Ɛsidirasi 7:10 - Cebaara Bible 2010

¹⁰ Níì cán Ɛsidirasi maa wi fúngi yaʔa Yawe làlwaw tamana, ní wi kpéʔeleli na, ní i syɛ́ɛnbèle tama Isirayɛli làlwaw kajoogéle, ní sínni kèlē na.

Ɛsidirasi 7:10 Iomraidhean Croise

1 Cányi kèlē 29:18

Ee Yawe, mɔ wi lè wolo tóolɛɛbèle Abirahami, ní Izaaki, ní Isirayɛli Kolocɔlɔw, sɔ̀nguri bee félege yaʔa di kòro mɔ syɛ́ɛnbèle fúnyo ni làla o làla, bi be fúnyi yaʔa yi sámaga yére mɔ ni.

2 Cányi kèlē 12:14

Wi n kapeʔe pye, àmɛɛ gi nyɛ lè wi da wi fúngi yaʔa Yawe caali na í.

2 Cányi kèlē 19:3

Kàjáa yacanya n nyaa mɔ ni. Níì cán mɔ n Asyera tiikóriyi pɛ́ɛ n yirige tári ni, níì mɔ fúngi yaʔa Kolocɔlɔɔ caali na.»

2 Cányi kèlē 30:22

Levii wóbèle bele myɛ má Yawe kérigèle cánwalila pye lè, a Ezekyasi lòmaana le bele bee ni, a be canya kɔrɔsiin pye sériw lìile na, ní i pínɛnyɛnnɛgi sáriga wóo, ní i Yawe kpɔ̀ʔɔrɔ́ wi lè pe toolɛɛbèle Kolocɔlɔɔ.

Ɛsidirasi 7:11

Sɛ́bɛw fànʔafɔw Aritakisɛrikisɛsi da kaan sáriga-wòlow Ɛsidirasi ma lè, wi lè sɛ́bɛkanw, woro syɛ́ɛnri di nyɛ dee naa, Ɛsidirasi wi da ni syɛ́ɛnri sɛ́bɛ, dee Yawe joo n gbàn lè, n fàra wi làlwaw kèlē na Isirayɛli ye kéeli na:

Ɛsidirasi 7:25

Mɔ si na Ɛsidirasi, ki n yɛlɛ mi kacɔɔnribéle ní kútiijoobéle télege bi yɛlɛ ní Kolocɔlɔɔ sícilimi ní bi nyɛ mɔ ma lè, koro ga pye paa cábigi jelige syɛɛnnɛ myɛ kútii nyuu ní sínnɛ ní, poro bele pe mɔ Kolocɔlɔw làlwa kèlē cán lè, máā wi tèé bele na pe nyɛ lè pe ga wi cán í.

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Zyɔbi 11:13

Mɔ na, mɔ ga mɔ fúngi kàriga Kolocɔlɔɔ ma, níì mɔ kɔ́yi yìrige wi ma,

Ŋúnuyi 1:2

A Yawe làlwaw kéele si wi dɛ́nɛ gbanʔama wi fúngi ni, a wi i làlwaw bee kéele nyuu wi fúngi ni canʔa ní yébilige!

Ŋúnuyi 10:17

Ee Yawe, yárigee láa gi nyɛ màámi fɔ̀ɔlɔ na lè, mɔ i be nyɛ́ɛrigi lúro. Mɔ i lòmaana légi be ni, mɔ i mɔ líiyi cáan ni lúro,

Ŋúnuyi 119:112

Mii n mii sɔ̀ngumi taʔa mɔ lalwaw kèlē na, ni táanri ge na canʔa o canʔa bi taa sa nan gi kwɔ́ɔmi na.

Ŋúnuyi 119:45

Mii a ra nyaari fáa, níì cán mii i mɔ lalwaw kajoogéle tama.

Ŋúnuyi 19:7

Ki i yirigi nyɛ̀ʔɛni láʔalee ma ni syée n sa ni tuun láʔalee ma, yarigaa faala o làrá gi káfugi na í.

Ŋúnuyi 57:7

Pe n cɔ̀ɔ cáan mii kólogi ni. Mii pǐli n fàbiga. Pe n weʔe túgu mii yɛ́ʔɛ ma, a be tiimaw too gi ni. Ŋɔ́ndaala

Malasyii 2:7

Níì cán sáriga-wòlow nyɔ́ɔwara i cánni kɔngi, woro nyɔ́ɔgi na be wɔ́ɔ̄ làlwaw kéele yíbe, níì cán Yawe wi lè Nyɛ̀ʔɛni Sùlasiibéle Kafɔlɔ, woro tunduɔn wii.

Matye 5:19

Koro na syɔ́ɔnwee faala ga kajoodɛɛngèle naa làa wobile faʔa lè, ní i syɛ́ɛnbèle tama li céeganmi na, wee bee a pye pe myɛ wobile nyɛ̀ʔɛni fànʔa ni. Kàjáa syɔ́ɔnwee faala wi ga ni ge kpéʔele lè, ní i syɛ́ɛnbèle tama ge kpéʔeleganmi na, wee bee a pye syɛɛnkpɔɔɔ nyɛ̀ʔɛni fànʔa ni.

Matye 7:24

«Syɔɔn o syɔɔn wi mii syɛ́ɛnri naa lúro lè, ní i gi kpéʔele àmɛɛ mii jo lè, wi a pye àmɛɛ sícilio nyɛ lè, wee wi wi kpáagi faan lè fálaga njoʔo ni.

Zyan 13:17

Amɛɛ yele tɛ́nɛ̀ gee naa cán lè, ní yele ga ni gi kpéʔele nya, yele a pye dùba pìibēle.

Kapyegèle 1:1

Teofiili, fáliw myɛ ní tamani myɛ Zyezu da ni kpéʔele lè nlaa gi sélimi na fwɔɔ n taa n baa nan wi làrilúguli na, mii n dee bee sɛ́bɛ mii sɛ́bɛseliw ni. Sáni wi lúgu nyɛ̀ʔɛni na lè, wi maa wi tundunri kaan pìitunbèle ma Pìicǎnni báriga ni, poro bele wi da nyɛ́nɛ n wòlo lè.

Làlwaw Kaanziin 16:12

Sɔ̀ngi mi taa gi na mi cán mɔ maa pye puloo Ezyipiti ni, mí làlwa kérigèle bee sámaga mi cò, máā ge kpéʔele.

Làlwaw Kaanziin 33:10

Pe i Zyakɔbi tama mɔ tundunri na. Pe i Isirayɛli tama mɔ lalwaw na. Pe i nùndaanni yáriga téeri mɔ fínaagèle láara ni. Ni sáriga-sórigow wóo mɔ sáriga-wòlo-yafaangi na.

1 Timɔte 3:2

Gee bee na yɛɛ̀kinio n yɛlɛ wi pye dìgire fun, si pye cɔlɔɔ nibin fɔ́lɔ, wí wiyɛɛ cǒmi cán, si wɔ́ɔ pye yákirifɔlɔ, wi kérigèle myɛ n yɛlɛ ge sín, wí wɔ́ɔ pye nibɔnbèle tìrigefɔlɔ, si gbàn syɛ́ɛnbèle tamana na,

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Tiiti 2:1

Mɔ si na, ki n yɛlɛ maa syɛ́ɛnbèle tama kérigèle ni ge yɛlɛ lè ní tamajanni ní.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.

Tɛ̀ɛnnɛ 22:14

Bele be be fànibèle jée lè koro ga pye poro í lɛɛlɛ taa sìíw tíige ni, si wɔ́ɔ gbǎn jée kěgi kpàánweegéle ni lè, bele bee i nyɛ dùba pìibēle!

1 Samyɛli 7:3

Lǎli bee ni a Samyɛli Isirayɛli kpáagi wòolo myɛ pye: «Kapye yele fúnyi myɛ ní yele lúru n pan Yawe ma, ki n yɛlɛ ye kolocɔlɔ-nibɔnbèle yirige yeyɛɛ níngi ni n fàra Asitaritebèle na, yé yele fúnyi kàriga Yawe ma yaa báara woro nibin ma. Lǎli bee ni wi a yele yirige Filisitini ye kɔ́yi ni.»