Ɛsidirasi 9:9 - Cebaara Bible 2010

⁹ Níì cán wolo i nyɛ pulobèlē kàjáa n wolo yaʔa wolo púlori ni wolo Kolocɔlɔw ga wolo yaʔa í. Wi n wi funjǎngi tɛ́ʔɛ n wolo tɔ́n Pɛrisi fànʔafɔbèle yɛ́ʔɛ ma, bi ní sìíw lúrugo kaan wolo ma koro ga pye wolo í ní wolo Kolocɔlɔw kpaʔa yìrige, bi gi gurubɛɛ-toogi yìrige jàngó bi tɛɛlaraga kaan wolo ma Zyuda, ní Zyerusalɛmi ni.

Ɛsidirasi 9:9 Iomraidhean Croise

Ɛsidirasi 2:68

Lǎli ni pe baa nan Yawe kpáagi na Zyerusalɛmi ni lè, a narigbaayi kùndigibèle pèle saʔa kínidɛnɛgɛ yakaanra kaan Kolocɔlɔɔ kpáagi kéele na jàngó ki ní faan gi tɛ́ɛgi ni.

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Ɛsidirasi 7:8

A Ɛsidirasi baa nan Zyerusalɛmi na fànʔafɔw fànʔa yɛ̀ʔɛlɛ kɔrɔsiin wólo, yeye kagunɔ wógi na,

Ɛsidirasi 9:10

Ee wolo Kolocɔlɔw, tɔ́ɔliw ni, nyàʔá si wolo a ní joo gee bee kadoʔo ma? Níì cán wolo n mɔ kajoodɛ̀ɛngèle yaʔa,

Nehemii 2:17

Lǎli bee ni a mii be pye: «Yele n gi nyaa wɔʔɔgee ni wo nyɛ lè! Zyerusalɛmi n kálagi, a náagi gi kpàánweegèle kɔ̀riyɔ sórigo. Yaa maa wo ní wo ba Zyerusalɛmi tǒw faan, jàngó wolo a kɔ́ kòro faʔari ni í.»

Nehemii 9:17

Pe ga fɔ̀lɔ bi lóʔo í, pe ga sɔ̀ngi n taa bìngaari kèlē na mɔ da kpéʔele be ma lè í, pe n be nyúnyi waʔa. Pe céemi fúngo ni, a be kùndigi télege peyɛɛ nyúngi na si lúru sa jée be púlori ni. Kàjáa mɔ i nyɛ Kolocɔlɔɔ, wee wi kùsulugi syoo lè, níì nyìn nyínimi, ní fûnnyingi na. Mɔ fúngi o taanri kelekele í, á mɔ nyìn funjǎngi na, mɔ ga be cée n yaʔa í.

Ŋúnuyi 109:12

Syɔɔn faala a kɔ́ kacànna pye wi na í, syɔɔn faala a wɔ́ɔ kɔ́ nyinimɛ taa wi círibèle na í,

Ŋúnuyi 138:7

Alí mii ga ni táanri wɔʔɔgi nínge ni, mɔ i mii sìíw kpáa wéle, mɔ i mɔ kɔ́gi sáanri mii nigoobèle fundanʔara kánma na, mɔ kaliigi si i mii syoo.

Ezayi 14:3

Cángee na Yawe ga mɔ ŋɔ́n n daa lè mɔ fɔrɔgi, ní mɔ fíige màʔani, ní pulogbanri na di taʔa mɔ na lè,

Ezayi 5:2

Wi maa gi túgu n yìrige níì kàdɛnɛri láa n yirige gi ni, níì ɛrɛzɛn tíricànra cɔ́rɔ gi ni, níì kpaataʔa-tɔ́nɔgɔ faan gi níngi ni, ní caà ɛrɛzɛn lɔ́ʔɔ tɛɛnùgugo sámaga gi ni. A wi i wéle gi ma ní i sɔ̀ngí ki a ɛrɛzɛncàɔn san, kàjáa a gi yasanbeere san.

Ezayi 5:5

Koro na, gee mii a kpéʔele mii ɛrɛzɛn ségi na lè, mii a gi tɛ̀ɛn yele na tɔ́ɔliw ni. Mii a gi jásaaw láʔa gi na, yaweeri si gi káa. Mii a gi kàkɔlɔgi wálagi cáan, jàngó pe gi tánʔana ní tɔ́lɔyi ní.

Ezayi 61:4

Pe a ní faan gurubɛɛlɛɛyi na, pe a ní booma kpaatooyi yìrige, pe a ní kèye faan, yee yi da jaa lè, yee yi da kòro lè kataya a gi yìrigēle saʔa kwɔ́ɔ.

Ezekyɛli 11:16

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Ki wíre i nyɛ kányɛʔɛ mii n be léeli yaà tári syɛɛnfeleye nínge ni, mii n be cariga n màʔa tátɛɛyi ni, mii si n tɔ́ɔ̀ pye be ma tɛɛcànga làlaa kánma ni, tátɛɛyi ni, yee má be kári lè.›

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

Agizye 1:9

«Yele sɔ̀ngumi maa pye saʔa taala na, wéle, cɛɛri yagana si yele taa. Yele n di láa n kári kpaaya ma, kàjáa a mii di fɛɛ n wáa. Nyàʔá na koro pye? Gee bee n pye mii kpáagi kéele na gi kàri lè gurubɛʔɛ, bi gi taa yele myɛ nibin nibin fúnyi n wári yele kpáayi kéele kurugo.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zakarii 2:5

Mii maa nyapiigèle yìrige ni wéle, a mii yanyaagaa nyaa, koro gi nyɛ gee naa: Ki n pye nànwaa, wee kɔ́lɔ ni yatimana-mɛ́ɛnnɛ da pye lè.