Ɛsidirasi 9:8 - Cebaara Bible 2010

⁸ Kàjáa lǎli naa ni, ki ga mɔn í, Yawe wolo Kolocɔlɔw n nyɔɔ wolo na, níì wo pèle yaʔa a wo kòro sìi na, níì tɛɛlaraga kaan wolo ma wi tɛɛcǎngi ni, koro ga pye wolo Kolocɔlɔw í gbɛ̀ɛnmɛ yirige wolo nyapiigèle í da nyaagi, si sìi cɛɛri kaan wolo ma wolo púlori fáli ni.

Ɛsidirasi 9:8 Iomraidhean Croise

2 Fànʔafɔbèle 19:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔê kòro beè lè.› »

Ɛsidirasi 9:9

Níì cán wolo i nyɛ pulobèlē kàjáa n wolo yaʔa wolo púlori ni wolo Kolocɔlɔw ga wolo yaʔa í. Wi n wi funjǎngi tɛ́ʔɛ n wolo tɔ́n Pɛrisi fànʔafɔbèle yɛ́ʔɛ ma, bi ní sìíw lúrugo kaan wolo ma koro ga pye wolo í ní wolo Kolocɔlɔw kpaʔa yìrige, bi gi gurubɛɛ-toogi yìrige jàngó bi tɛɛlaraga kaan wolo ma Zyuda, ní Zyerusalɛmi ni.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Nehemii 9:31

Amɛɛ si mɔ nyínimi nɛʔɛ lè, mɔ ga be kálagi n kwɔ́ɔ í, mɔ ga be wáa n yaʔa í. Níì cán mɔ i nyɛ Kolocɔlɔwee wi fûnnyinge ní nyinimɛ taagi lè.

Zyɔbi 33:30

Koro ga pye bi wi pǐli lúrugo yirige weecurugi ni, koro ga pye bi niweebèle gbɛ̀ɛnmɛ yirige wi ma.

Ŋúnuyi 13:3

Làla ǹjoori mii yɛlɛ bi pye nya mii sɔ̀nginɛʔɛri na, bi kòro nya funbɛɛnrɛ na wɔʔɔgi ni canʔa o canʔa? Làlìí kánma mii nigoow a pye mii nyúngi na?

Ŋúnuyi 13:4

Ee Yawe mii Kolocɔlɔw, ki n yɛlɛ mi wéle mí lóʔo mii ma. Mii nyapiigèle cèlege, koro ga pye mii ŋúnɔmi a kɔ́ ba kàri kùu í.

Ŋúnuyi 138:7

Alí mii ga ni táanri wɔʔɔgi nínge ni, mɔ i mii sìíw kpáa wéle, mɔ i mɔ kɔ́gi sáanri mii nigoobèle fundanʔara kánma na, mɔ kaliigi si i mii syoo.

Ŋúnuyi 34:5

Mii n Yawe caa, a wi lóʔo mii ma. Wi n mii syɔɔ mii fyáari kèlē myɛ ma.

Ŋúnuyi 85:6

Ba mɔ fúngi a zǐn yìri lé wolo kurugo bi kòro nya làla o làla? Mɔ fundanʔari a kòro lé bàā syée nya yìrigèle myɛ syɛ̀ɛnnɛ kurugo?

Kàseegèle 29:13

Foomɔfɔlɔ, ní fǎngi gbànvɔlɔ i peyɛɛ vàrá ni taagi. Yawe wi gbɛ̀ɛ́nmi kaangi pe myɛ siinw nyapiigéle ma.

Syɛɛnjóow 12:11

Sícilibèle syɛ́ɛnrɛ i nyɛ àmɛɛ ŋaafirigeye nyɛ lè, kérigèle sɛ́bɛfɔɔlɔ i nyɛ àmɛɛ ŋaaya nyɛ, yee be sámaga n kóri lè. Bànaʔaɔ nibin yakanʔa gii.

Ezayi 1:9

Nyɛ̀ʔɛni Sùlasiibéle Kafɔlɔ wi lè Yawe, kapye wi da wolo pèle cɛɛri yaʔa a wo kòro í, wolo mǎà dée pye àmɛɛ Sodɔmi nyɛ lè, wolo mǎà dée Gomɔri wíri.

Ezayi 14:3

Cángee na Yawe ga mɔ ŋɔ́n n daa lè mɔ fɔrɔgi, ní mɔ fíige màʔani, ní pulogbanri na di taʔa mɔ na lè,

Ezayi 56:5

mii a be kpéʔele fɛ̀ɛ mii kpáagi ni, ní mii gúnyi ni, si mɛ́ʔɛ le be na, gee gi sɔ̀lɔ lè nànbiigéle, ní calipiigèlē taala na. Mii a bàngwɔɔ mɛ́ʔɛ le be na, gee gi lè ki a tée kwɔ́ɔ bi yiri yaà í.

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Ezayi 6:13

Pe tílaya kɛɛ wógi ga kòro di ni, koro a sógi. Ki si a pye àmɛɛ terebɛnti tíige, wàlá syɛni tíige nyɛ lè, pe ga gi kpúmɔn, ki nyúngi n kòro yaà, syɛɛnfelegi bee nyúngo a ba yòdaʔacànga yirige.»

Zyeremii 42:2

n baa gi joo kanyaajoow Zyeremii ma níì jo: «Ki n yɛlɛ mi wolo nyɛ́ɛrigbɔɔgi lóʔo, mí Yawe mɔ Kolocɔlɔw nyɛ́ɛri mi kaan wolo ma, ní wogorobèle naa myɛ ma. Níì cán wolo maa nɛʔɛ, wolo si n kòro bele cɛɛri, àmɛɛ mɔ nyɛ́nɛ nyɛ gi na lè.

Zyeremii 44:14

Wàa a syɔɔ wàlá wàa í kòro Zyuda wozanbèle ni be pan bi ba tɛ́ɛn nɛɛ naa Ezyipiti tári ni lè í, ní i sɔ̀ngí poro a ní lúru bi kári Zyuda tári ma, beè be sɔ̀nguri be kíle n jo pe a ní lúru sa tɛ́ɛn lè. Níì cán pe a ní lúru kári yaà í, kapye bele cɛɛri be taa n syɔɔ lè, poro ban í.› »

Ezekyɛli 14:22

Wéle, pèle ga kòro wi ni sìi na, bele pe a syɔɔ bi yiri lè, pe lè nànbiigèle, ní calipiigèle, bele bee a pan yele ma, yele a be tánʔaganmi, ní be kapyegèle nyaa, yele si yeyɛɛ kpɛʔɛlɛ wɔʔɔgi kéele na, gee mii yaʔa a ki baa too Zyerusalɛmi na lè, gee myɛ mii yaʔa a ki baa too wi na lè.

Oze sɛ́bɛw 6:2

Wi a sìíw kaan wolo ma nɛɛ ní canya siin fúngo ni. Candaanri wógi na wi a wolo yìrige, wolo a kòro sìi na wi yɛʔɛ̀ ma.

Habakuki 3:2

Yawe, mii n mɔ kapyegèle kéele lóʔo, fyáara n mii cò, Yawe, mɔ kapyeli yɛ́ʔɛ ma, li foro yɛ́ɛgèle fúngo ni! Li yaʔa li cán yɛ́ɛgèle fúngo ni! Kàjáa n mɔ yaʔa mɔ fundanʔari fúngo ni, sɔ̀ngi mi taa mɔ nyinidaari kéele na.

Sofonii 3:12

Mii a syɛ́ɛnbèle pèle yaʔa mɔ níngi ni, bele be nyɛ lè màámi fɔ̀ɔlɔ ní fóomi fɔ̀ɔlɔ, pe a Yawe mɛ́ɛgi pye be tɛɛlaragi.

Zakarii 10:4

Zyuda ni kpáagi jɛ̀ɛ́nnɛ kadɛnɛgɛ a yiri, woro ni cèferili a yiri, woro ni kapɛɛnni sedege a yiri. Woro ni kùndigibèle myɛ a pínɛ yiri.

Zakarii 8:12

«Níì cán yɛɛ̀nyingi lùguro di nyɛ dee naa: Ɛrɛzɛn tíriri a ra sangi, tári yafálara a ra nyɔɔgi, nyɛ̀ʔɛni a ra li kásagi kaangi. Mii a syɛ́ɛnbèle naa wogorobéle yaʔa be yacanri naa myɛ taa di pye be worò.

Zakarii 8:6

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Gee bee ga pye kakpɔʔɔ syɛ́ɛnbèle naa wogorobéle nyɛ́nɛ na cányi bee ni, a gee bee si a wɔ́ɔ pye lé kakpɔʔɔ mii nyɛ́nɛ na?» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Wɔrɔmi ye 9:27

Ezayi si maa ni wi yákpoli wáa Isirayɛli ye kéeli na níì jo: «Alí Isirayɛli ye ga nɛʔɛ àmɛɛ sólomi lɔ̀ʔɔ táminyɔɔ nyɛ lè, poro pèle cɛ̀ɛri yagana pe a syɔɔ.

Tɛ̀ɛnnɛ 3:12

Wee wi ga fànʔa taa lè, mii a wi kpéʔele tiipɔlɔ mii Kolocɔlɔw kpɔ̀ʔɔrɔlɔ kpaʔa ni, wi si a ní yiri yaà nyáana í. Mii a wɔ́ɔ mii Kolocɔlɔw mɛ́ʔɛ sɛ́bɛ wi na n fàra mii Kolocɔlɔw kèkpɔʔɔ mɛ́ʔɛ na, ki lè Zyerusalɛmifɔnw gee ki a yìri lè nyɛ̀ʔɛni na mii Kolocɔlɔw ma bi tìgi naa, si wɔ́ɔ mii mɛ́ɛfɔngi sɛ́bɛ wi na.

1 Samyɛli 14:27

Zyonatan si da wi tóow kàliga kéele taa n lóʔo, gee wi da syɛ́ɛnbèle kɔ́ri a be kàli lè í. Kàgbeeli li da pye wi kɔ́gi ni lè, a wi loro fínaani le ségbabigaa ni n kɔlɔ̀ tórigo nyɔɔ ma. A wi nyapiigèle fala n cèlege.

1 Samyɛli 14:29

A Zyonatan jo: «Mii tóow n wɔʔɔgɔ cáan tári na. Wéle, àmɛɛ mii nyapiigèle cèlege lè sárigi naa cɛɛri laalala báriga ni.