wi bi nyɛ́ɛri Kolocɔlɔɔ ma, wi a bi kaan wi ma, níì cán woro wi syɛ́ɛnbèle myɛ kaangi saʔa, wi si o fúlo wi nyɛ́ɛrifɔbèle na í.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»

Tɛ̀ɛnnɛ 15:4

Kàfɔw, wìí wi nyɛ wee wi lè wi a ra fɛ̀ɛgí mɔ na í? Ba wìí wi nyɛ wi a ra mɔ mɛ́ɛgi kpɔ́ʔɔgi í? Níì cán mɔ nibin wi sín. Syɛɛnfeleyi myɛ a ba ra mɔ kpɔ̀ʔɔrɔ́, àmɛɛ mɔ mɔ kapyezingèle tɛ̀ɛn lè.»