Jàbɔbèle 1:4 - Cebaara Bible 2010

⁴ A Zyuda ye lúgu n kári. A Yawe sáà Kanaan ye, ní Perezi ye le be kɔ́yi ni, a be nànbēle selebingéle kagunɔ kpóo be ni Bezɛki ni.

Jàbɔbèle 1:4 Iomraidhean Croise

1 Fànʔafɔbèle 22:15

Lǎli ni wi baa nan fànʔafɔw na lè, a fànʔafɔw wi pye: «Misye, wolo í da syée lé bi sa kapɛɛnni kpúmɔn ní Aramɔti ní ki lè Galaadi ni láà ba fwɔɔ wolo a kɔ́ kári í?» A wi wi yari: «Da syée kɛ̀ɛ, mɔ a sa fànʔa taa Yawe a gi le fànʔafɔw kɔ́yɔ ni.»

1 Fànʔafɔbèle 22:6

A Isirayɛli fànʔafɔw kanyaajoobèle kpóʔoro, pe maa pye saala siin félege, ní baa be pye: «A gi yɛlɛ lé mii í sa kapɛɛnni kpúmɔn ní Aramɔti ní ki lè Galaadi ni láà ba fwɔɔ mii a kɔ́ kári í?» A be wi yari: «Da syée, Kàfɔw a gi le fànʔafɔw kɔ́yɔ ni.»

Ŋúnuyi 44:2

Ee Kolocɔlɔɔ! Kérigèle mɔ kpéʔele lè wolo tóolɛɛbèle làla ni, booma cányi ni, wolo n gele bee lóʔo wolo líiweegèle ni, wolo tóolɛɛbèle pe ge joo n tɛ̀ɛn wolo na.

Ŋúnuyi 78:55

Wi n syɛɛnfeleyaa nɛnɛ pe yɛ́ɛgi na n yirige yaà, níì mɛɛnnɛ tɛ́ʔɛ n yi tári tímana n lɛɛ be na a di pye be kɔrigɔ, wi n Isirayɛli syɛɛnfeleyi télege be fànikpaayi ni.

Làlwaw Kaanziin 7:2

lǎli ni Yawe mɔ Kolocɔlɔw ga sáà yi le mɔ kɔ́yi ni lè, a mɔ yi jáa, mɔ a yi kálagi péw. Mɔ a kɔ́ joogaanna kpéʔele ní yi ní í, mɔ a kɔ́ nyinimɛ taa yi na í.

Làlwaw Kaanziin 9:3

Ki n yɛlɛ mi gi cán níjanʔa bi cán Yawe wi lè mɔ Kolocɔlɔw, woro wi a ra syée mɔ yɛ́ɛgi na àmɛɛ naà nyɛ, gee gi sórigolo kpéʔele lè. Woro wi a be kálagi, woro wi a be cáan mɔ yɛ́ʔɛ ma, mɔ a be nɛnɛ yirige yaà, si be kálagi kwɔ́ɔ kelekele àmɛɛ Yawe gi joo mɔ ma lè.

Jàbɔbèle 1:3

A Zyuda wi yɛʔɛfɔw Simeyɔn pye: «Lúgu ní mii ní wo kári tálɛɛli ma li kaan mii ma lè, wo sa kapɛɛnni kpúmɔn ní Kanaan ye ní. Mii a wɔ́ɔ ba kári ní mɔ ní lee má li kaan mɔ ma lè!» A Simeyɔn kári ní wi ní.

Jàbɔbèle 1:5

A be Adoni-Bezɛki nyaa yaà Bezɛki ni, a be kapɛɛnni kpúmɔn ní wi ní, níì fànʔa taa Kanaan ye ní Perezi ye na.

Jàbɔbèle 11:32

A Zyefite sɔ̀lɔ n kári Amɔn ye kurugo bi sa kapɛɛnni kpúmɔn ní be ní. A Yawe sáà be le wi kɔ́yi ni.

Jàbɔbèle 3:5

A Isirayɛli ye tɛ́ɛn Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye níngi ni.

1 Samyɛli 11:8

A Sawuli sáà be córo Bezɛki ma. Isirayɛli wóbèle maa pye nànbēle sirakamayɛ kɛɛ ní kagunɔ, Zyuda wóbèle si i nyɛ nànbēle sirakama ní selebingéle kagunɔ.

1 Samyɛli 14:10

Pe si ga jo: ‹Ye lúgu naa wolo ma,› wolo a lúgu. Níì cán Yawe a be le wolo kɔ́yi ni. Gee bee a pye wolo ma fɛ̀ɛ.»

1 Samyɛli 14:6

A Zyonatan gi joo nìgɔcariw ma, wee wi wi kapɛɛnkpumɔn-yáriri tugu lè, níì jo: «Da maa wo jeli wo kári sìngɛ́nɛbèle yaa kabiga ma. Dɔ̀ʔɔ́ Yawe a sa báara ní wolo ní. Níì cán bi syɔɔlɔ kpéʔele syɛɛnnɛʔɛmɛ báriga ni, wàlá syɛ̀ɛnnɛ cɛɛri báriga ni, ki kàa faala a gbǎn Yawe jáa í.»