Kapyegèle 1:8 - Cebaara Bible 2010

⁸ Kàjáa Pìicǎnni ga pan yele ma lǎlee ni lè, yele a fànʔa taa bi pye mii séerabéle Zyerusalɛmi ni, ní Zyude tári myɛ, ní Samarii tári ní, bi taa sa nan tári láʔala na.»

Kapyegèle 1:8 Iomraidhean Croise

Ŋúnuyi 22:27

Màámi fɔ̀ɔlɔ a ra líi bàā tíngi, Yawe caafɔbèle a ra wi kpɔ̀ʔɔrɔ́, ki n yɛlɛ yele í pye sìi na làla o làla!

Ŋúnuyi 98:3

Wi n sɔ̀ngi n taa wi funjǎngi ní wi kányɛɛgi na Isirayɛli kpáagi wòolo ma, tári láʔagéle myɛ wòolo n syɔɔli nyaa, lee wolo Kolocɔlɔw kaan lè.

Ezayi 42:10

Yaa ŋúnuvɔngɔ ŋúu Yawe ma, wi sòololi wóʔo, nlaa yaà dulunyanw láʔala na, yele bele ye sɔ̀lɔ́ ni máari lè sólomi lɔ̀ʔɔ ǹjoʔo ni, ní yele bele ye gi nyìn lè, ní lǒgi nínge tátɛɛgéle, ní ge tɛ́ɛnfɔbèle.

Ezayi 49:6

Wi n jo: «Bi mɔ kpéʔele mii falipyeo, bi ní Zyakɔbi syɛɛnfeleyi yìrige, bi ní lúru pan ní Isirayɛli wogorobèle ní, koro a sèʔé gi yɛlɛ í. Kàjáa mii a mɔ télege mɔ í pye tári syɛɛnfeleye gbɛɛnmɛ. Koro ga pye syɔɔli mii kaangi lè, li nan fwɔɔ tári láʔala na.»

Ezayi 52:10

Yawe n wi cǎnmi kɔ́lɔ múgu syɛɛnfeleyi myɛ nyɛ́nɛ na, tári láʔagéle myɛ wòolo si a syɔɔli nyaa, lee wolo Kolocɔlɔw kaangi lè.

Ezayi 66:19

Mii a fɛ̀ɛ tɛ́ʔɛ pe níngi ni, si pe wogorobèle pèle tórigo syɛɛnfeleyee ma yi lè Tarisiisi ye, ní Puli ye, ní Ludi ye, pe lè sedeŋɔɔbéle, ní Tubali ye, ní Yavan ye, n fàra lǒgi nínge táleelire woolo na, poro bele be lè pe da kɔ́ɔ̀ mii kéeli lóʔo nyáana í, pe si da kɔ́ɔ̀ mii nìjangbɔɔri nyaa í. Pe a ra mii nìjangbɔɔri kéele nyuu syɛɛnfeleyi nínge ni.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Misye 3:8

Kàjáa mii na, mii n nyìn fǎngi na Yawe pǐli báriga ni, tànʔa ní lòmaana i nyɛ mii ma jàngó bi Zyakɔbi kakologi tɛ̀ɛn wi na, bi Isirayɛli kapeeli tɛ̀ɛn wi na.

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 24:14

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Mariki 16:15

Lǎli bee ni a Zyezu gi joo be ma níì jo: «Yaa syée dulunyanw tɛ́ɛyɛ myɛ ni ye sa ra Syɛɛnjóocǎnri nyuu syɛ́ɛnbèle myɛ ma.

Luki 1:35

A nyɛ̀ʔɛni tunduɔn Marii yari: «Pìicǎnni li a pan mɔ ma, wee wi nyɛ lè Pe Myɛ Nyúngo na, woro séew si ba tɔ́n mɔ na. Gee bee na pìicǎnwee mɔ a ba see lè, pe a ra wi yiri Kolocɔlɔɔ Jáaw.

Luki 10:19

Ye wéle, mii n séew kaan yele ma yele í da wàbiyi, ní náabèle tánʔana, ní wɔ́ɔ̀ wi kaan yele ma yele í nigoow fànʔa myɛ jáa, yarigaa faala a gbǎn yafyɛn kpéʔele yele na í.

Luki 24:29

A be wi nyɛ́ɛri níì jo: «Mi wolo pɔʔɔ mí ba syɔ́ɔn ní wolo ní, níì cán cángi n kwɔ́ɔ, a yébiligi i caa bi wɔ́ɔ.» A wi jée bi sa syɔ́ɔn ní be ní.

Zyan 15:27

Yele a wɔ́ɔ pye mii séerabéle níì cán nlaa gi sélimi na, yele i nyɛ ní mii ní.

Kapyegèle 1:5

Níì cán Zyan maa ni syɛ́ɛnbèle batize lǒgi ni, kàjáa canya cɛɛri ga kwɔ́ɔ, Kolocɔlɔɔ a ba yele batize ní Pìicǎnni ní.»

Kapyegèle 13:31

Bele pe da yìri lè Galile tári ma n kári ní wi ní Zyerusalɛmi ma lè, a wi wiyɛɛ dɛ̀ɛn bele bee na canya saʔa ni, poro be nyɛ wi séerabèle tɔ́ɔliw ni bàā wi kéeli nyuu Isirayɛli syɛ́ɛnbèle ma.

Kapyegèle 2:32

Kolocɔlɔɔ n Zyezuw bee nyán. Wolo myɛ i nyɛ gee bee séerabéle.

Kapyegèle 22:15

Níì cán gee mɔ nyaa lè ní gee mɔ lóʔo lè, mɔ a pye wi séera bàā gee bee nyuu syɛ́ɛnbèle myɛ ma.

Kapyegèle 3:15

Yele n sìíw Kàfɔlɔ kpóo, kàjáa Kolocɔlɔɔ n wi nyán n yirige kúbèle nínge ni. Wolo i nyɛ gee bee séerabéle.

Kapyegèle 4:33

Pìitunbèle maa ni Kàfɔw Zyezu nyán-yirili séera kpéʔele ní fàngbɔʔɔ ní. A Kolocɔlɔɔ dùbakpɔɔw pye pe myɛ na.

Kapyegèle 5:32

Wolo si i nyɛ kérigèle bee séerabéle n fàra Pìicǎnni na, lee Kolocɔlɔɔ kaan bele ma be lúro woro ma lè.»

Kapyegèle 6:8

Kolocɔlɔɔ kpɔ́ʔɔri ní wi fǎngi maa pye Etyɛni ma, a wi i kakpoloyi, ní fɛ̀ɛkpoloyo kpéʔele syɛ́ɛnbèle nínge ni.

Kapyegèle 8:1

Sɔli si maa fɔ̀lɔ Etyɛni kpóoli na. A wɔʔɔgbɔʔɔ fala n yìri Zyerusalɛmi Egiliziw kurugo cángi bee na. A tágafɔbèle myɛ cariga n kári Zyude tári tɛ́ɛyɛ myɛ ni ní Samarii tári ní, kapye pìitunbèle yagana ban í.

Wɔrɔmi ye 10:18

Kàjáa mii n jo, a gi i nyɛ lé pe ga di lóʔo wii í láà? Eʔe, koro ban í! «Níì cán kanyaajoobèle joomɔ n yiri n nan tári tɛ́ɛyɛ myɛ na. Pe syɛ́ɛnri n nan fwɔɔ dulunyanw láʔagéle na.»

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Kɔlɔsi ye 1:23

ní yele ga tɛ́nɛ̀ kòro tágali ni níì yeyɛɛ daʔa li na níì nìrimɛ le, yele si ga wɔ́ɔ̀ láʔa sɔ̀ngumi tɛɛtaʔaga na í, gee yele taa lè Syɛɛnjóocǎnri ni yele lóʔo lè í, toro dee di joo syɛ́ɛnbèle myɛ ma lè dulunyanbo, a mii Pɔli tiimaa wɔ́ɔ baa pye ti joofɔwaa.