Kapyegèle 1:1 - Cebaara Bible 2010

^1-2 Teofiili, fáliw myɛ ní tamani myɛ Zyezu da ni kpéʔele lè nlaa gi sélimi na fwɔɔ n taa n baa nan wi làrilúguli na, mii n dee bee sɛ́bɛ mii sɛ́bɛseliw ni. Sáni wi lúgu nyɛ̀ʔɛni na lè, wi maa wi tundunri kaan pìitunbèle ma Pìicǎnni báriga ni, poro bele wi da nyɛ́nɛ n wòlo lè.

Kapyegèle 1:1 Iomraidhean Croise

Matye 11:5

Fúunbèle i nyaagi, syɛɛnmɔngɔbèle si i táanri, yaanyɛɛnmi fɔ̀ɔlɔ si wɔ́ɔ i poori, dùnɔbèle si i lúro, kúbèle si wɔ́ɔ i nyángi, foomɔfɔbèle si i Syɛɛnjóocǎnri lúro.

Luki 1:24

Cányi bee kwɔ́ɔlɔ kadoʔo ma a wi céw Elizabɛti fícɛnnɛ taa, ní i làrá n baa taa yeye kagunɔ.

Luki 1:3

Gee bee na, Teofiili, mɔ wee wi nyɛ lè báriga syɔ́ɔn, àmɛɛ mii tɔ̀nɔ n yíbeye saʔa kpéʔele lè kérigèle bee myɛ na nlaa ge sélimi na, a mii gi nyaa ki n yɛlɛ mii í wɔ́ɔ ge sɛ́bɛ taʔalagèlē bi tórigo mɔ ma.

Luki 14:22

A cɛɛri ga pye a falipyew pan n baa jo: ‹Ni kàfɔlɔ, gee mɔ da joo lè, mii n sáà gi kpéʔele, koro ní ki myɛ ní kpáagi ga sèʔê nyìn í.›

Luki 24:19

A wi be pye: «Nyàʔá kafelegéle gɛɛ gele bee?» A be wi yari: «Zyezu Nazarɛti ye wów kèlē gɛɛ, wi maa pye báriga kanyaajooo wi kapyegèle ní wi syɛɛnjóori ni, Kolocɔlɔɔ ní syɛ́ɛnbèle myɛ nyɛ́nɛ na.

Luki 3:23

Lǎli ni Zyezu wi fáliw séli lè, wi maa yɛ̀ʔɛlɛ toko ní kpɔrigɔ félege taa. Syɛ́ɛnbèle maa ni gi sɔ̀ngí wi i nyɛ Zyozɛfu jáa. Zyozɛfu wi lè Helii jáaw,

Kapyegèle 2:22

Yele Isirayɛli ye nǎnbèle, ye syɛ́ɛnri naa lóʔo! Kolocɔlɔɔ maa Zyezu tɛ̀ɛn yele na wi lè Nazarɛti ye wów, kakpoloyi, ní bìngaari kèlē, ní fɛ̀ɛ́bèle báriga ni bele wi da kaan wi ma a wi i kpéʔele yele níngi ni lè, àmɛɛ yele tiimaa gi cán lè, koro ga pye yele í gi cán wi i nyɛ woro wóo kányɛʔɛ ni.