Ɛsidirasi 9:2 - Cebaara Bible 2010

² Níì cán pe n bele bee pìíbèle pèle láa be càbala, ní wɔ́ɔ̀ pèle láa n kaan pe jáabèle ma, a syɛɛnfelecǎngi nyáʔami tátɛɛyi bee syɛ̀ɛnnɛ ni, àlí kùndigibèle, ní kútiijoobèle be pye wozelibèle kapeegi bee pyele na.»

Ɛsidirasi 9:2 Iomraidhean Croise

Sélimɛ 6:2

lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

1 Fànʔafɔbèle 11:1

Tátɛɛyaa nikwɔɔ càbala saʔa kéele maa fànʔafɔw Salomɔn dɛ́nɛ, a wi níì poro láa n fàra Faraɔnw jáa na, poro be nyɛ Mowabi ye ní Amɔn ye, ní Edɔmi ye, ní Siidɔn ye wóbèle n fàra Hɛti ye wóbèle na.

Ɛsidirasi 10:2

Lǎli bee ni Syekanya wi lè Yehiyɛli jáaw, Elami yòdaʔayi ni, a woro gi joo Ɛsidirasi ma níì wi pye: «Wolo n kapeʔe pye wolo Kolocɔlɔw na, àmɛɛ wolo syɛɛnfeleyaa càbala pɔri lè. Kàjáa tɔ́ɔliw ni, sɔ̀ngumɔ tɛɛtaʔala n sèʔê kòro Isirayɛli ye ma kéeli naa na.

Ɛsidirasi 9:12

Koro na yele a kɔ́ ra yele calipiigèle kaangi pe jáabèle ma í, yele a wɔ́ɔ kɔ́ ra be calipiigèle kaangi yele jáabèle ma í. Yele a tée kɔ́ be keele yaʔa li wári yele na yele í da be yɛɛ̀nyinge, wàlá be nyɔɔmɔ caa í. Kánmi bee na yele a fànʔa taa, yele a ra tári yacanra líi, si di yaʔa di kòro làla o làla kɔrigɔ yele pìíbèle ma.›

Ɛsidirasi 9:14

a wolo da yɛlɛ lé bi ní séli bàā mɔ kajoodɛ̀ɛngèle kálagi sáā cèpɔrigi kpéʔele ní yanɔnʔɔri bee kpéʔelefɔɔlɔ ní? Mɔ fúngi a tanʔa wolo kurugo mɔ í wolo kálagi fwɔɔ bi taa pèle a ní pye wogorobéle wàlá wozyɔɔbéle wolo ni í ì?

Nehemii 13:17

A mii fúlo Zyuda wogbolobèle na níì be pye: «Nyàʔá gi nyɛ kapeegi naa nyúngo, gee yele kpéʔele lè ni cândɛnɛgi kálagi kánmi naa na?

Nehemii 13:28

Yoyada wi lè sáriga-wòlobèle kàfɔlɔ Eliyasyibi jáaw, woro pìiwaa maa pye Horɔn ye Sanbala pyà nàɔn. Koro na mii wi nɛnɛ n núngo niyɛɛ daana.

Yirile 19:6

Yele a pye mii ma sáriga-wòlobēle fannyɔʔɔ, ní tɛɛlɛfun syɛɛnfelege.› Syɛ́ɛnri bee mɔ a joo Isirayɛli syɛ́ɛnbèle ma.»

Yirile 34:16

Mɔ a wɔ́ɔ gi nyaa mɔ í da be pìíbèle lée bàā kaangi mɔ jáabèle ma pe càbala. Cébèle bee ga pye kanɔnʔɔri na ní be yasunyi ní, pe a wɔ́ɔ ra mɔ jáabèle kàragí paa kanɔnʔɔri kpéʔele ní poro yasunyi ní.

Ezayi 6:13

Pe tílaya kɛɛ wógi ga kòro di ni, koro a sógi. Ki si a pye àmɛɛ terebɛnti tíige, wàlá syɛni tíige nyɛ lè, pe ga gi kpúmɔn, ki nyúngi n kòro yaà, syɛɛnfelegi bee nyúngo a ba yòdaʔacànga yirige.»

Levii ye sáriga-wòlori 21:15

jàngó wi a kɔ́ wi yòdaʔagi faʔa wi syɛɛnfelegi wòolo nínge ni í. Níì cán mii wi nyɛ Yawe wee wi wi jé ni mùú lè.› »

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.

Malasyii 2:15

Yawe ga ye kpéʔele syɔɔn nibin, mɔ ní wi ní ì, céri ní pǐli kàbaan na ì? Nyàʔá kurugo si nibinmi bee nyɛ? Ki o nyɛ bi pìibēle taa, bele Kolocɔlɔɔ a kaan lè ì? Koro na, yaa yele fúnyi kɔ̀rɔsíi, yele wàa faala a kɔ́ wi cárima céw jànváa í.

1 Korɛnti ye 7:14

Tɛ́ɛgi bee ni sìndaganǎnw n sínni taa wi céw báriga ni, a sìndagacew wɔ́ɔ̀ li taa wi nǎnw báriga ni, kapye gee bee ban í, yele pìíbèle mǎà dée pye syɛɛnnaa-sìnzinbéle, kàjáa tɔ́ɔliw ni pe n sín.

2 Korɛnti ye 6:14

Ki ga yɛlɛ yele ní sìndagabèle í pwɔɔ yeyɛɛ na keelaa na í, ki pye mɔ a jo yele i nyɛ sèjira ní be ní í. Níì cán katimanalìí li nyɛ sínni ní kolomi nínge ni? Mɛ̀ɛ́ gbɛ̀ɛ́nmi ní yébilimi a gbǎn pínɛ bi sɛ́ɛ?

Làlwaw Kaanziin 14:2

Níì cán mɔ i nyɛ syɛɛnfelegaa, gee gi yaʔa kɔlɔ̀ na Yawe mɔ Kolocɔlɔw ma lè, á Yawe mɔ nyɛ́nɛ n wòlo mɔ í pye syɛɛnfelegaa, gee ki a pye lè woro tiimaa wóʔo syɛɛnfeleyi myɛ nínge ni yi nyɛ lè tásaligi na.

Làlwaw Kaanziin 7:6

Níì cán mɔ i nyɛ syɛɛnfelejànga Yawe mɔ Kolocɔlɔw ma. Yawe mɔ Kolocɔlɔw n mɔ nyɛ́nɛ n wòlo mɔ í pye woro tiimaa syɛɛnfelege syɛɛnfeleyi myɛ nínge ni, yi nyɛ lè tásaligi yɛ́ʔɛ kurugo.

Zyozuwe 22:15

A be kári Wurubɛn ye, ní Gadi ye, ní Manase syɛɛnfelegi tíla ma Galaadi tári ni n sáà joo ní be ní níì jo:

Zyozuwe 23:12

Yele ga kolo n lúru níì tan syɛɛnfeleyi bee na yi kòro yele níngi ni lè, yele ga bɛ̀ɛ ní yi ní cèpɔriyi na, yele ga yeyɛɛ nyáʔami yi ni,