Kapyegèle 1:4 - Cebaara Bible 2010

⁴ Cangaa pe maa peyɛɛ gbóʔoro ni líi, Zyezu si i nyɛ ní be ní, a wi be pye: «Yele a kɔ́ yiri Zyerusalɛmi ni í, Tofɔw nyɔɔfaliga kéele mii da ni nyuu yele ma lè, fwɔɔ ye kòro yaa gee bee sige.

Kapyegèle 1:4 Iomraidhean Croise

Córolo 9:22

Fàfaangi ga kòro kpɔ̀ʔɔrɔli fànikpaʔa na canya siin, wàlá yeʔe nibin, wàlá yɛɛlɛ nibin, Isirayɛli ye n tɛ́ɛn n kòro yaà, pe a kári í. Fàfaangi si ga yìri lǎli ni lè, pe n yìri n kári.

Matye 10:20

Níì cán yele ban ye a ra nyuu í, fwɔɔ yele Tóow Pìle li a ra nyuu yele ni.

Luki 11:13

Koro na àmɛɛ yele pee lè ní sèʔê gi cán ki n yɛlɛ yele í da yacanri kaangi yele pìíbèle ma, Tofɔw wi lè nyɛ̀ʔɛni na, woro a ra Pìicǎnni kaangi wi nyɛ́ɛrifɔbèle ma bi sɔ̀lɔ yele na ì?»

Luki 12:12

Níì cán dee di yɛlɛ yele í sa joo lè, Pìicǎnni a yele tama di na lǎli bee wonijanna ni.»

Luki 24:49

Ye wéle, mii a mii Tóow joogaanna tìrige yele ma, kàjáa ki n yɛlɛ ye kòro kěgi ni bi taa fǎngi bee í yìri nyɛ̀ʔɛni na bi ba yele tɔ́n.»

Zyan 14:16

Mii si a sa Tofɔw nyɛ́ɛri wi dɛ̀ɛmɛfɔwaa nikwɔɔ kaan yele ma, wee wi a ba pye ní yele ní lè làla o làla.

Zyan 15:26

Dɛ̀ɛmɛfɔw mii a tun yele ma lè, wee wi a yìri Tofɔw ma lè, wi ga pan lǎlee ni lè, wi a ba pye mii séera yele ma, Dɛ̀ɛmɛfɔw bee wi nyɛ kányɛɛgi Pìle, lee li a yìri Tofɔw ma lè.

Zyan 20:22

A wi ga dee bee joo n kwɔ́ɔ, a wi ŋɔ́n n wáa be na níì jo: «Ye Pìicǎnni syɔɔ lee.

Zyan 7:39

Lǒgi syɛ́ɛnrɛ Zyezu joo lè, Pìicǎnni kéele wi da joo, lee woro tágafɔbèle a kɔ́ ba taa lè. Níì cán pe da kɔ́ɔ̀ li taa n kwɔ́ɔ lǎli bee ni í, àmɛɛ gi nyɛ lè Zyezu da kɔ́ɔ̀ wi nìjangbɔɔri taa í.

Kapyegèle 10:41

Pe myɛ si tɔ́ɔ ban í, fwɔɔ bele Kolocɔlɔɔ da nyɛ́nɛ n wòlo lè booma ni be pye séerabéle, poro be nyɛ wolo, wolo bele wo lìi níì gbaa ní wi ní lè wi nyán-yirili kàdoʔo ma kúbèle nínge ni.

Kapyegèle 2:33

Amɛɛ wi yìri n lúgu n sáà tɛ́ɛn Tofɔw Kolocɔlɔɔ kàliige kɔ́lɔ ma lè, a wi Pìicǎnni taa Tofɔw ma, lee nyɔ́ɔ wi da fàli lè, níì li tìrige wolo ma àmɛɛ yele gi nyaa ní wɔ́ɔ̀ gi lóʔo lè.