Jàbɔbèle 2:3 - Cebaara Bible 2010

³ Koro na mii jo: ‹Mii a ní be nɛnɛ bi yirige yaà yele yɛ́ʔɛ ma í, kàjáa pe a yele sígi lɛ̀ʔɛgèle ni, pe kolocɔlɔbèle si pye yele na karinyanya.› »

Jàbɔbèle 2:3 Iomraidhean Croise

Ŋúnuyi 106:36

Ní i yi kolocɔlɔbèle kpɔ̀ʔɔrɔ́, a poro pye be cǒli karinyanga.

Yirile 23:33

Pe ga yɛlɛ be tɛ́ɛn mɔ tári ni í, jàngó pe a kɔ́ mɔ kàriga mɔ í da kapeegèle kpéʔele mii na í. Níì cán mɔ a kɔ́ ba ra be kolocɔlɔbèle kpɔ̀ʔɔrɔ́, gee bee si a pye mɔ na karinyanga.»

Yirile 34:12

Táree ni mɔ syée sa jée lè, ki n yɛlɛ mi sa ra miyɛɛ kɔ̀rɔsíi, mɔ a kɔ́ joogaanna kpéʔele ní tári bee syɛ̀ɛnnɛ ní í. Gee bee ga tíi níì pye, pe a pye yele níngi ni karinyanga.

Córolo 33:55

Kàjáa bele be nyɛ tári bee ni lè, yele ga pye yele ga be nɛnɛ n yirige di ni yeyɛɛ yɛ́ʔɛ ma í, bele yele ga yaʔa be ni lè, pe a pye àmɛɛ wúuro nyɛ lè yele nyapiigèle ni, ní àmɛɛ ŋaafirigeye nyɛ lè yele lɛ̀ʔɛgèle ni. Táree ni yele a sa tɛ́ɛn lè, pe a pye yele kàsiitun-nyɛ̀nnɛ di ni.

Làlwaw Kaanziin 7:16

Syɛɛnfeleyi Yawe mɔ Kolocɔlɔw a le mɔ kɔ́yi ni lè, mɔ a yi myɛ kálagi, mɔ a kɔ́ yi nyaa nyinimɛ wóyo ní í. Mɔ a kɔ́ ra yi kolocɔlɔbèle kpɔ̀ʔɔrɔ́ í, níì cán gee bee a pye mɔ na karinyanga.

Zyozuwe 23:13

ye gi fílige ye cán Yawe yele Kolocɔlɔw a ní kòro bàā syɛɛnfeleyi bee nɛnɛ da yirigi yele yɛ́ʔɛ ma í. Kàjáa yi a pye yele na cɔ̀ɔ, ní karinyanga, ní sapile yele lɛ̀ʔɛgèle ni, bi pye wúuro yele nyapiigèle ni fwɔɔ bi taa yele í kwɔ́ɔ yiri tácǎnri naa ni, dee Yawe yele Kolocɔlɔw kaan yele ma lè.

Jàbɔbèle 2:21

gee bee na syɛɛnfeleyee yi kòro lè sìnnɛnɛ ni Zyozuwe kùúli kàdoʔo ma, mii a ní gi kàa nɛnɛ yirige yaà pe yɛʔɛ̀ ma í.

Jàbɔbèle 2:4

Lǎli ni Yawe nyɛ̀ʔɛni tunduɔn syɛ́ɛnri bee joo n kwɔ́ɔ Isirayɛli ye myɛ ma lè, a syɛ́ɛnmi i yákpogèle wáa ní i nyaan.

Jàbɔbèle 3:6

A pe i be pìíbèle lée be càbala ní i be tiimaa calipiigèle kaangi pe nànbiigèle ma, ní i be kolocɔlɔbèle kpɔ̀ʔɔrɔ́.

Jàbɔbèle 8:27

A Zyedeyɔn wi tɛ́ʔɛ n efɔdi sámaga n tɛ́ʔɛ wi kěgi ni ki lè Ofira. A ki baa pye yaà beè kanɔnʔɔbye-yariga Isirayɛli ye myɛ ma. A gi pye Zyedeyɔn ní wi kpáagi wòolo na karinyanga.