Jàbɔbèle 7:2 - Cebaara Bible 2010

² A Yawe Zyedeyɔn pye: «Syɛ́ɛnmi bi nyɛ ní mɔ ní lè, pi n nɛʔɛ n tóro mii í Madyan ye le bi kɔ́yi ni. Gee bee a kɔ́ pye Isirayɛli ye ma kpɔɔmɔ kéele mii kánmi na paa gi nyuu si jo: ‹Wolo kɔ́yi yi wolo syɔɔ.›

Jàbɔbèle 7:2 Iomraidhean Croise

Sélimɛ 46:2

A Kolocɔlɔɔ joo ní Isirayɛli ní yanyaaya ni, yébiligi ni. Wi maa wi yeri níì jo: «Zyakɔbi, Zyakɔbi.» A wi jo: «Cooì.»

2 Cányi kèlē 14:11

A Yawe Kusyi ye jáa n kaan Aza ní Zyuda ye ma, a Kusyi ye fàn.

Ezayi 10:13

Níì cán wi n jo: «Mii kɔ́gi fànʔa báriga ni mii gi kpéʔele, ní mii sícilimi báriga ni, níì cán mii i nyɛ kacaɔn. Mii n syɛɛnfeleyi láʔagoloyo ŋɔrigɔ n lége yaà, mii n yi fuguri n yi lɔ́ri syɔɔ, níì fànʔafɔbèle cáan àmɛɛ nànnirio gi kpéʔele lè.

Ezayi 2:11

Syɔɔn nɛ̀ɛgbɔʔɔgi wélege nyúngo a ba jùngu, syɛ́ɛnbèle nɛ̀ɛnyɛnɛgɛ si faʔa. Yawe nibin pe a ba ra kpɔ́ʔɔgi cángi bee.

Ezayi 2:17

Syɔɔn nɛ̀ɛgbɔʔɔgi a ba faʔa. Syɛ́ɛnbèle nɛ̀ɛnyɛnɛgɛ a ba tìrige táàma. Yawe nibin pe a ra kpɔ́ʔɔgi cángi bee.

Zyeremii 9:23

Kàjáa wàa ga ni caa bàā wiyɛɛ gbɔ́ʔɔgi, ki n yɛlɛ waa wiyɛɛ gbɔ́ʔɔgi àmɛɛ wi sícilimɛ taa lè n gbàn n mii cán, n gi cán ncan mii wi nyɛ Yawe, wee wi funjǎngi, ní kútiisinw, ní sínni kpéʔele tári na lè. Koro gi tɔ̀nɔ́ nyɛ mii kanidaanni,» Yawe wi jo nya.

Ezekyɛli 28:17

Kpɔɔmɔ n baa jée mɔ fúngi ni, mɔ nijanri kéele na, mɔ n mɔ sícilimi kálagi mɔ darigali báriga ni. Mii n mɔ tìrige n cáan tári na, mii n mɔ kpéʔele yawelege fànʔafɔbèle ma.

Ezekyɛli 28:2

«Syɔɔn-pya, ki joo Tiiri fànʔafɔw ma mí jo: ‹Kàfɔw Yawe wi syɛ́ɛnri naa joo níì jo: Kpɔɔmɔ n baa jée mɔ fúngi ni, a mɔ gi joo níì jo: Mii i nyɛ Kolocɔlɔɔ, mii n tɛ́ɛn kolocɔlɔbèle kòlo na sólomi lòyo nínge ni! Bi gi taa mɔ na, mɔ i nyɛ syɔɔn, kolocɔlɔɔ ban mɔ nyɛ í, á mɔ si mɔ sɔnguri pye mɔ a jo Kolocɔlɔɔ wóri dii.

Danyɛli 4:30

Lǎli bee wonijanna ni a syɛ́ɛnri foro Nebukadinezari na. A pe wi nɛnɛ n yirige syɛ́ɛnbèle nínge ni, a wi i nyàági káa àmɛɛ nǐyi nyɛ lè, a nyɛ̀ʔɛni kásaga i ŋuu wi céri na. A wi ǹjoori baa tɔnɔ n pye àmɛɛ nyɔ́ɔbèle síire nyɛ lè, a wi kajinri pye àmɛɛ féjɛɛnri wóro nyɛ lè.

Habakuki 1:16

Lǎli bee ni wi n ni sáriga wóo wi cɔ̀ɔ́w ma, ni nùndaanni yáriga sórogi wi kùruw ma, níì cán toro bárigaw ni wi lɛɛli pye sìnmɛ wólo, a wi yaliiri tɛ́nɛ.

Zakarii 12:7

Yawe a Zyuda kpáagi wòolo syɔɔ gbɛnʔɛnɛ, koro ga pye Davidi yòdaʔayi, ní Zyerusalɛmi ye a kɔ́ ra gi sɔ̀ngi bi jo poro n sɔ̀lɔ Zyuda syɛ́ɛnbèle wozanbèlē na í.

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 31:4

Ye pèle wòlo Isirayɛli syɛɛnfeleyi ni, syɛɛnfelege o syɛɛnfelege nànbēle saala kagunɔ, ye tórigo kapɛɛnni na.»

Wɔrɔmi ye 11:18

ki ga yɛlɛ mɔ í da miyɛɛ nyɛ́nɛ tíigi bee káganya na í. Mɔ si i miyɛɛ nyɛ́nɛ yi na bi gi taa mɔ ban wi tíigi nyúngo tugo í, tíigi nyúngo gi mɔ tugo.

Wɔrɔmi ye 3:27

Ki si ga pye nya, a tànʔa i nyɛ lé syɔɔn ma wi ní gbǎn wiyɛɛ gbɔ́ʔɔ? Koro a gbǎn pye í. Làlwawìí báriga ni? Kapyegèle làlwa báriga ni lé? Eʔe, fwɔɔ tágali làlwa báriga ni.

2 Korɛnti ye 4:7

Cánni bee i nyɛ lɔnɛʔɛrɛ wolo fúnyi ni, wolo bele ni di nyɛ lè wolo i nyɛ àmɛɛ yaleye nyɛ lè yee be faan ní cóoro ní lè, jàngó bi gi tɛ̀ɛn séekpɔɔw i nyɛ Kolocɔlɔɔ wóo, wolo wóo ban í.

Efɛzi ye 2:9

kapyegèle kólogo ban í jàngó syɔɔnwaa faala í kɔ́ wiyɛɛ gbɔ́ʔɔ í.

Làlwaw Kaanziin 32:27

Mii si maa ni sɔ̀ngí faʔari kéele na nigoow a ra wáa mii na lè. Níì cán pe kàsiitun-nyɛ́nbèle a kɔ́ ra peyɛɛ váana, sáā gi nyuu si jo: ‹Wolo kɔ́yi sée báriga ni wo gi taa, Yawe ban wi gee naa myɛ kpéʔele í.›

Làlwaw Kaanziin 8:17

Da miyɛɛ kɔ̀rɔsíi, jàngó mɔ a kɔ́ gi joo miyɛɛ fúngi ni si jo: ‹Mii séew, ní mii kɔ́gi fànʔa báriga ni mii lɔnɛʔɛri naa taa› í.

Làlwaw Kaanziin 8:18

Sɔ̀ngi mi taa Yawe mɔ Kolocɔlɔw na, woro wee wi lɔ́ri bee taala sée kaan mɔ ma lè, koro ga pye nyɔɔfaligi wi kpéʔele mɔ tofɔlɛɛyi ma lè, wi gi kpéʔele nya àmɛɛ gi nyɛ lè níjanʔa.

Zyaki 4:6

Koro ní ki myɛ ní kpɔ́ʔɔri Kolocɔlɔɔ kaangi lè, ti n kpɔ́ʔɔ n sáà sɔ̀lɔ, níì cán ki n joo wi syɛɛnsɛbɛri ni níì jo: «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle wi i nyɔɔgi bele bee na.»

1 Samyɛli 14:6

A Zyonatan gi joo nìgɔcariw ma, wee wi wi kapɛɛnkpumɔn-yáriri tugu lè, níì jo: «Da maa wo jeli wo kári sìngɛ́nɛbèle yaa kabiga ma. Dɔ̀ʔɔ́ Yawe a sa báara ní wolo ní. Níì cán bi syɔɔlɔ kpéʔele syɛɛnnɛʔɛmɛ báriga ni, wàlá syɛ̀ɛnnɛ cɛɛri báriga ni, ki kàa faala a gbǎn Yawe jáa í.»