Kapyegèle 1:6 - Cebaara Bible 2010

⁶ Pe maa níì peyɛɛ gbóʔoro tɛɛgaa ni, a be wi yíbe níì jo: «Kàfɔw, lǎli naa ni lé mɔ a ní Isirayɛli ye fǎngi télege be ma láà ba mɛ̀ɛ́?»

Kapyegèle 1:6 Iomraidhean Croise

Sélimɛ 49:10

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

Ezayi 1:26

Mii a mɔ kútiijoobèle lúrugo pye àmɛɛ ki da pye lè booma ni, bi wɔ́ɔ mɔ yarifɔbèle lúrugo pye àmɛɛ ki da pye lè sélimi na. Koro kàdoʔo ma pe a ra mɔ yiri Sínni Kàʔa, ní Tágala Kekpɔɔgi.»

Zyeremii 33:26

lǎli bee ni mii a dée gbǎn Zyakɔbi yòdaʔayi ní mii falipyew Davidi yòdaʔayi cée, si láʔa mii a ní dée ra pèle yirigi be ni bele pe a ra tɛ̀ɛ́n Abirahami, ní Izaaki, ní Zyakɔbi yòdaʔayi nyúngo na lè í. Níì cán mii a pe wojo-mí-káribèle lúrugo pan, si ba nyinimɛ taa be na.› »

Danyɛli 7:27

Fǎngi, ní kùndigiri, ní nyɛ̀ʔɛni láara fanya myɛ kpɔ́ʔɔrɔ a kaan, wee wi nyɛ Pe Myɛ Nyúngo na lè woro wojanbèle syɛɛnfelege ma. Wi fǎngi a pye bàngwɔɔ fànʔa, kùndigibèle myɛ a ra báara wi ma sáā lúro wi ma.›

Oze sɛ́bɛw 3:4

Níì cán Isirayɛli ye a kòro fànʔafɔlɔ ní fànʔafɔbile fun ni, ní sáriga ní yasungaanna fun ni, ní efɔdi, ní ǹdebiigéle fun ni, bi mɔn.

Amɔsi 9:11

«Cángi bee na Davidi vǒgi gi too lè, mii a ní gi yìrige, mii a gi tɛɛ̀kalagiyi sámaga. Mii a gi gurubɛɛtoori yìrige bi ní gi faan gi pye àmɛɛ ki da sélì pye lè,

Misye 5:2

Koro na wi a be wáa yaʔa fwɔɔ bi taa ba nan lǎli na, lee ni céw yɛlɛ ba pìíw see lè, wee wi yɛlɛ bi see lè, wi senyɛnnǎnbèle wozanbèlē si lúru pan Isirayɛli pìíbèle ma.

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Matye 17:11

A wi be pye: «Kányɛʔɛ gii, Elii n tɔ̀nɔ n yɛlɛ wi pan bi ba yáriri myɛ sámaga di pye àmɛɛ ti da séli pye lè.

Matye 20:21

A Zyezu wi pye: «Nyàʔá mɔ caa?» A wi wi yari: «Mi gi yaʔa mii pìíbèle naa siin í tɛ́ɛn mɔ taana, wee í pye mɔ kaliige ma, wee si pye mɔ kamɔnɔ ma mɔ fangi ni.»

Matye 24:3

A wi ga sáà tɛ́ɛn Olivye tíiri nyanbelege na, a wi pìitamabèle nùuni wi na, pe yagwɔɔlɔ, n baa jo: «Mi gi joo wolo ma, làlìí ni kérigèle bee a ba pye? Nyàʔá fɛ̀ɛfeleo wi a mɔ lúrubanni ní lǎli naa kwɔ́ɔmɔ tɛ̀ɛn wolo na?»

Mariki 9:12

A wi be pye: «Kányɛʔɛ gii, Elii wi yɛlɛ wi séli pan bi ba yáriri myɛ sámaga di pye àmɛɛ ti da séli pye lè. Nyàʔá na be syɛ́ɛnri naa sɛ́bɛ Syɔɔn-pya kéeli na, níì jo ki n yɛlɛ pe ba wi wɔʔɔ saʔa si wi cée?

Luki 17:20

Farisibèle maa Zyezu yíbe níì jo: «Làlìí ni Kolocɔlɔɔ fǎngi a pan?» A wi be pye: «Kolocɔlɔɔ fǎngi a tée pan syɔɔn í gi wéle nyaa í.

Luki 19:11

Bele be pye ni syɛ́ɛnri bee lúro lè, a Zyezu níì kàseele wáa be ma n fàra di na, àmɛɛ wi da ni nùuní lè Zyerusalɛmi na, ní àmɛɛ be sɔ̀ngí lè Kolocɔlɔɔ fǎngi làridɛ̀ɛnnɛ n nùuni n kwɔ́ɔ,

Luki 22:29

Mii si a tɔ̀nɔ́ fǎngi le yele kɔ́yi ni àmɛɛ mii Tóow gi le mii kɔ́yi ni lè.

Zyan 21:21

Amɛɛ Pyɛri wi nyaa lè, a wi Zyezu pye: «Kàfɔw, a wee naa doò?»