Jàbɔbèle 7:3 - Cebaara Bible 2010

³ Koro na ki n yɛlɛ mi gee naa jáari syɛ́ɛnbèle ma pe gi lóʔo mí be pye: ‹Syɔɔn o syɔɔn wi fɛ̀ɛgí lè ní i cɛ̀lɛ́, ki n yɛlɛ wi núngo Galaadi nyanbelegi taana wi lúru waa syée.› » A pèle sirakama ní selebinnɛ yiri be ni n lúru n kári, á wozanbèle kòro selebingéle kagunɔ.

Jàbɔbèle 7:3 Iomraidhean Croise

Matye 13:21

Kàjáa di si ga nìnre wáa wi fúngi ni í, a di kòro wi ni n làla cɛɛri kwɔ́ɔ, a funjurugori ní wɔʔɔli ga too wi na Kolocɔlɔɔ syɛ́ɛnri kéele na, a gee bee wi kaan a wi lúru kàdoʔo ma terire.

Matye 20:16

Kánmi bee na kàdoʔo ma syɛ́ɛnbèle a ba pye yɛʔɛ̀ ma, yɛʔɛ̀ ma wóbèle si ba pye kàdoʔo ma.»

Làlwaw Kaanziin 20:8

Sùlasiibèle kàfɔɔlɔ a ní wɔ́ɔ gi joo syɛ́ɛnbèle ma si jo: ‹Wìí syɔ́ɔn wi fɛ̀ɛgí a wi bárigaw kwɔ́ɔ? Ki n yɛlɛ wi lúru waa syée wi kpaʔa ma, koro ga pye wi senyɛnbèle báriga a wɔ́ɔ kɔ́ kwɔ́ɔ àmɛɛ woro wów nyɛ lè í.›

Tɛ̀ɛnnɛ 17:14

Pe a sa kapɛɛnni kpúmɔn ní Bàpili ní, kàjáa Bàpili a be jáa, níì cán loro li nyɛ kàfɔbèle Kàfɔlɔ, ní wɔ́ɔ i nyɛ fànʔafɔbèle Fànʔafɔlɔ. Loro ní li pínɛnyɛnbèle be nyɛ lè Kolocɔlɔɔ syɛɛn-yeribèle, ní wi wonyɛnɛ-wòlobèle, ní tágala syɛ́ɛnbèle, poro a wɔ́ɔ fànʔa taa be na.»

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Jàbɔbèle 6:35

A wi tundunbéle tórigo Manase tɛ́ɛyi myɛ ni n wɔ́ɔ̀ poro yeri a pe baa taʔa wi na. A wi tundunbèle pèle tórigo Azɛɛri ye, ní Zabulɔn ye, ní Nɛfitalii ye ma, a poro lúgu n pan n baa fàra be na.