Ɛsidirasi 9:3 - Cebaara Bible 2010

³ Lǎli ni mii kéeli bee lóʔo lè, a mii mii búrogi ní mii burogbɔɔgi cò n sulugu, níì mii ǹjooraa, ní mii bàʔajɔɔwaa cò n kíle n kɔ́nɔgi, níì tɛ́ɛn funbɛɛnrɛ na.

Ɛsidirasi 9:3 Iomraidhean Croise

2 Samyɛli 1:11

A Davidi wiyɛɛ búroyi cò n sulugu. Nǎnbèle myɛ be pye ní wi ní lè, a poro ki wonijangi kpéʔele.

2 Fànʔafɔbèle 18:37

Hilikiyahu jáaw Eliyakimi, wi pye lè fànʔafɔ-gbaagi kakarigaɔ ní Syebina wi pye lè sɛ́bɛkanw, n fàra Azafi jáaw Yowa na wi pye lè fǎngi kèlē sɛ́bɛtɛʔɛɔ, a poro lúru n pan Ezekyasi ma ní búroyi ní wozuluguyo ní n baa sùlasiibèle myɛ kàfɔlɔ taʔara syɛ́ɛnrɛ joo n tɛ̀ɛn wi na.

Nehemii 1:4

Lǎli ni mii syɛ́ɛnri bee lóʔo lè, a mii tɛ́ɛn n nyɛni, a gi pye mii ma kùu káyaʔa n canya saʔa kwɔ́ɔ. A mii súnw le ní i nyɛ́ɛri nyɛ̀ʔɛni Kolocɔlɔɔ yɛ́ʔɛ ma.

Nehemii 13:25

A mii i fúlo be na ní i be dángi. A mii i be pèle kpúmɔn, ní i be ǹjoori kíle ni kɔ́nɔgi, ní i be kɔ́ri pe i kɛ̀ɛ́ Kolocɔlɔɔ mɛ́ɛgi na, níì be pye: «Yele a kɔ́ ra yele pìíbèle pɔri bàā kaangi pe jáabèle ma í, yele a wɔ́ɔ kɔ́ ra be pìíbèle pɔri bàā kaangi yele jáabèle ma í, wàlá bàā be pɔri yele càbala í.

Zyɔbi 1:20

Lǎli bee ni a Zyɔbi yìri n wi burogbɔɔgi sulugu, níì wi nyúngi kùnu, níì tìgi n too tári na, n kpɔ̀ʔɔrɔli kpéʔele,

Ŋúnuyi 119:53

Kayaagbɔʔɔ n too mii na syɛɛnpeebèle kéele na, poro bele be mɔ lalwaw yaʔa lè.

Ŋúnuyi 143:4

Mii pǐli fànʔa n kwɔ́ɔ mii ni, mii fúngi n nyáʔami mii na.

Ŋúnuyi 66:3

Yaa gi nyuu Kolocɔlɔɔ ma ye wi pye: «Mɔ kapyegèle i nyɛ bìngaara kele! Mɔ nigoobèle i peyɛɛ gaangi mɔ ma pe nyɔ́ɔyi ni, mɔ séekpɔɔw kapyegèlē báriga ni.

Ezayi 15:2

Pe i lúru ni syée kpɔ̀ʔɔrɔli kpaʔa, ní Dibɔn sáriga-wòlo-tɛ́ɛyi ma bi sa ra nyaan yaà. Mowabi i nyaan ni peele Nebo ní Medeba kéeli na, nyǔnyi myɛ n kùnu, bàʔajɔɔbèle myɛ n cɛnɛ.

Zyeremii 36:24

Kánmi bee na fànʔafɔw ní wi falipyebèle myɛ sɛ́bɛmigiw syɛ́ɛnrɛ myɛ lóʔo, ti ga fyáara wáa be na í, pe ga be búroyi sulugu í.

Zyeremii 7:29

«Mɔ njoori di yaʔa lè, di cɛnɛ, mí di wáa. Da funbɛɛnrɛ ŋúnugo ŋúu dǎndama-wɔlɔgɔyi ǹjoyo ni! Níì cán Yawe n lǎli naa syɛ̀ɛnnɛ faʔa, níì be ŋɔrigɔ n wáa, poro bele be wi fúngi kaan a gi tanʔa lè gbanʔama.

Ezekyɛli 3:15

A mii sáà nan Tɛli-Aviivi na wojo-mí-káribèle tɛ́ʔɛ na, pe pye lè wodɛ́ɛnbéle ní Kebaari cábigi nyɔ́ɔ na, ní tɛ́ɛgee ni pe da pye lè wodɛ́ɛnbéle ní. A mii tɛ́ɛn canya kɔrɔsiin pe níngi ni wovɔrɔɔ ní gbanʔama.

Ezekyɛli 7:18

Pe i gɔ̀nvaʔaya nii buroyo, fyáakpɔɔri si i be tɔ́ngi, fɛ̀ɛrɛ n yɛ́ɛyi myɛ tɔ́n, pe nyúnyi myɛ n kùnu.

Danyɛli 4:19

mɔ wii, ee fànʔafɔw, mɔ wi baa kpɔ́ʔɔ nya, níì nìri, mɔ n kpɔ́ʔɔ n yìri fwɔɔ n nan nyɛ̀ʔɛni na, mɔ fangi n kpɔ́ʔɔ n nan tári láʔagéle na.

Danyɛli 8:27

Mii Danyɛli, a mii pye báriga fun, ní yaaɔ canya saʔa ni. Koro kàdoʔo ma, a mii yìri ni fànʔafɔw fáli kpéʔele. Mii maa pye funwɔɔrɔ na yanyaagi bee kéele na, níì kòro gi kɔ́rɔw sìnján ni.

Levii ye sáriga-wòlori 21:5

Sáriga-wòlobèle a kɔ́ ra tɛɛlɛ kùnú be nyúnyi na í. Pe a kɔ́ ra be bàʔajɔɔw lɛ́ʔɛgēle kùún í. Pe a kɔ́ ra peyɛɛ céri kɔnɔgi í.

Misye 1:16

Mɔ njoori kɔ́nɔgi, nyùnjɛɛli kpoori mɔ piinidaanmabèle kéele na! Ki n yɛlɛ mi tɔ̀nɔ mi miyɛɛ kàriga nyùngbowaala fɔ́lɔ àmɛɛ kàcɔʔɔgɔ nyɛ lè, níì cán pe a be cò bi kári púlori na bi léeli mɔ na.

Zyozuwe 7:6

A Zyozuwe wi búroyi sulugu níì too n yɛ́ɛgi cíbele tári na Yawe kásuw yɛ́ʔɛ ma fwɔɔ n baa nan cângwɔɔgi nyɔ́ɔ na, n fàra Isirayɛli wolɛɛbèle na, á be támiigi wo peyɛɛ nyúnyi ni.