Ɛsidirasi 7:6 - Cebaara Bible 2010

⁶ Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Ɛsidirasi 7:6 Iomraidhean Croise

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Ɛsidirasi 5:5

Kolocɔlɔɔ nyɛ́nɛ si maa pye Zyefubèle wólɛɛbéle na. Pe ga be yérige fáliw pyele na í fwɔɔ bi taa poro í kéeli bee tun tórigo Dariyusi ma, sɛ́bɛ si wɔ́ɔ taa kéeli bee na.

Ɛsidirasi 6:22

A be Levé fun búruw séri kpéʔele canya kɔrɔsiin fúngo ni ní fundaanra ní. Níì cán Yawe maa fundaanra kaan be ma àmɛɛ wi Asirii fànʔafɔw fúngo kàriga pe kàbangi na lè, bi fànʔa le be kɔ́yi ni Kolocɔlɔɔ kpáagi faanna fáli pyele ni wi lè Isirayɛli Kolocɔlɔw.

Ɛsidirasi 7:21

Mii Aritakisɛrikisɛsi, wi lè fànʔafɔw, mii wi gee naa nyuu ni gbàngí cábigi jelige wálitɛʔɛbéle myɛ ma níì jo sáriga-wòlow Ɛsidirasi wi lè nyɛ̀ʔɛni Kolocɔlɔɔ làlwa sɛ́bɛkaɔn, gee myɛ wi ga ni caa be ma lè, paa gi kaangi wi ma làla o làla,

Ɛsidirasi 7:28

níì wi funjǎngi tɛ̀ɛn mii na fànʔafɔw, ní wi yarifɔbèle, ní wi séew syɛɛnkpolobéle myɛ nyɛ́nɛ na. Mii n fànʔa taa Yawe mii Kolocɔlɔw kɔ́lɔ báriga ni ki da pye mii na lè, n Isirayɛli kùndigibèle kpóʔoro jàngó be kári ní mii ní.

Ɛsidirasi 7:5

Bukii wi lè Abisyuwa jáaw, Abisyuwa wi lè Fineyasi jáaw, Fineyasi wi lè Eleyazari jáaw, Eleyazari wi lè sáriga-wòlobèle kàfɔlɔ Aarɔn jáaw.

Ɛsidirasi 7:9

wi maa tánʔani séli n yiri Babilɔni ni yezeligi cânzelige na, a ki ga pye yeye kagunɔ wógi cânzelige na, a wi nan Zyerusalɛmi na àmɛɛ wi Kolocɔlɔw kɔjànga da pye wi na lè.

Ɛsidirasi 8:1

Narigbaayi kùndigibéle be yiri ní mii ní Babilɔni ni lè fànʔafɔw Aritakisɛrikisɛsi fǎngi làla ni, poro mɛ́ɛyi yi nyɛ yee naa n yɛlɛ ní be tofɔlɛɛyi ní:

Ɛsidirasi 8:18

Amɛɛ si wolo Kolocɔlɔw kɔjànga da pye wolo na lè, a be pan ní Syerebya ní wolo ma wi pye lè nànwaa, wee wi pye lè yákiricàɔnfɔlɔ Malii yòdaʔayi ni, Malii wi lè Levii jáa, Levii wi lè Isirayɛli jáa. A Syerebya ní wi jáabèle, ní wi senyɛnbèle pínɛ n pan, a be pye syɛ̀ɛnnɛ kɛɛ ní kɔrɔtaanri.

Ɛsidirasi 8:22

Ki mǎà dée pye mii ma fɛ̀ɛrɛ kéele bi kapɛɛnkpumɔnbéle kabiga ní syɔɔnyɔ fɔ̀ɔlɔ nyɛ́ɛri fànʔafɔw ma, paa wolo nigoow kpáa wéle wolo na kólogi na. Níì cán wolo maa fànʔafɔw pye: «Wolo Kolocɔlɔw kɔ́lɔ i nyɛ bele myɛ nyɔɔmɔ kéele na pe wi caa lè. Kàjáa wi fǎngi ní wi fundanʔari i nyɛ bele myɛ kánma na pe wi cée lè.»

Ɛsidirasi 8:31

A ki ga pye yezeligi canya kɛɛ ní siin wóʔo na, a wolo yìri Ahava cábigi nyɔ́ɔ na bi kári Zyerusalɛmi ma. Wolo Kolocɔlɔw kɔ́lɔ maa pye wolo na, a wi i wolo syoo nigoow kpúmɔnrɔ, ní làra-mí-sigegèle myɛ ma kólogi na.

Nehemii 12:26

Pe n pye beè Yoyakimi lǎli ni, wi pye lè Zyozuwe jáaw, Zyozuwe wi lè Yosadaki jáaw, n wɔ́ɔ̀ pye beè Nehemii lǎli ni, wi lè guvɛrinɛɛriw, ní sáriga-wòlow Ɛsidirasi lǎli ni, wi lè sɛ́bɛkanw.

Nehemii 12:36

Zakarii senyɛnbèle be lè Syemayeya, ní Azareyɛli, ní Milalayi, ní Gilalayi, ní Maayi, ní Netaneyɛli, ní Zyuda, ní Hananii, poro maa wɔ́ɔ̀ kári ní Kolocɔlɔɔ syɔ́ɔnw Davidi yatingbumɔɔnri ní. Sɛ́bɛkanw Ɛsidirasi wi da pye be yɛ́ɛgi na.

Nehemii 2:12

Koro kàdoʔo ma a mii yìri yébiligi ni n nǎnbèle pèle pínɛ ní niyɛɛ ní. Gee si mii Kolocɔlɔw lége mii fúngi ni bi kpéʔele Zyerusalɛmi kéeli na lè, mii ga gi joo n tɛ̀ɛn syɔɔn faala na í. Yaweeyee na be lúru lè ki kàa da níì pye ní mii ní í, kapye mii nibin wógi ban í.

Nehemii 2:18

Kánmee na mii Kolocɔlɔw kɔjànga da pye mii na lè, ní syɛ́ɛnree fànʔafɔw joo mii ma lè, a mii gee bee joo n tɛ̀ɛn be na. A be jo: «Ye yìri waa faanri!» A be fànʔa le peyɛɛ ni falicanw bee pyele na.

Nehemii 2:8

Sɛ́bɛwaa si kaan Azafi wóo, wi lè fànʔafɔw kɔ́ligɔ kɔrɔsiifɔlɔ, koro ga pye wi tiire kaan mii ma kpɔ̀ʔɔrɔli kpaʔa taana kpaataʔa-tɔ́nɔgɔ kɔriyɔ kéele na, ní kěgi tò, ní kpáagi kéele na beè mii a sa pye lè.» A fànʔafɔw fɔ̀lɔ gi na mii ma, níì cán mii Kolocɔlɔw kɔjànga maa pye mii na.

Nehemii 4:15

A wolo i fáliw kpéʔele kánmi bee na ni sélegi nyǐnjerigi na fwɔɔ n ba ni nangi ŋɔripiigèle làriyirile na, wolo tílagee n si pye ní tàbaabèle ní kɔ́yi ni.

Nehemii 8:1

A yeye kɔrɔsiin wógi baa nan, koro n gí taa Isirayɛli ye maa pye be kěyi ni. Lǎli bee ni a syɛ́ɛnbèle myɛ baa peyɛɛ gbóʔoro àmɛɛ nàɔn nibin nyɛ lè, kadàlagi na gi nyɛ lè Lǒgi kpàánweele yɛ́ʔɛ ma. A be sɛ́bɛkanw Ɛsidirasi pye waa maa ní Mowizi làlwaw sɛ́bɛ ni, wee Yawe sɛ́bɛ n kaan Isirayɛli ye ma lè.

Nehemii 8:13

Canziin wógi na, a syɛ́ɛnbèle myɛ narigbaaya kundigibéle, ní sáriga-wòlobèle, ní Levii ye kári sɛ́bɛkanw Ɛsidirasi ma bi ní sa làlwaw syɛ́ɛnrɛ sámaga tama.

Nehemii 8:4

A sɛ́bɛkanw Ɛsidirasi yére bwɔ̀ɔ ǹjoʔo ni, wee pe da sámaga lè kéeli bee na. Bele be pye wi taana lè woyérebéle ní, wi kàliige ma, poro be nyɛ Matitya, ní Syema, ní Anaya, ní Urii, ní Hilikiya, ní Maaseya, wi kàmɔnɔ ma wóbèle si i nyɛ Pedaya, ní Misyayɛli, ní Malikiya, ní Hasyumi, ní Hasyibadana, ní Zakarii, ní Mesyulami.

Nehemii 8:9

Nehemii wi lè guvɛrinɛɛriw, ní Ɛsidirasi wi lè sáriga-wòlow ní sɛ́bɛkanw, ní Levii ye pe da ni syɛ́ɛnbèle tama lè, a poro gi joo syɛ́ɛnbèle myɛ ma níì jo: «Cángi naa i nyɛ cangaa, gee gi yaʔa lè Yawe yele Kolocɔlɔw ma. Yele a kɔ́ gi yaʔa gi pye yele ma kùu kayaʔa ní nyatinmɛ í.» Níì cán lǎli ni syɛ́ɛnbèle myɛ làlwaw syɛ́ɛnrɛ lóʔo lè, pe maa ni nyaan.

Nehemii 9:13

Mɔ n tìgi n baa tɛ́ɛn Sinayii nyanbelegi na. Mɔ n kòro yaà nyɛ̀ʔɛgèle ǹjoʔo ni níì joo ní be ní, n làlwaw kajoozingéle kaan be ma, ní kányɛɛgi làlwa kèlē, ní kajoodɛɛngèle, ní tundunri di nyɔɔ n foro lè.

Ŋúnuyi 109:27

Koro ga pye pe gi cán mɔ kɔ́lɔ kapyele lii, pe gi cán bi cán mɔ Yawe wi gee bee kpéʔele.

Ŋúnuyi 147:19

Wi i wi syɛ́ɛnri tèé Zyakɔbi na, ni wi làlwaw kèlē, ní wi kajoogèle tèé Isirayɛli na.

Ŋúnuyi 45:1

Ŋúnuŋùúbèle kùndigi wóʔo, nyàáfyɛɛnri na. Kore jáabèle wóʔo. Tamana ŋúnugo. Tàmagi kéele ŋúnugo.

Ŋúnuyi 80:18

Ki n yɛlɛ mɔ kɔ́gi í pye nǎnw na wi nyɛ lè mɔ kaliige ma, syɔɔn pya na, woro wee má mɔ fànʔa kaan lè!

Kàseegèle 3:6

Da wi córo mɔ kóloyi myɛ ni, woro wi a mɔ kozɔ̀lɔyi sámaga yi pye falafala.

Ezayi 50:2

Mii pan lè, nyàʔá na mii ga baa syɔɔn faala nyaa í? Mii yeri lè, nyàʔá na syɔɔn faala ga syɔɔ í? A mii kɔ́gi kpere lé wii n sɔ̀lɔ syɔɔn syɔɔlɔ na? Fànʔa o nyɛ mii ma bi gbǎn syɔɔn syɔɔ wii ì? Mii i mii fúloli téeri ni sólomi lɔ̀ʔɔ waari, mii i cábiyi kàragí fìimɛ tára. Yi fábèle i fɔ́ɔnri lǒgi fɔ̀ngɔ kéele na, pe i kúu lògbaalaagi kéele na.

Ezayi 59:1

Eʔe, Yawe kɔ́gi ga kpere n sɔ̀lɔ syɔɔn syɔɔlɔ na í, wi líiweeli ga wɔ́ɔ̀ pɛɛn n sɔ̀lɔ lóʔolo na í.

Zyeremii 8:8

«Kanmìí na yele a gbǎn gi joo si jo: ‹Wolo n cìlige, Yawe làlwaw i nyɛ wòlo ma?› Kányɛʔɛ na, jànvaaw na sɛ́bɛkanbèle jànvaa-sɛ́bɛkaanna nyɛ fáliw na.

Matye 13:52

A wi be pye: «Koro na Mowizi làlwaw tamafɔlɔ o tamafɔlɔ wi nyɛ lè nyɛ̀ʔɛni fànʔa pìitamawaa, wi i nyɛ àmɛɛ nànwaa nyɛ lè, wee wi nyɛ lè kpaʔafɔlɔ ní i yalɛɛri ní yafɔnri yirigi wi lɔgbanri yárira ni ni tèé.»

Matye 23:2

«làlwaw sɛ́bɛwelebéle ní Farisibèle i nyɛ Mowizi sìndɛɛgi ni.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

1 Korɛnti ye 1:20

Sán síciliw nyɛ? Ba sán Mowizi làlwaw sɛ́bɛweleo nyɛ? Wàlá lǎli naa kàkabalagafɔlɔ? Kolocɔlɔɔ ga gi tɛ̀ɛn níì jo dulunyanw naa sícilimɛ i nyɛ labalama ì?

1 Korɛnti ye 15:1

Ni senyɛ̀nnɛ, mii a yele sɔ̀ngumi tìrige Syɛɛnjóocǎnri na, dee mii da sélì joo yele ma lè, á yele yére di ni níì di cò lè,

Làlwaw Kaanziin 28:1

«Mɔ ga ni Yawe mɔ Kolocɔlɔw jóomɔ sámagi ni lúro, níì wi kajoodɛɛngèle myɛ cò ní i ge kpéʔele, koro gele mii tèé mɔ na lè níjanʔa, Yawe mɔ Kolocɔlɔw a mɔ kpɔ́ʔɔ bi sɔ̀lɔ tári syɛɛnfeleye myɛ na.

Làlwaw Kaanziin 4:5

Ye wéle, mii n yele tama làlwaw kèlē, ní kajoodɛɛngèle na, àmɛɛ Yawe mii Kolocɔlɔw gi joo n gbàn mii ma lè, koro ga pye táree ni yele a jée lè bi di pye yele wóro, yele í da kérigèle bee kpéʔele di ni.