Kapyegèle 1:3 - Cebaara Bible 2010

³ Poro na wi wɔ́ɔ̀ wiyɛɛ dɛ̀ɛn wi wɔʔɔguuli kàdoʔo ma woweeo ní fɛ̀ɛbēle saʔa báriga ni. Pe maa ni wi nyaagi canya togoye siin fúngo ni, a wi i Kolocɔlɔɔ fǎngi kéele nyuu be ma.

Kapyegèle 1:3 Iomraidhean Croise

1 Fànʔafɔbèle 19:8

A wi yìri n lìi níì gbaa. Fǎngee yaliiri bee le wi ni lè, a wi canya togoye siin ní yébiliye togoye siin tánʔa fwɔɔ n sáà nan Kolocɔlɔɔ nyanbelegi na ki lè Horebi.

Matye 21:43

Gee bee na mii a gi joo yele ma, pe a Kolocɔlɔɔ fǎngi syɔɔ yele ma bi kaan syɛɛnfelegaa nikwɔɔ ma, gee ki a ra wi yasanri lɛɛlɛ kaangi wi ma lè. [

Matye 28:9

Wéle, a Zyezu fala n be fàra níì be pye: «Ye o faana.» A be nùuni wi na n wi cò tɔ́lɔyi na níì wi kpɔ̀ʔɔrɔ.

Matye 3:2

níì jo: «Ye kàdoʔo wáa ye kapeegèle ma, níì cán nyɛ̀ʔɛni fànʔa n nùuni.»

Matye 4:2

A wi súnw le n taa canya togoye siin ní yébiliye togoye siin, a kateegi náà wi jáa.

Mariki 16:19

A Kàfɔw Zyezu ga syɛ́ɛnri bee joo n kwɔ́ɔ be ma, a wi lúgu nyɛ̀ʔɛni na n sáà tɛ́ɛn Kolocɔlɔɔ kàliige ma.

Zyan 20:26

A canya kɔrɔtaanri ga sɔ̀lɔ, koro n gi taa pìitamabèle maa níì peyɛɛ gbóʔoro kpáagi ni, Toma si i yaà ní be ní cángi bee. A Zyezu baa jée n yére be níngi ni bi gi taa kɔ̀riyi maa pye wozɔʔɔyɔ ní, níì jo: «Kolocɔlɔɔ í fûnnyingi kaan yele ma!»

Zyan 21:1

Gee bee kàdoʔo ma a Zyezu níì wiyɛɛ dɛ̀ɛn wi pìitamabèle na Tiberiyadi lòkpɔɔgi nyɔ́ɔ na. Kánmi naa na ki da pye,

Zyan 21:14

Amɛɛ Zyezu da ni wiyɛɛ dèé lè pìitamabèle na wi nyán-yirili kàdoʔo ma kúbèle nínge ni lè, gee naa gi pye tɔdaanri wógi.

Kapyegèle 13:31

Bele pe da yìri lè Galile tári ma n kári ní wi ní Zyerusalɛmi ma lè, a wi wiyɛɛ dɛ̀ɛn bele bee na canya saʔa ni, poro be nyɛ wi séerabèle tɔ́ɔliw ni bàā wi kéeli nyuu Isirayɛli syɛ́ɛnbèle ma.

Kapyegèle 19:8

A Pɔli sáà jée Zyefubèle sérikpaʔa ni ni nyuu ní nànzorodo ní n baa taa yeye taanri, ní i Kolocɔlɔɔ fǎngi kèlē tèé be na, ní i caa bi be fúnyi kàriga.

Kapyegèle 28:23

A be cangaa kɔ̀rirɔ n tɛ́ʔɛ wi ma, a cángi bee ga nan, a pèle saʔa pan wi tɛɛ̀syɔɔngi ma a wi baa kólogi bee sámaga n tɛ̀ɛn be na, ní wɔ́ɔ̀ Kolocɔlɔɔ fǎngi kèlē joo n fílige be ma, ní i ŋàʔaná bi be fúnyi kàriga Zyezu kàbangi na Mowizi làlwaw sɛ́bɛ, ní kanyaajoobèle syɛ́ɛnrɛ báriga ni. Wi maa tɔ̀nɔ n syɛ́ɛnri bee fílige be ma nlaa nyǐngi nyɔ́ɔ na fwɔɔ n sáà nan cângwɔɔgi nyɔ́ɔ na.

Kapyegèle 28:31

Wi maa ni Kolocɔlɔɔ fǎngi kéele nyuu be ma, ní i be tama Kàfɔw Zyezu Kirisi kérigèle na ní nànzorodo ní, syɔɔn faala ga wi yérige í.

Kapyegèle 8:12

Kàjáa a Filipi ga Syɛɛnjóocǎnri joo be ma Kolocɔlɔɔ fǎngi kéele, ní Zyezu Kirisi mɛ́ɛgi kéele na, a nǎnbèle ní cébèle tága níì batɛmiw kpéʔele.

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Làlwaw Kaanziin 9:18

«Níì niyɛɛ to n cáan tári na n kòro nya Yawe yɛ́ʔɛ ma n taa canya togoye siin ní yébiliye togoye siin àmɛɛ gi pye tɔzeligi na lè, mii ga yaliire lìi í, mii ga lɔ̀ʔɔ gbaa í, kapeegèle myɛ kéele na yele kpéʔele Yawe yɛ́ʔɛ ma lè n kapeʔe pye wi na n wi fúngi tanʔa gbanʔama.

Làlwaw Kaanziin 9:9

Lǎli ni mii lúgu nyanbelegi na lè bi sa kàdɛnɛyɛ kàlagorigèle syɔɔ ke lè joogaanni kàlagorigēle, loro lee Yawe kpéʔele ní yele ní lè, a mii canya togoye siin ní yébiliye togoye siin kwɔ́ɔ nyanbelegi na, mii ga yaliire lìi í, mii ga lɔ̀ʔɔ gbaa í.

Kɔlɔsi ye 1:13

Wi n wolo yirige yébilimi fànʔa ni níì wolo lége wi Pìinidaanmaw fànʔa ni,

1 Tesaloniki ye 2:12

Wolo maa ni yele kɛɛlɛ ní i yele kpɛʔɛlɛ ní i yele nyɛ́ɛri jàngó yele í da táanri da yɛlɛgi ní Kolocɔlɔɔ ní, woro wee wi yele yeri lè yele í pye wi fǎngi, ní wi nìjangbɔɔri ni.

1 Zyan 1:1

Sìíw syɛ́ɛnrɛ ti da téè pye yaà lè nlaa gi sélimi na, wolo n baa di lóʔo, ní wɔ́ɔ̀ di nyaa ní wolo nyapiigèle ní, níì di sámaga n wéle, á wolo kɔ́yi wɔ́ɔ̀ tánga di na,