Ɛsidirasi 6:3 - Cebaara Bible 2010

³ «Fànʔafɔw Sirusi fǎngi yɛɛzelile na, fànʔafɔw Sirusi kéeli naa joo n gbàn níì jo: ‹Kolocɔlɔɔ kpáagi gi nyɛ lè Zyerusalɛmi ni, ki n yɛlɛ kpáagi í ní faan bi pye tɛɛgaa, beè pe a ra sárigaw wóo lè. Ki kàpɔɔnw n yɛlɛ bi sámaga nìri. Ki ǹjogi tɔnɔganma a pye mɛ́tiribéle toko ní kpɔrigɔ, ki yɛ́ɛgi kpɔ́ʔɔganma í pye mɛ́tiribéle toko ní kpɔrigɔ.

Ɛsidirasi 6:3 Iomraidhean Croise

2 Cányi kèlē 2:3

Mii i naa bi kpaʔa faan Yawe mii Kolocɔlɔw mɛ́ʔɛ na, si gi yaʔa wi ma kɔlɔ̀ na jàngó bàā nùndaanteeli yáriga sórogi wi yɛʔɛ̀ ma, bi kòro bàā búruw taani yaà sáā nyǐngi nyɔ́ɔ, ní cângwɔɔgi nyɔ́ɔ sáriga-sórigoo wóo yaà, ní cândɛnɛyi, ní yevɔnyi, ní Yawe wolo Kolocɔlɔw kpóʔorojàngēle. Gee bee n kaan Isirayɛli ye ma koro ga pye paa gi kpéʔele bàngwɔɔ.

2 Cányi kèlē 2:6

Tɔ́ɔliw naa ni, Nànwaa tórigo naa mii ma, wee wi nyɛ lè tɛ́ɛw, ní wálifiiw, ní kanyɛɛnri, ní túnmɔri, ní fàninyɛɛn-súruw, ní fàninyɛɛn-tèlew, ní kɔ́luruna ceri fàni fáli cánvɔlɔ. Wí wɔ́ɔ yakanʔana-wòlori fáli cán. Wi a ba pínɛ da báara ní fáliw kacanbèlē ní, bele be nyɛ naa mii taana lè Zyuda, ní Zyerusalɛmi ni, poro bele mii tóow Davidi da caa n yaʔa lè.

2 Cányi kèlē 36:22

Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè, di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ɛsidirasi 1:1

Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Ɛsidirasi 3:7

A be wáli kaan kàdɛnɛdanbèle ní kpaatɔnbèle ma, níì yaliire, ní yagbaʔa, ní sìnmɛ tórigo Siidɔn ye, ní Tiiri ye ma, jàngó be Liban sɛdiri tíiraa tórigo sólomi lɔ̀ʔɔ na ti ba nan Zyafa na, n yɛlɛ ní gi ní àmɛɛ Pɛrisi fànʔafɔw Sirusi gi joo be ma lè.

Ɛsidirasi 6:14

A Zyefubèle wólɛɛbéle i syée faanni kurugo, a fáliw nyɔɔ n yɛlɛ ní kanyaajoow Agizye kanyaajoori, ní Ido jáaw Zakarii kanyaajoori ní. Pe n faanni pye n baa kwɔ́ɔ n yɛlɛ ní gee ní Isirayɛli ye Kolocɔlɔw da joo n gbàn lè, n wɔ́ɔ̀ yɛlɛ ní Sirusi ní Dariyusi, ní Pɛrisi fànʔafɔw Aritakisɛrikisɛsi da joo n gbàn lè.

Ŋúnuyi 122:4

Beè syɛɛnfeleyi lúru lè, yi lè Yawe syɛɛnfeleyi, jàngó bi sa Yawe mɛ́ɛgi kpɔ̀ʔɔrɔ, bi yɛlɛ ní Isirayɛli ye kalɛɛli ní.

Tɛ̀ɛnnɛ 21:16

Kěgi kàbanya myɛ sicɛrɛ tɔnɔganma maa pye sèjira, ki tɔnɔganmi ní gi kpɔ́ʔɔganmi maa pye sèjira. A wi kěgi tímana ní wi kàgaanni ní n gi nyaa a gi cúlobéle selebinnɛ ní sirakele félege kwɔ́ɔ. Ki tɔnɔganmi, ní gi kpɔ́ʔɔganmi, ní gi ǹjoʔo ma tɔnɔganmi maa pye sèjira.