Ɛsidirasi 5:2 - Cebaara Bible 2010

² Lǎli bee ni Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, a poro yìri n Kolocɔlɔɔ kpáagi faanna fáli séli Zyerusalɛmi ni, Kolocɔlɔɔ kanyaajoobèle si maa pye ní be ní ni be dɛ̀ɛmɛ́.

Ɛsidirasi 5:2 Iomraidhean Croise

Ɛsidirasi 1:8

Sirusi wi lè Pɛrisi fànʔafɔw, a woro lɔ́ri tɛ́ʔɛfɔlɔ Mitiredati pye a wi di wòlo n córo n kaan Zyuda fànʔafɔbili Syesyibasari ma.

Ɛsidirasi 10:18

A pèle nyaa sáriga-wòlobèle jàala ni, bele be syɛɛnfeleyaa càbala pɔri lè, poro be nyɛ: Zyozuwe wi lè Yosadaki jáaw, woro jáabèle, n fàra wi senyɛnbèle jàala na, pe lè Maaseya, ní Eliyezɛɛri, ní Yaribi, ní Gedaliya.

Ɛsidirasi 3:2

Zyozuwe wi lè Yosadaki jáaw, woro ní wi senyɛnbèle pe lè sáriga-wòlobèle, n fàra Syeyalityɛli jáaw Zorobabɛli ní wi senyɛnbèle na, a poro yìri n Isirayɛli Kolocɔlɔw sáriga-wòlo-yafanʔa faan, koro ga pye bàā sáriga-sórigow wóo gi na bi yɛlɛ ní gee ní gi sɛ́bɛ Kolocɔlɔɔ syɔ́ɔnw Mowizi làlwaw sɛ́bɛ ní lè.

Ɛsidirasi 3:8

Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Ɛsidirasi 6:14

A Zyefubèle wólɛɛbéle i syée faanni kurugo, a fáliw nyɔɔ n yɛlɛ ní kanyaajoow Agizye kanyaajoori, ní Ido jáaw Zakarii kanyaajoori ní. Pe n faanni pye n baa kwɔ́ɔ n yɛlɛ ní gee ní Isirayɛli ye Kolocɔlɔw da joo n gbàn lè, n wɔ́ɔ̀ yɛlɛ ní Sirusi ní Dariyusi, ní Pɛrisi fànʔafɔw Aritakisɛrikisɛsi da joo n gbàn lè.

Agizye 2:18

«Koro na ye sɔ̀ngi ye wéle gee kéele na ki a kpéʔele lè n séli níjanʔa na, ní gee gi maa ba kpéʔele kàdoʔo ma lè, nlaa yɛ́ɛli yeye kpanjɛrɛ wóʔo ki canya toko ní sicɛrɛ wógi na, nlaa cángee na Yawe kpɔ̀ʔɔrɔli kpaʔa kàpɔɔn le lè, ye sɔ̀ngi ye wéle gee bee na!

Zakarii 4:14

A wi jo: «Wonyɛnɛ-wòlobèle siin be yèré lè tári myɛ Kàfɔlɔ yɛ́ʔɛ ma, poro bɛɛ.»

Zakarii 4:4

A mii níì syɛ́ɛnri láa n gi joo nyɛ̀ʔɛni tunduɔn ma wi da ni nyuu ní mii ní lè, níì wi pye: «Nyàʔá gi nyɛ gee bee, ni kàfɔlɔ?»

Zakarii 6:11

Mɔ a wòlo wálifiiw, ní tɛ́ɛw ni bi tɛ́ʔɛ fànʔafɔ-nyùndɔngéle sámaga bi tɔ́n sáriga-wòlobèle kàfɔlɔ Zyozuwe nyúngi ni, wi lè Yehosadaki jáaw.

Zakarii 8:9

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye nìrimɛ le yele kɔ́yi ni, yele bele ye syɛ́ɛnri naa lúro lè cányi naa ni kanyaajoobèle nyɔ́ɔyɔ na, poro bele be pye yaà lè cángee na pe Nyɛ̀ʔɛni Sùlasiibéle Kafɔlɔ Yawe kpáagi kàpɔɔn le lè, bi kpɔ̀ʔɔrɔli kpaʔa faan.

2 Korɛnti ye 1:24

Gee bee ga jo wolo i yele kàragí tágali kólogo ni wii í, kàjáa wolo i nyɛ yele falipyenyɛ̀nnɛ, jàngó yele í fundaanra taa, níì cán yele n sámaga n yére tágali ni.