Ɛsidirasi 5:16 - Cebaara Bible 2010

¹⁶ Koro na si Syesyibasariw bee pan lǎli bee ni n baa Kolocɔlɔɔ kpáagi kàpɔɔn le Zyerusalɛmi ni. Nlaa yaà lǎli bee ni fwɔɔ n baa nan lǎli naa na, ki sèʔé i faanri, kàjáa ki ga kɔ́ɔ̀ faan n kwɔ́ɔ í.›

Ɛsidirasi 5:16 Iomraidhean Croise

Ɛsidirasi 3:10

Lǎli ni falipyebèle Yawe kpɔ̀ʔɔrɔli kpaʔa kàpɔɔn le lè, a be sáriga-wòlobèle yérige yaà ní be búroyi ní, búruwiibèle si i nyɛ be ma, Levii ye pe lè Azafi yòdaʔayi n fàra poro na ní kanyɛɛnri kadaforo yáriya ní, koro ga pye paa Yawe sòoló bi yɛlɛ ní kánmee ní Isirayɛli fànʔafɔw Davidi tɛ̀ɛn lè.

Ɛsidirasi 3:8

Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Ɛsidirasi 5:14

Alí fànʔafɔw Sirusi n caà tɛ́ɛw ní wálifiiw yárira yirige Babilɔni kpɔ̀ʔɔrɔli kpaʔa ni, ti lè Kolocɔlɔɔ kpáagi wóro, dee Nebukadinezari da láa n yirige Zyerusalɛmi kpɔ̀ʔɔrɔli kpaʔa ni lè n kári ní di ní Babilɔni kpɔ̀ʔɔrɔli kpaʔa ma, a wi dee bee le wee kɔ́lɔ ni be yiri lè Syesyibasari, woro wee wi da télege lè guvɛrinɛɛri.

Ɛsidirasi 5:15

A wi wi pye: Yáriri naa láa maa syée mi sa tɛ́ʔɛ Zyerusalɛmi kpɔ̀ʔɔrɔli kpaʔa ni, Kolocɔlɔɔ kpáagi si ní faan gi tɛ́ɛgi ni.

Ɛsidirasi 5:2

Lǎli bee ni Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, a poro yìri n Kolocɔlɔɔ kpáagi faanna fáli séli Zyerusalɛmi ni, Kolocɔlɔɔ kanyaajoobèle si maa pye ní be ní ni be dɛ̀ɛmɛ́.

Ɛsidirasi 6:15

A kpáagi faan n kwɔ́ɔ Adari yégi candaanri wóʔo na, fànʔafɔw Dariyusi fǎngi yɛ̀ʔɛlɛ kɔrɔni wólo na.

Agizye 2:18

«Koro na ye sɔ̀ngi ye wéle gee kéele na ki a kpéʔele lè n séli níjanʔa na, ní gee gi maa ba kpéʔele kàdoʔo ma lè, nlaa yɛ́ɛli yeye kpanjɛrɛ wóʔo ki canya toko ní sicɛrɛ wógi na, nlaa cángee na Yawe kpɔ̀ʔɔrɔli kpaʔa kàpɔɔn le lè, ye sɔ̀ngi ye wéle gee bee na!

Zakarii 4:10

Koro na wìí wi yapiigèle sélimɛ canʔa faʔa? Syɔɔn ga gûnzin-yárigi nyaa Zorobabɛli kɔ́gi ni, wi a ra fundaanra kpéʔele. Kɔrɔsiinw bee i nyɛ Yawe nyapiigèle, gele ge tári myɛ wéle ni forogi lè.»

Zakarii 4:9

«Zorobabɛli kɔ́yi yi kpáagi naa kàpɔɔn le, wi kɔ́yi si yi a wɔ́ɔ gi faan foro, mɔ a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma.

Zyan 2:20

A Zyefubèle wi pye: «Ee, pe n yɛ̀ʔɛlɛ togoye siin ní kɔrɔni kwɔ́ɔ kpɔ̀ʔɔrɔlɔ kpáagi naa faanna na, mɔ si kɔ́ ba gi faan kwɔ́ɔ lé canya taanri nínge ni?»