Ɛsidirasi 9:5 - Cebaara Bible 2010

⁵ A ki ga pye cângwɔɔgi nyɔ́ɔ sáriga làriwololo ni, a mii yìri mii nɛ̀ɛjɛrɛgi tɛɛ̀tɛ́ɛnnɛ ni, ní mii búrogi, ní mii burogbɔɔgi ní wozuluguyo ní, a mii tìgi n too n yégunri cáan níì kɔ́yi yìrige Yawe mii Kolocɔlɔw ma,

Ɛsidirasi 9:5 Iomraidhean Croise

1 Fànʔafɔbèle 8:22

A Salomɔn yìri n yére Yawe sáriga-wòlo-yafaangi yɛ́ʔɛ ma Isirayɛli syɛɛnkpoʔolomi myɛ yɛ́ʔɛ ma níì kɔ́yi yìrige n wáa nyɛ̀ʔɛni ma,

1 Fànʔafɔbèle 8:38

nyɛ́ɛrigɛ o nyɛ́ɛrigɛ, wàlá nyɛ́ɛrigbɔʔɔ o nyɛ́ɛrigbɔʔɔ, gee syɔɔnwaa faala ga nyɛ́ɛri lè, wàlá a gi naa i nyɛ mɔ syɛ́ɛnbèle myɛ bìnɛw be lè Isirayɛli ye poro pe gi nyɛ́ɛri yoo, á syɔɔn o syɔɔn tɛ́nɛ̀ wi fúngi yáama kéele cán, níì wi kɔ́yi yìrige n wáa kpáagi naa ma,

1 Fànʔafɔbèle 8:54

Lǎli ni Salomɔn kwɔ́ɔ nyɛ́ɛrigi bee myɛ, ní nyɛ́ɛrigbɔɔgi bee na Yawe ma lè, a wi yìri n núngo Yawe sáriga-wòlo-yafaangi yɛ́ʔɛ ma, koro gee taana wi da pye wogbumɔnɔɔ ní lè níì wi kɔ́yi yìrige ǹjoʔo ma.

2 Cányi kèlē 6:13

Ncan Salomɔn maa tɛɛ̀yérege sámaga kanyɛɛnrɛ wóʔo, ki tɔnɔganmi maa pye mɛ́tiribéle siin ní tíla, a gi yɛ́ɛgi kpɔ́ʔɔganma wɔ́ɔ i nyɛ mɛ́tiribéle siin ní tíla, ki ǹjogi tɔnɔganma si i nyɛ mɛ́tiri nibin ní tíla. Wi maa gi yérige kàcooli nínge ni. A wi lúgu gi na níì tìgi n yégunri cáan Isirayɛli syɛɛnkpoʔolomi myɛ nyɛ́nɛ na níì wi kɔ́yi yìrige n wáa nyɛ̀ʔɛni ma, níì jo:

Nehemii 1:4

Lǎli ni mii syɛ́ɛnri bee lóʔo lè, a mii tɛ́ɛn n nyɛni, a gi pye mii ma kùu káyaʔa n canya saʔa kwɔ́ɔ. A mii súnw le ní i nyɛ́ɛri nyɛ̀ʔɛni Kolocɔlɔɔ yɛ́ʔɛ ma.

Ŋúnuyi 141:2

Ki n yɛlɛ mii nyɛ́ɛrigi í da lúru mɔ yɛ́ɛgi ma àmɛɛ nùndaanni yasorigogo nyɛ lè, mii kɔ́yi yìrigele í pye àmɛɛ cângwɔɔgi nyɔ́ɔ sáriga nyɛ lè!

Ŋúnuyi 143:6

Mii n mii kɔ́yi yìrige mɔ ma. Mɔ kéeli i nyɛ mii fúngi ni àmɛɛ lɔ̀ʔɔ láa nyɛ táwaara na lè. Ŋɔ́ndaala

Ŋúnuyi 95:6

Yaa maa wo ba tìgi wo too tári na, wo tìgi wo kpùmɔnɔ, wo yégunri cáan wo Faanfɔw Yawe yɛ́ʔɛ ma.

Yirile 9:29

A Mowizi wi yari: «Mii ga yiri kěgi ni, mii a mii kɔ́yi yìrige Yawe ma. Nyɛ̀ʔɛni fololo a yére, zěsolomɔ a ní wɔ́ɔ pye í, koro ga pye mɔ í gi cán bi cán tári myɛ i nyɛ Yawe wóro.

Yirile 9:33

A Mowizi yiri Faraɔnw tɛ́ʔɛ ni, ní wɔ́ɔ̀ yiri kěgi ni n sáà wi kɔ́yi yìrige Yawe ma, a nyɛ̀ʔɛvōloli ní zěsolomi yére, zěgi ga níì too tári na í.

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Danyɛli 10:2

Cányi bee ni, mii Danyɛli, mii maa pye kùu káyaʔa na cégboʔolo taanri fúngo ni.

Luki 22:41

A wi léeli be na àmɛɛ kàdɛnɛgɛ wáama léeliganma nyɛ lè, ní sáà kpùmɔnɔ ni nyɛ́ɛri

Kapyegèle 21:5

Cányi bee kwɔ́ɔlɔ kadoʔo ma, a wolo kólogi láa ni syée, a pe myɛ sáà wolo tórigo, poro, ní be cébèle, ní be pìíbèle n yiri kěgi kàdoʔo ma. A wo kpùmɔnɔ nɛɛ bee lǒgi kàgomɔ na níì Kolocɔlɔɔ nyɛ́ɛri.

Efɛzi ye 3:14

Gee bee na mii i kpùmɔnɔ́ Tofɔw yɛ́ʔɛ ma,