Jàbɔbèle 1:1 - Cebaara Bible 2010

¹ Zyozuwe kùúli kàdoʔo ma a Isirayɛli ye Yawe yíbe níì jo: «Wìí wi a lúgu kári wolo ni Wozeliw Kanaan ye kánmi na bi sa kapɛɛnni kpúmɔn ní be ní?»

Jàbɔbèle 1:1 Iomraidhean Croise

1 Fànʔafɔbèle 22:5

A Zyozafati níì Isirayɛli fànʔafɔw pye: «Mii i mɔ nyɛ́ɛri, ki n yɛlɛ mɔ í Yawe yíbe bi wi syɛ́ɛnri cán gbɛnʔɛnɛ.»

Yirile 18:15

A Mowizi gi joo wi céw tóo ma níì wi pye: «Syɛ́ɛnbèle be maa mii ma koro ga pye poro í ba Kolocɔlɔɔ yíbe.

Yirile 28:30

Mɔ a Urimi ní Tumiimi le fìcibigi yáriga ni ki lè kútiiw cerile wóʔo. Aarɔn ga ni jǐn bi yére mii Yawe yɛ́ʔɛ ma lǎli ni lè, dee bee í pye wi fìcibigi na. Kánmi bee na Aarɔn a Isirayɛli ye kútiiw kéele taʔa wi zɔ̌nw na làrigèle myɛ ni.

Córolo 27:21

Wi a yére sáriga-wòlow Eleyazari yɛ́ʔɛ ma, woro si yíbege kpéʔele wi kéeli na Urimi kútiiw ceriganma na Yawe yɛ́ʔɛ ma. Zyozuwe ní Isirayɛli syɛ́ɛnmi myɛ a ra yirigi bi yɛlɛ ní Eleyazari syɛ́ɛnri ní, sáā lúrugu da jǐn bi yɛlɛ ní wi syɛ́ɛnri ní.»

Jàbɔbèle 1:27

Manase ga Bɛti-Syeyan ye ní gi tɛ́nɛmi kèye wòolo nɛnɛ n yirige yaà í, n fàra Taanaki ní gi tɛ́nɛmi kèye wòolo, ní Dɔɔri ní gi tɛ́nɛmi kèye wòolo, ní Yibileyami ní gi tɛ́nɛmi kèye wòolo, ní Megido ní gi tɛ́nɛmi kèye wòolo na. Kanaan ye ga fɔ̀lɔ bi yiri tári bee ni í.

Jàbɔbèle 2:21

gee bee na syɛɛnfeleyee yi kòro lè sìnnɛnɛ ni Zyozuwe kùúli kàdoʔo ma, mii a ní gi kàa nɛnɛ yirige yaà pe yɛʔɛ̀ ma í.

Jàbɔbèle 2:8

Nun jáaw Zyozuwe wi pye lè Yawe falipyew, wi maa taa yɛ̀ʔɛlɛ dabata ní kpɔrigɔ níì kùu.

Jàbɔbèle 2:9

A be wi tɔ́n Timinati-Herɛsi ni, wi kɔ́rigi tára ni, Efirayimi nyanbeleyi kúlo ni, Gaasyi nyanbelegi solomɔkulo ma.

Jàbɔbèle 20:18

A Isirayɛli ye yìri n lúgu n kári Betɛli ma n sáà Kolocɔlɔɔ yíbe níì jo: «Wìí wi yɛlɛ wi séli kári wolo ni bi sa kapɛɛnni kpúmɔn ní Bɛnzyamɛ ye ní?» A Yawe be yari: «Zyuda wi a pye Wozeliw.»

Jàbɔbèle 20:23

A Isirayɛli ye lúgu n kári n sa ni nyaan Yawe yɛ́ʔɛ ma fwɔɔ n baa nan cângwɔɔgi nyɔ́ɔ na. A be Yawe yíbe níì jo: «A gi yɛlɛ lé wolo í ní kári sa too wolo senyɛnbèle na pe lè Bɛnzyamɛ yòdaʔayi?» A Yawe be yari: «Yaa syée be kurugo.»

Jàbɔbèle 20:27

A Isirayɛli ye Yawe yíbe, níì cán beè Kolocɔlɔɔ joogaanni kásu da pye cángi bee na.

Jàbɔbèle 20:28

Aarɔn jáaw wi lè Eleyazari, woro jáaw Fineyasi wi da ni yèré wi yɛʔɛ̀ ma lǎli bee ni. A be jo: «A gi yɛlɛ lé wolo í ní kári sa kapɛɛnni kpúmɔn ní Bɛnzyamɛ yòdaʔayi ní, pe lè wolo senyɛnbèle, wàlá wolo í lúru?» A Yawe be yari: «Ye lúgu yaa syée, níì cán nyɛ̀ʔɛna mii a be le yele kɔ́yi ni.»

1 Samyɛli 10:22

A be níì Yawe yíbe níì jo: «A nànwaa nikwɔɔ ní i yaà lé, wee wi yɛlɛ lè bi pan nɛɛ naa?» A Yawe jo: «Wi i yaà wee n làra túgori taana.»