Ɛsidirasi 5:8 - Cebaara Bible 2010

⁸ Fànʔafɔw n yɛlɛ bi gi cán wolo n kári Zyuda tári ma n sáà nan Kolocɔlɔɔ wogbɔɔw kpaʔa na. Pe n gi faan ní kadɛnɛgboloyo ní, níì tíiri taʔa gúnbiiyi na, fáliw i yaà ni sámagi ni kpéʔele, wi i syée yɛʔɛ̀ ma be kɔ́yi ni.

Ɛsidirasi 5:8 Iomraidhean Croise

Ɛsidirasi 2:1

Bele Babilɔni fànʔafɔw Nebukadinezari da cò n kári Babilɔni ma lè, bele pe da yiri tári ni púlori ni n lúru n pan Zyerusalɛmi, ní Zyuda ma lè, poro be nyɛ bele naa. Pe myɛ nibin nibin maa baa tɛ́ɛn be kěyi ni.

Ɛsidirasi 5:7

Pe n wi sɛ́bɛ n tórigo wi ma kánmi naa na níì jo: «Ki n yɛlɛ yɛɛ̀nyindelege í pye fànʔafɔw Dariyusi ma.

Ɛsidirasi 5:9

A wolo si wolɛɛbèle bee yíbe, wolo n joo ní be ní kánmi naa na níì jo: ‹Wìí wi jo yele í ní kpáagi naa faan si ní tǒw naa sámaga wi nyɔɔ?›

Ɛsidirasi 6:10

Koro ga pye paa nùndaanni sáriga wóo nyɛ̀ʔɛni Kolocɔlɔɔ ma, sáā Kolocɔlɔɔ nyɛ́ɛri fànʔafɔw sìi, ní wi jáabèle sìi kéele na.

Ɛsidirasi 6:4

Ki a faan ní kàdɛnɛgboloyo kóloyo taanri, ní tiifɔ́nrɔ kologo nibin ní. Ki faanni wáli si yiri fànʔafɔw kpaʔa ni.

Ɛsidirasi 7:23

Nyɛ̀ʔɛni Kolocɔlɔɔ ga gee myɛ joo n gbàn lè, ki n yɛlɛ gi kpéʔele gi kpéʔeleganmi na nyɛ̀ʔɛni Kolocɔlɔɔ kpáagi kéele na, koro ga pye wi fundanʔari a kɔ́ too fànʔafɔw fànʔa, ní wi jáabèle na í.

Nehemii 11:3

Tári kùndigibéle pe baa tɛ́ɛn Zyerusalɛmi ni lè, poro be nyɛ bele naa. Pe myɛ nibin nibin n sáà tɛ́ɛn Zyuda kěyi ni, be tálɛɛgéle ni, be kèye ni, gee bee n jo Isirayɛli ye, ní sáriga-wòlobèle, ní Levii ye, ní Netinyɛbèle, ní Salomɔn falipyebèle yòdaʔaya.

Nehemii 7:6

Bele Babilɔni fànʔafɔw Nebukadinezari da cò n kári lè, bele pe da yiri tári ni, púlori ni n lúru n pan Zyerusalɛmi, ní Zyuda ma lè, poro be nyɛ bele naa, a pe myɛ nibin nibin sáà tɛ́ɛn be kèye ni.

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ɛsitɛri 1:22

A wi sɛ́bɛbéle tórigo wi fǎngi tátɛɛyɛ myɛ ma. Wi maa tátɛɛyi myɛ sɛ́bɛbéle sɛ́bɛ n yɛlɛ ní be sɛ́bɛganmi ní, ní syɛ́ɛnbèle myɛ ma be syɛ́ɛnri ni, níì jo nǎnbèle myɛ n yɛlɛ bi pye be kpáayi nyúngo na, sáā nyuu be syɛɛnfeleri ni.

Ŋúnuyi 145:3

Yawe n kpɔ́ʔɔ níì tɔ̀nɔ n yɛlɛ ní sòololo ní, tɛɛ̀laʔala o nyɛ wi kpɔ́ʔɔri na í.

Danyɛli 2:47

A fànʔafɔw gi joo Danyɛli ma níì wi pye: «Kányɛʔɛ na yele Kolocɔlɔw tɔ̀nɔ́ wi nyɛ kolocɔlɔbèle Kolocɔlɔɔ, ní fànʔafɔbèle Kàfɔlɔ, ní kalaragèle tɛ̀ɛnfɔlɔ. Níì cán mɔ n gbàn n kalarali naa tɛ̀ɛn.»

Danyɛli 3:26

A Nebukadinezari nùuni naagbangi fúruweele nyɔ́ɔ na, níì jo: «Syadiraki, ní Mesyaki, ní Abɛdi-Nego, Kolocɔlɔwee wi nyɛ lè Pe Myɛ Nyúngo na, woro falipyebèle, ye yiri yaà, yaa maa naa.» A Syadiraki, ní Mesyaki, ní Abɛdi-Nego yiri yaà náagi nínge ni.

Danyɛli 4:2

A mii ŋúnɔgɔ ŋúnɔ, a gi zɔ̀nviikɔnirɔ wáa mii na. N mii yaʔa mii yasinɛgi na, sɔ̀nguri di pye mii na lè, ní mii fúngi yanyaara, a toro fyáakpɔɔrɔ wáa mii na.

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Làlwaw Kaanziin 10:17

Níì cán Yawe yele Kolocɔlɔw i nyɛ kolocɔlɔbèle myɛ Kolocɔlɔɔ, ní kàfɔbèle myɛ Kàfɔlɔ. Woro wi nyɛ Kolocɔlɔɔ wi lè wogbɔɔw, wee wi nìri lè ní i nyɛ fyáara yáriga, wi o syɔɔnwaa yirigi wàa ni í, wi o námara kpɔ́ʔɔrɔ syoo í.

Làlwaw Kaanziin 32:31

Níì cán pe fálagi o nyɛ àmɛɛ wolo Fálagi nyɛ lè í. Wolo nigoobèle i nyɛ gi séerabéle.