Ɛsidirasi 8:23 - Cebaara Bible 2010

²³ Koro na si wolo súnw le níì nyɛ́ɛri wolo Kolocɔlɔw ma, a wi lóʔo wolo ma.

Ɛsidirasi 8:23 Iomraidhean Croise

Sélimɛ 25:21

A Izaaki Yawe nyɛ́ɛri gbanʔama wi céw kéele na, níì cán wi maa pye cenaa-sìnzeeo. A Yawe wi nyɛ́ɛrigbɔɔgi lóʔo, a wi céw Erebeka yére ŋǎnbéle fícɛnnɛ na.

2 Fànʔafɔbèle 13:4

A Yowakazi Yawe nyɛ́ɛri gbanʔama, a Yawe lóʔo wi ma, níì cán wi maa fǎngi gbànna nyaa nlaa Sirii fànʔafɔw da ni fǎngi gbàngí Isirayɛli ye na lè.

1 Cányi kèlē 5:20

A Kolocɔlɔɔ be dɛ̀ɛmɛ n Hagari ye ní be pínɛnyɛnbèle myɛ le be kɔ́yi ni. Níì cán lǎli ni be pye kapɛɛnni na lè, pe maa yákpogèle wáa Kolocɔlɔɔ kurugo, a wi be nyɛ́ɛrigi lóʔo, àmɛɛ pe da be sɔ̀ngumi taʔa wi na lè.

Ɛsidirasi 8:31

A ki ga pye yezeligi canya kɛɛ ní siin wóʔo na, a wolo yìri Ahava cábigi nyɔ́ɔ na bi kári Zyerusalɛmi ma. Wolo Kolocɔlɔw kɔ́lɔ maa pye wolo na, a wi i wolo syoo nigoow kpúmɔnrɔ, ní làra-mí-sigegèle myɛ ma kólogi na.

Nehemii 9:1

Yégi bee wonijanga ni, ki canya toko ní sicɛrɛ wógi na, a Isirayɛli ye gɔ̀nvaʔaya le buroyo, níì támiigi wo peyɛɛ na, níì kpóʔoro sún lele kéele na.

Ɛsitɛri 4:16

«Da syée mi sa Suzi Zyefubèle myɛ kpóʔoro ye súnw le mii kéeli na. Yele a kɔ́ lìi í, yele a kɔ́ gbaa í canya taanri fúngo ni n cányi pínɛ yébiliyi ni. Mii ní mii falipye-pìcaabèle a wɔ́ɔ súnw le kánmi bee na. Koro kàdoʔo ma mii a jée yaà fànʔafɔw ma, àlí àmɛɛ làlwaw bee wíre i yaà lè, ki ga yére mii í kùu yoo, mii a kùu.»

Kàseegèle 3:5

Miyɛɛ daʔa Yawe na ní mɔ fúngi myɛ ní. Mɔ a kɔ́ miyɛɛ zígi mɔ tiimaa kacánni na í.

Ezayi 19:22

Lǎli bee ni Yawe a Ezyipiti ye kpúmɔn, kàjáa wi ga be kpúmɔn, wi a be pɔʔɔ, pe a kàri Yawe ma, woro wee wi a lóʔo be ma lè, si be pɔʔɔ.

Zyeremii 33:3

‹Mii mɛ́ɛgi yeri, mii a syɔɔ mɔ ma, mii a yakpoloyo kéele joo mɔ ma, yee yi làra lè, yee yi lè mɔ da yi cán í.›

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Kapyegèle 10:30

A Kɔrɔnɛ jo: «Ki canya sicɛrɛ wi nyɛ níjanʔa, cángi bee níbeena nyɔʔɔmɔ na mii da ni Kolocɔlɔɔ nyɛ́ɛri mii kpáagi ni cangàrigi na, ní kɔ́ɔ̀ nànwaa foo n nyaa woyéreo ní niyɛɛ daana ní buroviige ní, a ki i fíligi kere kere.

Làlwaw Kaanziin 4:29

Bi wɔ́ɔ mɔ yaʔa yaà beè, mɔ a ra Yawe mɔ Kolocɔlɔw caa. Mɔ ga ni wi caa ní mɔ zɔnw myɛ, ní mɔ fúngi myɛ ní, mɔ a wi nyaa.