Ɛsidirasi 9:4 - Cebaara Bible 2010

⁴ Bele myɛ pe da ni cɛ̀lɛ́ lè Isirayɛli Kolocɔlɔw syɛ́ɛnrɛ kéele na, a poro peyɛɛ gbóʔoro n pan mii ma, wojo-mí-káribèle kapeʔe kéele na. A mii funbɛɛnrɛtɔw tɛ́ɛn n kòro nya fwɔɔ n baa nan cângwɔɔgi nyɔ́ɔ sáriga làriwololo na.

Ɛsidirasi 9:4 Iomraidhean Croise

2 Cányi kèlē 34:27

Amɛɛ mɔ wi syɛ́ɛnri lóʔo dee di joo tɛ́ɛgi naa, ní gi syɛ́ɛnbèle kánma na lè, á di mɔ círi mɔ fúngi ni, a mɔ miyɛɛ jɛ́rɛ Kolocɔlɔɔ yɛ́ʔɛ ma. Amɛɛ si mɔ miyɛɛ jɛ́rɛ mii yɛ́ʔɛ ma lè, níì mɔ búroyi sulugu, níì nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

Ɛsidirasi 10:3

Wolo a joogaanna kpéʔele lǎli naa ni ní wolo Kolocɔlɔw ní bi jo wolo a cébèle bee myɛ, ní be pìíbèle yaʔa bi yɛlɛ ní mii kàfɔw syɛ́ɛnrɛ, ní bele wóro ní be cɛ̀lɛ́ wolo Kolocɔlɔw tundunro yɛ́ʔɛ ma lè. Ki a kpéʔele bi yɛlɛ ní làlwaw ní.

Ɛsidirasi 10:9

A Zyuda, ní Bɛnzyamɛ nǎnbèle myɛ peyɛɛ gbóʔoro Zyerusalɛmi ni cányi taanri fúngo ni, koro n pye yeye kpanjɛrɛ wógi canya toko wógi na. Syɛ́ɛnbèle myɛ maa tɛ́ɛn Kolocɔlɔɔ kpáagi kàcoolo kadàala na. Pe maa ni cɛ̀lɛ́ kéeli bee na, ní àmɛɛ zěgi da ni tuun lè.

Ŋúnuyi 119:136

Lɔ̀ʔɔ saʔa i fóo ni yirigi mii nyapiigèle ni, níì cán pe o mɔ lalwaw có í.

Yirile 29:39

Mɔ a bàpilaa nibin wòlo sáriga nyǐngi nyɔ́ɔ na, si làa nibin wòlo cângwɔɔgi nyɔ́ɔ na.

Yirile 29:41

Mí wɔ́ɔ cângwɔɔgi nyɔ́ɔ bàpile sáriga wòlo. Yáriree mɔ da pínɛ n wòlo ní nyǐngi nyɔ́ɔ bàpile ní lè, yakanʔa ní sáriga-yólogoo, mí wɔ́ɔ dee bee tàa wòlo ní cângwɔɔgi nyɔ́ɔ wólo ní. Mɔ a di wòlo sáriga, wee náagi sórogi ni kwóo lè á wi núngi Yawe dɛ́nɛ.

Ezayi 66:2

Yáriri bee myɛ, mii kɔ́gi ki di sámaga, a yáriri bee myɛ pye beè,» Yawe wi jo nya. «Wéle, wee kéele li kpɔ́ʔɔ mii ma lè, woro wi nyɛ foomɔfɔwee fúngo báriga wi kwɔ́ɔ lè, woro wee wi cɛ̀lɛ́ mii syɛ́ɛnri kéele na lè.

Ezayi 66:5

Ye Yawe syɛ́ɛnri lóʔo, yele bele ye cɛ̀lɛ́ wi syɛ́ɛnri kéele na lè. «Yele senyɛnbèle be yele para lè, poro bele be yele ŋɔrɔgi ni wáa mii mɛ́ɛgi kéele na lè, pe i gi nyuu níì jo: ‹Ki n yɛlɛ Yawe í wi nìjangbɔɔri tɛ̀ɛn, wolo si pye séerabéle yele fundaanri kéele na.› Kàjáa fɛ̀ɛrɛ a be taa.»

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Danyɛli 10:2

Cányi bee ni, mii Danyɛli, mii maa pye kùu káyaʔa na cégboʔolo taanri fúngo ni.

Danyɛli 9:21

N mii yaʔa jooli na mii nyɛ́ɛrigi ni, nǎnw bee, Gabiriyɛli mii da nyaa lè mii yanyaazeligi ni, a woro yìri fókaanya na kelekele n pan mii ma cângwɔɔgi nyɔ́ɔ sáriga làriwololo ni.

Córolo 25:6

Wéle, a Isirayɛli ye nànwaa kàri n pan ní Madyan ye céwaa ní wi senyɛnbèle tɛ́ʔɛ ma, Mowizi, ní Isirayɛli syɛ́ɛnmi myɛ nyɛ́nɛ na, lǎli ni be pye ni nyaan lè Syɛ́ɛnmi Tɛɛfaraga fànikpaʔa kpaaweele na.

Kapyegèle 3:1

Cangaa Pyɛri ní Zyan maa ni syée kpɔ̀ʔɔrɔli kpaʔa ma cangàrigi na, lǎli bee maa pye Zyefubèle làrinyɛɛrilaa Kolocɔlɔɔ ma.