Ɛsidirasi 9:7 - Cebaara Bible 2010

⁷ Nlaa yaà wolo tóolɛɛbèle canya na, wolo n kolo gbanʔama fwɔɔ n baa nan cángi naa na. Wolo kakolobyeri kéele na wolo, ní wolo fànʔafɔbèle, ní wolo sáriga-wòlobèle da le tátɛɛyi fànʔafɔɔlɔ, ní ŋɔséew, ní púlori, ní fugurili kɔ́yɔ ni, n fàra fɛ̀ɛ́ri na àmɛɛ gi nyɛ wo na lè níjanʔa.

Ɛsidirasi 9:7 Iomraidhean Croise

1 Fànʔafɔbèle 8:47

n be yaʔa yaà tári ni, beè pe a pye lè pulobèlē, pe ga baa sɔ̀ngi n taa níì kàdoʔo wáa be kapeeli ma, n be yaʔa yaà be jáafɔbèle tára ni, pe ga yére gi ni n gi joo níì jo: ‹Wolo n kapeele pye, wolo n kolo, wolo n kapeʔe pye,›

2 Cányi kèlē 29:6

Níì cán wolo tóolɛɛbèle n kolo, gee gi pee Yawe wolo Kolocɔlɔw nyɛ́nɛ na lè, pe n koro kpéʔele. Pe n wi yaʔa, pe n be yɛ́ɛyi kàriga n yirige Yawe tɛɛcǎngi ni, níì kàdoʔo wáa wi ma.

2 Cányi kèlē 30:7

Yele a kɔ́ pye àmɛɛ yele tóobèle ní yele senyɛnbèle nyɛ lè í, poro bele be kolo Yawe be toolɛɛbèle Kolocɔlɔɔ ma lè, a wi si be kaan kálagili ma àmɛɛ yele nyɛ́nɛ nyɛ gi na lè níjanʔa.

2 Cányi kèlē 34:24

Yawe n jo: ‹Mii a wɔʔɔlɔ cáan tɛ́ɛgi naa, ní gi syɛ́ɛnbèle na, n yɛlɛ ní dángaw syɛ́ɛnrɛ myɛ ní di sɛ́bɛ lè sɛ́bɛw ni, wee syɛ́ɛnrɛ be wéle n joo Zyuda fànʔafɔw yɛ́ʔɛ ma lè.

Ɛsidirasi 9:13

Gee bee myɛ gi wolo taa lè wolo péemi kapyere, ní wolo kapeekpɔɔgi kéele na, á mɔ sèʔê pèle yaʔa a be pye wolo ni wogorobéle, wolo Kolocɔlɔw, mɔ si ga wolo wɔʔɔ n yɛlɛ ní wolo kolomi kèlē ní í,

Nehemii 9:30

Mɔ n be kpàraco yɛ̀ʔɛlɛ saʔa fúngo ni, níì mɔ kanyaajoobèle láa n mɔ Pili tɛ́ʔɛ n be kɛɛlɛ, kàjáa pe ga lóʔo í, lǎli bee ni a mɔ be le tátɛɛyaa syɛɛnfeleye kɔ́yɔ ni.

Ezayi 64:4

Wee wi da ni sínni kèlē kpéʔele ní fundaanra ní lè, bele pe da ni sɔ̀ngí ni taagi mɔ kóloyi na lè, mɔ maa ni bele bee fàrá, kàjáa mɔ fúngi si n baa tanʔa gbanʔama, níì cán wolo n kapeele pye. Wolo si a kòro wɔʔɔgi ni, fwɔɔ bi taa wolo í ba syɔɔ.

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 3:25

Wolo fɛ̀ɛ́ri di nyɛ wolo ma yasinɛgi, wolo faʔari si i nyɛ wolo ma làgogi. Níì cán wolo n kapeele pye Yawe wolo Kolocɔlɔw na, wolo ní wolo tóobèle nlaa yaà wolo cárimi làla ni fwɔɔ n baa nan níjanʔa na, wolo si ga Yawe wolo Kolocɔlɔw jóomɔ lóʔo í.»

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Zyeremii 32:32

kapeeyi myɛ kéele na, yee Isirayɛli pìíbèle ní Zyuda pìíbèle kpéʔele bi mii fúngi tanʔa lè, poro, ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle, ní Zyuda nǎnbèle, ní Zyerusalɛmi ye.

Zyeremii 44:22

Yawe ga níì pye bi gbǎn gi kpàraco í, yele péemi nàʔabeemɛ kéele na, ní yanɔnʔɔri kéele na yele kpéʔele lè, a yele tári si kàri gurubɛɛrɛ, ní funwɔɔrɔ yáriga, ní dánga yáriga, syɛ̀ɛnnɛ fun ni àmɛɛ gi nyɛ lè níjanʔa.

Zyeremii 44:9

A yele fɛ̀ʔɛ lé yele tóolɛɛbèle kapeeye, ní Zyuda fànʔafɔbèle wóyo, ní be cébèle wóyo, ní yele kapeeyi, ní yele cébèle wóyo na, yee be kpéʔele lè Zyuda tári, ní Zyerusalɛmi kàlari-kóloyi ni?

Kayaagi Nyɛnigɛ 5:7

Wolo tóolɛɛbèle n kapeele pye, pe si ní o beè í, wolo si wo be kolomi kèlē túgoro tugo.

Ezekyɛli 11:9

‹Mii a yele yirige gi níngi ni, bi yele le nibɔɔnnɔ kɔ́yɔ ni. Mii a mii kútiiw kèlē kpéʔele foro yele na.

Ezekyɛli 39:23

« ‹Syɛɛnfeleyi a gi cán bi cán Isirayɛli kpáagi wòolo kolomɔ kele kéele na pe da be cò n kári, pe sìnzinmi kèlē kéele na pe kpéʔele mii na lè. A mii si wɔ́ɔ̀ mii yɛ́ɛgi làriga be na, níì be le pe kàsiitun-nyɛ́nbèle kɔ́yɔ ni, koro ga pye ŋɔséew í pe myɛ kpóo cáan.

Córolo 32:14

Wéle, yele n yìri yele tóolɛɛyi sìndɛʔɛ ni, n pye àmɛɛ kapeebyebèlē fíinye nyɛ lè jàngó bi ní kàa fàra Yawe fundanʔari na Isirayɛli ye kurugo.

1 Samyɛli 12:15

Kàjáa yele ga pye yele o Yawe jóomi lúro í, yele ga Yawe syɛ́ɛnri cée Yawe a kɔlɔ̀ taʔa yele na àmɛɛ wi da kɔlɔ̀ taʔa yele tóolɛɛbèle na lè.