Ɛsidirasi 7:16 - Cebaara Bible 2010

¹⁶ ní wálifiiw ní tɛ́ɛwee myɛ mɔ a taa lè Babilɔni tári myɛ ni, n fàra kínidɛnɛgi yakaanra na, dee syɛ́ɛnbèle, ní sáriga-wòlobèle a kaan lè be Kolocɔlɔw kpaʔa kéele na ki lè Zyerusalɛmi ni.

Ɛsidirasi 7:16 Iomraidhean Croise

1 Cányi kèlē 29:17

Ee mii Kolocɔlɔw, mii n gi cán ncan mɔ i syɔɔn fúngi sɛʔɛ ni wéle, a sínni kéele wɔ́ɔ̀ mɔ dɛ́nɛ, a mii si wɔ́ɔ̀ kínidɛnɛgɛ yakaanyi naa myɛ kaan mɔ ma ní fûnzinge ní, a mii wɔ́ɔ̀ gi nyaa lǎli naa ni mɔ syɛ́ɛnbèle be nyɛ lè nɛɛ woyérebéle ní, poro n kínidɛnɛgɛ yakaanya kaan mɔ ma, a koro pye mii ma fundaanra.

1 Cányi kèlē 29:6

A narigbaayi kùndigibéle, ní Isirayɛli syɛɛnfeleyi kùndigibéle, ní saala kagunɔ kagunɔw kùndigibéle, ní dabata-daw kùndigibéle, ní fànʔafɔw tiimaa fáli kùndigibéle kínidɛnɛgɛ yakaanya kaan.

1 Cányi kèlē 29:9

A syɛ́ɛnbèle fundaanra pye pe kínidɛnɛgi yakaanya kéele na. Níì cán pe maa kaan Yawe ma ní fúngo nibin ní. A fànʔafɔw Davidi wɔ́ɔ̀ fundaanra kpéʔele gbanʔama.

2 Cányi kèlē 31:14

Kore wi lè Levii wówaa, wi pye lè Yimina jáaw, ní i nyɛ Canʔafolomɔ kpàánweeli kɔ̀rɔsiifɔlɔ, woro wi pye kínidɛnɛgi yakaanra nyúngo na, dee be kaangi Kolocɔlɔɔ ma lè, koro ga pye yáriree be yirigi ni kaangi Yawe ma lè, ní yacandeleri, waa di lee.

2 Cányi kèlē 6:2

Mii si na, mii n tɛɛkòrogo faan mɔ ma, gee ni mɔ a tɛ́ɛn bi kòro lè kwɔ́ɔmɔ fun.»

2 Cányi kèlē 6:5

‹Nlaa cángee na mii mii syɛ́ɛnbèle yirige Ezyipiti tári ni lè, mii ga kègaa nyɛ́nɛ n wòlo Isirayɛli syɛɛnfeleyi myɛ ni jàngó kpaʔa í faan gi ni, gee na mii mɛ́ɛgi a pye lè í, mii ga wɔ́ɔ̀ nànwaa nyɛ́nɛ n wòlo n pye mii syɛ́ɛnbèle Isirayɛli ye nyúngi na í.

2 Cányi kèlē 6:6

Kàjáa mii n Zyerusalɛmi nyɛ́nɛ n wòlo jàngó mii mɛ́ɛgi í pye yaà, níì Davidi nyɛ́nɛ n wòlo jàngó wi pye mii syɛ́ɛnbèle Isirayɛli ye nyúngi na.›

Ɛsidirasi 1:4

Bele myɛ be kòro lè syɛɛnfelegi ni, tɛʔɛ o tɛʔɛ ni pe ga pye lè wodɛ́ɛnbéle ní, tɛ́ɛgi bee syɛ̀ɛnnɛ n yɛlɛ bi wálifiio, ní tɛɛ̀, ní kɔlɔ̀ yataara kaan be ma, n fàra yaweere, ní kínidɛnɛgɛ yakaanra na, Kolocɔlɔɔ kpáagi kéele na wi nyɛ lè Zyerusalɛmi ni.› »

Ɛsidirasi 1:6

Bele myɛ pe da be màʔa lè a poro be dɛ̀ɛmɛ ní wálifiio, ní tɛɛ̀ yárira ní n fàra kɔlɔ̀ yataara, ní yaweere, ní lɔnɛʔɛrɛ na, n wɔ́ɔ̀ fàra kínidɛnɛgi yakaanra féleye myɛ na.

Ŋúnuyi 135:21

Bariga n yɛlɛ bàā kaangi Yawe ma Siyɔn ni, woro wee wi nyɛ lè wodɛ́ɛɔn ní Zyerusalɛmi ni! Aleluya!

2 Korɛnti ye 8:12

Kapye ki i nyɛ syɔɔnwaa fúngo ni bàā kaangi, Kolocɔlɔɔ a fɔ̀lɔ syɔ́ɔnw bee yakanʔa na bi yɛlɛ ní wi taaganmi ní, dee di lè ti o nyɛ wi ma í, toro kéele o gi ni í.

2 Korɛnti ye 9:7

Gee syɔɔn o syɔɔn tímana lè wi fúngi ni, ki n yɛlɛ waa kaangi bi yɛlɛ ní gee bee ní, ki ga yɛlɛ waa kaangi ní funbɛɛnrɛ ní í, koro ga jáa mɔ a jo ŋàʔanaga kéele lii í. Níì cán wee wi kaangi lè ní fundaanra ní, wee bee kéele n Kolocɔlɔɔ dɛ́nɛ.