Ɛsidirasi 9:1 - Cebaara Bible 2010

¹ Gee bee cɔɔnrigwɔɔlɔ kadoʔo ma, a kùndigibèle pan mii ma n baa jo: «Isirayɛli syɛ́ɛnbèle, ní sáriga-wòlobèle, ní Levii ye ga wàli n láʔa tátɛɛyi syɛ̀ɛnnɛ, ní be yanɔnʔɔri na í, ti lè Kanaan ye, ní Hɛti ye, ní Perezi ye, ní Yebusi ye, ní Amɔn ye, ní Mowabi ye, ní Ezyipiti ye, ní Amɔri ye wóri.

Ɛsidirasi 9:1 Iomraidhean Croise

Sélimɛ 15:16

Mɔ yodaʔayi a kòro yaà bi taa ba nan pe yìrigēle sicɛrɛ wóli na si náa lúru pan nɛɛ naa. Níì cán Amɔri syɛ́ɛnbèle sìnzinmɛ ga kɔ́ɔ̀ foro n nan mii í be nɛnɛ í.»

1 Fànʔafɔbèle 11:1

Tátɛɛyaa nikwɔɔ càbala saʔa kéele maa fànʔafɔw Salomɔn dɛ́nɛ, a wi níì poro láa n fàra Faraɔnw jáa na, poro be nyɛ Mowabi ye ní Amɔn ye, ní Edɔmi ye, ní Siidɔn ye wóbèle n fàra Hɛti ye wóbèle na.

2 Cányi kèlē 33:2

A wi i gi kpéʔele gee gi pee Yawe nyɛ́nɛ na lè. Syɛɛnfeleyee Yawe da nɛnɛ n yirige yaà Isirayɛli ye yɛ́ʔɛ ma lè, yoro nɔ́nʔɔri kapyere félege wi da ni kpéʔele.

2 Cányi kèlē 8:7

Syɛ́ɛnbèle myɛ pe da kòro lè Hɛti ye, ní Amɔri ye, ní Perezi ye, ní Hɛvi ye, ní Yebusi ye ni, gee bee n jo bele myɛ be lè pe o nyɛ Isirayɛli ye í,

Ɛsidirasi 10:2

Lǎli bee ni Syekanya wi lè Yehiyɛli jáaw, Elami yòdaʔayi ni, a woro gi joo Ɛsidirasi ma níì wi pye: «Wolo n kapeʔe pye wolo Kolocɔlɔw na, àmɛɛ wolo syɛɛnfeleyaa càbala pɔri lè. Kàjáa tɔ́ɔliw ni, sɔ̀ngumɔ tɛɛtaʔala n sèʔê kòro Isirayɛli ye ma kéeli naa na.

Ɛsidirasi 10:8

Nɛɛ ní canya taanri fúngo ni, wee wi ga pye lè wi ga pan n yɛlɛ ní kùndigibèle, ní wolɛɛbèle syɛ́ɛnrɛ ní í, pe a wee bee kɔ́lɔ yárira myɛ syɔɔ wi na, si wi tiimaw nɛnɛ yirige wojo-mí-káribèle syɛɛnkpoʔolomɔ ni.

Nehemii 13:23

Lǎli bee wonijanna ni, a mii Zyefubèle pèle nyaa, bele pe da Asidɔdi ye, ní Amɔn ye, ní Mowabi ye càbala pɔri lè.

Nehemii 4:3

A wolo si wolo Kolocɔlɔw nyɛ́ɛri, níì kɔ̀rɔsiifɔɔlɔ télege be kánmi na, canʔa ní yébilige, paa be kpáaw wéle wolo na.

Nehemii 4:7

Koro na mii syɛ́ɛnbèle télege tɛɛmariyi ni, tǒw kàdoʔo ma, ní tɛɛwaayi na. Mii maa be télege nariduluyo nariduluyo, pe ŋɔséebèle, ní be tàbaabèle, ní be sedeyi si i nyɛ be ma.

Nehemii 9:2

Bele pe da pye lè Isirayɛli yòdaʔayi wòolo, a poro wàli n láʔa nibɔnbèle myɛ na, níì peyɛɛ gbóʔoro n baa yére be kapeegèle, ní be toolɛɛbèle kolomɔ ni.

Ŋúnuyi 106:35

Fwɔɔ a be peyɛɛ nyáʔami syɛɛnfeleyi ni, ní i yi kapyeri kpéʔele.

Yirile 13:5

Táree nyɔ́ɔ Yawe da fàli yele tóolɛɛbèle ma ní kàliga ní lè níì jo woro a di kaan yele ma, ti lè Kanaan ye, ní Hɛti ye, ní Amɔri ye, ní Hɛvi ye, ní Yebusi ye tári, dee di nyìn nɔ́nɔw ní sárigi na ni fóo lè, lǎli ni Yawe ga sáà yele lége di ni lè, yaa fɛ́tiiw naa kpéʔele yégi naa wonijanga ni.

Yirile 23:23

Mii nyɛ̀ʔɛni tunduɔn a kári ní mɔ ní sa lége Amɔri ye tári, ní Hɛti ye wóri, ní Perezi ye wóri ni, n fàra Kanaan yé, ní Hɛvi ye ní Yebusi ye wóri na. Mii a bele bee myɛ kálagi péw.

Yirile 33:16

Nyàʔá ki a gi tɛ̀ɛn mii ní mɔ syɛɛnfelegi n kacànna taa mɔ ma? Mɔ ga pínɛ ni syée ní wolo ní, wo nyɛ lè mii ní mɔ syɛɛnfelegi, koro ban ki a gee bee tɛ̀ɛn ì, syɛɛnfeleyi myɛ yi nyɛ lè tári yɛ́ʔɛ kurugo yoro si wolo cán bi wàli ì?»

Ezayi 52:11

Ye kári, ye kári, ye yiri yaà beè! Yele a kɔ́ tánga yanɔnʔɔgɔ faala na í! Ye yiri gi níngi ni! Ye yeyɛɛ jée ye mùnu, yele bele ye Yawe yacanri tugu lè.

Zyeremii 26:10

Lǎli ni Zyuda syɛɛnkpolobèle kérigèle bee lóʔo lè, a be yìri fànʔafɔw kpaʔa ma n lúgu n kári Yawe kpáagi ma, ní sáà tɛ́ɛn Yawe kpáagi kpàánweefɔnnɔ na.

Zyeremii 26:16

Lǎli bee ni a syɛɛnkpolobèle, ní syɛ́ɛnbèle myɛ binɛw gi joo sáriga-wòlobèle ní kanyaajoobèle ma níì jo: «Nǎnw naa ga tɔ̀nɔ n yɛlɛ ní kpóolo ní í! Níì cán wi n joo wolo ma Yawe wolo Kolocɔlɔw mɛ́ʔɛ na.»

Levii ye sáriga-wòlori 18:3

Ezyipiti tári ni yele da pye lè wodɛ́ɛnbéle ní, kérigèle ge kpéʔele lè tári bee ni, yele a kɔ́ ra kérigèle bee félege kpéʔele í. Kanaan tári má mii syée ní yele ní lè, yele a kɔ́ sa ra tári bee syɛ̀ɛnnɛ kapyegèlē félege kpéʔele í. Yele a kɔ́ ra be kalɛɛgèle kpéʔele í.

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.

Córolo 23:9

N mii yaʔa fálayi ǹjoʔo ni, mii i wi nyaagi. N mii yaʔa dǎndamayi ǹjoʔo ni, mii i wi sámagi ni wéle. Syɛɛnfelegaa gii, gee gi kòró lè ki nibin. Ki o córo syɛɛnfeleyi ni í.

Córolo 25:6

Wéle, a Isirayɛli ye nànwaa kàri n pan ní Madyan ye céwaa ní wi senyɛnbèle tɛ́ʔɛ ma, Mowizi, ní Isirayɛli syɛ́ɛnmi myɛ nyɛ́nɛ na, lǎli ni be pye ni nyaan lè Syɛ́ɛnmi Tɛɛfaraga fànikpaʔa kpaaweele na.

Làlwaw Kaanziin 18:9

«Táree Yawe mɔ Kolocɔlɔw a kaan mɔ ma lè, lǎli ni mɔ ga sáà jée di ni lè, mɔ a kɔ́ syɛɛnfeleyi bee yanɔnʔɔrɔ félege tama bàā kpéʔele í.

Làlwaw Kaanziin 23:8

Mɔ a kɔ́ ra Edɔmi ye wóo córo yanɔnʔɔgɔ í, níì cán mɔ senyɛnnɛ̀ wii. Mɔ a kɔ́ ra Ezyipiti ye wóo córo yanɔnʔɔgɔ í, níì cán mɔ maa pye wodɛ́ɛɔn ní be tári ni.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Zyozuwe 23:12

Yele ga kolo n lúru níì tan syɛɛnfeleyi bee na yi kòro yele níngi ni lè, yele ga bɛ̀ɛ ní yi ní cèpɔriyi na, yele ga yeyɛɛ nyáʔami yi ni,