Ɛsidirasi 9:6 - Cebaara Bible 2010

⁶ níì jo: «Mii Kolocɔlɔw, mii n curugo, fɛ̀ɛrɛ n mii taa, bi mii yɛ́ɛgi yìrige bi mɔ wéle, ee mii Kolocɔlɔw. Níì cán wolo kolomi kèlē n nɛʔɛ fwɔɔ n wolo tɔ́n, a wolo kakolobyeri taani tiyɛɛ na fwɔɔ n sáà nan nyɛ̀ʔɛni na.

Ɛsidirasi 9:6 Iomraidhean Croise

Sélimɛ 13:13

Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

1 Fànʔafɔbèle 8:47

n be yaʔa yaà tári ni, beè pe a pye lè pulobèlē, pe ga baa sɔ̀ngi n taa níì kàdoʔo wáa be kapeeli ma, n be yaʔa yaà be jáafɔbèle tára ni, pe ga yére gi ni n gi joo níì jo: ‹Wolo n kapeele pye, wolo n kolo, wolo n kapeʔe pye,›

2 Cányi kèlē 28:9

Yawe kanyaajoowaa si maa pye yaà pe maa ni wi mɛ́ɛgi yiri Odedi. A woro yiri n sáà kapɛɛnkpumɔnbèle fàra pe da yìri yaà n lúru ni maa Samarii ma lè, níì be pye: «Ye wéle, Yawe yele tóolɛɛbèle Kolocɔlɔɔ fúngi n tanʔa Zyuda ye kurugo, koro na wi be le yele kɔ́yi ni, a yele si be kpóo ní fundanʔara ní n baa sɔ̀lɔ fwɔɔ a gee bee nan nyɛ̀ʔɛni na.

Ɛsidirasi 9:13

Gee bee myɛ gi wolo taa lè wolo péemi kapyere, ní wolo kapeekpɔɔgi kéele na, á mɔ sèʔê pèle yaʔa a be pye wolo ni wogorobéle, wolo Kolocɔlɔw, mɔ si ga wolo wɔʔɔ n yɛlɛ ní wolo kolomi kèlē ní í,

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Nehemii 1:6

ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Zyɔbi 40:4

«Wéle, mii i nyɛ yapiipiile, nyàʔá mii a gbǎn joo mɔ ma? Mii a kɔ́gi tɔ́n mii nyɔ́ɔgi na.

Zyɔbi 42:6

Koro na mii n kolomɔ kaan niyɛɛ ma, níì kàdoʔo wáa mii kapeegèle ma, níì tɛ́ɛn támiigi, ní cɔ́ɔngi ni.»

Ŋúnuyi 38:4

Tɛɛcànna faala o nyɛ mii céri na í, mɔ fundanʔagbɔɔri báriga ni, fànʔa faala o nyɛ mii kaceleyi ni í, mii kapeeli kéele na.

Ŋúnuyi 38:5

Mii kolomi kèlē n nɛʔɛ fwɔɔ n baa mii tɔ́n, ke i nyɛ tugogbɔɔrɔ, dee di líbe mii na lè.

Yirile 32:31

A Mowizi lúru n kári Yawe ma n sáà wi pye: «Syɛ́ɛnbèle naa n tɔ̀nɔ n kapeekpɔʔɔ kpéʔele. Pe n tɛɛ̀ kolocɔlɔɔ sámaga n pye peyɛɛ wóo.

Ezayi 1:18

«Yaa maa wo ba joo.» Yawe wi jo nya. «Alí yele kapeegèle ga nyɛ́nɛgɛ, ke a ba fílige àmɛɛ lànɛɛzyiw nyɛ lè, àlí ke ga nyɛ́nɛgɛ n baa wɔ́ɔ, ke a ba fílige àmɛɛ bàsiire nyɛ lè.

Ezayi 59:12

Níì cán wolo kapeeyi n nɛʔɛ mɔ yɛ́ʔɛ ma, a wolo kapeegèle i séera kpéʔele wolo kánmi na. Wolo kapeeyi i nyɛ ní wolo ní, a wolo wolo kolomi kèlē cán.

Zyeremii 3:3

Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Zyeremii 31:19

Mii kolo-lúrugwɔɔli kàdoʔo ma, a mii kàdoʔo wáa mii kapeegèle ma. Amɛɛ mii niyɛɛ ján lè, a mii i mii ceekpɔɔli kpúmɔn, mii maa nyìn fɛ̀ɛ́ri ní fyáari na, Níì cán mii cárimi làla faʔara i nyɛ mii na tugoro.›

Zyeremii 51:9

Wolo maa ni caa bi Babilɔni pɔʔɔ, kàjáa wi ga pɔʔɔ í. Wo wi yaʔa yaà, wáā syée, wo myɛ nibin nibin wo tára ma. Níì cán wi kútiiw i nangi fwɔɔ nyɛ̀ʔɛgèle na, wi n yìri fwɔɔ n nan fàfaanyi na.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Kayaagi Nyɛnigɛ 3:42

Wolo n pye kapeebyebèlē, ní niceebéle! Mɔ si na, mɔ ga kùsulugi syɔɔ í!

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Levii ye sáriga-wòlori 26:40

« ‹Pe a ba yére be kolomi, ní be tóobèle kolomɔ ni, gee bee n jo sìnzinmi kèlē be kpéʔele mii na lè, ní àmɛɛ pe da ni cáan ní mii ní lè,

Luki 15:21

A jaafɔw wi pye: ‹Abaa, mii n kapeele pye nyɛ̀ʔɛni na, ní wɔ́ɔ̀ li pye mɔ na, ki ga yɛlɛ pe ní da mii yiri mɔ jáa í.›

Luki 18:13

Kàjáa a wálisyɔɔw yére tɛɛ̀leelige ni, àlí wi ga fɔ̀lɔ bi wi nyúngi yìrige ǹjoʔo ma bi nyɛ̀ʔɛni wéle í, ní i wiyɛɛ gbúmɔn fìcibigi ni níì jo: ‹Kolocɔlɔɔ, mi nyinimɛ taa mii na, mii wee wi nyɛ lè kapeebyeo.›

Wɔrɔmi ye 6:21

Kérigèle ge nyɛ lè yele na fɛ̀ɛrɛ tɔ́ɔliw ni, gele yele da ni kpéʔele lè booma ni, nyàʔá tɔ̀nɔfeleo yele da ni taagi ge ni lǎli bee ni? Níì cán gele bee kàdoʔo gi nyɛ kùúw.

Tɛ̀ɛnnɛ 18:5

Níì cán ki kapeegèle n taani keyɛɛ na fwɔɔ n sáà nan nyɛ̀ʔɛni na, a Kolocɔlɔɔ sɔ̀ngi n taa ki kakolobyeri na.