Ɛsidirasi 9:12 - Cebaara Bible 2010

¹² Koro na yele a kɔ́ ra yele calipiigèle kaangi pe jáabèle ma í, yele a wɔ́ɔ kɔ́ ra be calipiigèle kaangi yele jáabèle ma í. Yele a tée kɔ́ be keele yaʔa li wári yele na yele í da be yɛɛ̀nyinge, wàlá be nyɔɔmɔ caa í. Kánmi bee na yele a fànʔa taa, yele a ra tári yacanra líi, si di yaʔa di kòro làla o làla kɔrigɔ yele pìíbèle ma.›

Ɛsidirasi 9:12 Iomraidhean Croise

1 Cányi kèlē 28:8

Tɔ́ɔliw ni ye Yawe yele Kolocɔlɔw kajoodɛɛngēle myɛ sámaga ye cò Isirayɛli ye myɛ yɛ́ʔɛ ma pe wolo nyaagi lè, ní Yawe syɛɛnkpoʔolomi yɛ́ʔɛ ma, ní wolo Kolocɔlɔw yɛ́ʔɛ ma, woro wee wi wolo syɛ́ɛnri lúro lè, koro ga pye yele í tácǎnri naa taa di kòro yele wóro, yele si di yaʔa di kòro kɔrigɔ yele pìíbèle ma naa làla o làla yele kàdoʔo ma.

2 Cányi kèlē 19:2

Hananii jáaw Zyehu, wi lè kanyaaw, a woro yiri n sáà fànʔafɔw Zyozafati fàra níì wi pye: «A mɔ da yɛlɛ lé bi syɛɛnpeew dɛ̀ɛmɛ si tàmaga le ní bele ní Yawe kéeli bɛɛn lè? Koro na Yawe fúngi n tɔ̀nɔ n tanʔa mɔ kurugo.

Ɛsidirasi 9:2

Níì cán pe n bele bee pìíbèle pèle láa be càbala, ní wɔ́ɔ̀ pèle láa n kaan pe jáabèle ma, a syɛɛnfelecǎngi nyáʔami tátɛɛyi bee syɛ̀ɛnnɛ ni, àlí kùndigibèle, ní kútiijoobèle be pye wozelibèle kapeegi bee pyele na.»

Yirile 23:32

Mɔ a kɔ́ joogaanna kpéʔele ní be ní í, wàlá ní be kolocɔlɔbèle ní í.

Kàseegèle 13:22

Syɛɛncaɔn i kɔrigɔ yaari wi pìinyanbiiyi ma, syɛɛnpeew lɔ́rɔ si i kɔngi ni yaari syɛɛnsinw ma.

Kàseegèle 20:7

Syɛɛnsinw i táanri wi nyɔɔ-mí-foroli ni. Wi pìíbèle a ba pye naa dùba pìibēle wi kàdoʔo ma.

Ezayi 1:19

Yele ga gi kɔ̀rirɔ n tímana ni lúro, yele a ra tári yacanra líi.

Làlwaw Kaanziin 23:6

Kàjáa Yawe mɔ Kolocɔlɔw ga fɔ̀lɔ n lóʔo Balaami ma í, a Yawe mɔ Kolocɔlɔw dángaw kàriga n pye dùba mɔ ma. Níì cán mɔ kéeli n Yawe mɔ Kolocɔlɔw dɛ́nɛ.

Làlwaw Kaanziin 23:7

Mɔ wéemi làla myɛ ni mɔ a kɔ́ ra sɔ̀ngí be yɛɛ̀nyinge wàlá be nyɔɔmɔ kéele na í.

Làlwaw Kaanziin 7:3

Mɔ a kɔ́ bɛ̀ɛ cèpɔrigɔ na ní syɛɛnfeleyi bee ní í. Mɔ a kɔ́ mɔ calipile kaan pe nànbilaa ma í, mɔ a wɔ́ɔ kɔ́ be calipilaa caa kaan mɔ nanbilaa ma í.