Ɛsidirasi 5:11 - Cebaara Bible 2010

¹¹ Syɛɛnlurugori be kaan wolo ma lè toro di nyɛ dee naa, pe n jo: ‹Wolo i nyɛ nyɛ̀ʔɛni ní tári Kolocɔlɔɔ falipyebèlē, wolo si ní i kpáagi faanri, gee ki da faan lè booma ni, ki n yɛ̀ʔɛlɛ saʔa kwɔ́ɔ, Isirayɛli fànʔafɔgbɔɔwaa wi da gi faan n kwɔ́ɔ,

Ɛsidirasi 5:11 Iomraidhean Croise

Sélimɛ 24:3

mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

1 Fànʔafɔbèle 6:38

A ki ga pye yɛ̀ʔɛlɛ kɛɛ ní nibin wóli na Buli yégi ni, gi lè yɛ́ɛli yeye kɔrɔtaanri wóʔo, a kpáagi tɛ́ɛyɛ myɛ ní gi kánmi myɛ faan n kwɔ́ɔ. Yɛ̀ʔɛlɛ kɔrɔsiin Salomɔn pye gi faanni na.

1 Fànʔafɔbèle 9:10

Kpáayi siin yi lè Yawe kpáagi, ní fànʔafɔw kpaʔa, Salomɔn n yi faan n kwɔ́ɔ yɛ̀ʔɛlɛ toko fúngo ni.

Ɛsidirasi 5:10

Wolo n wɔ́ɔ̀ be yíbe be mɛ́ɛyi na koro ga pye wolo í gbǎn be kùndigibèle mɛ́ɛyɛ sɛ́bɛ tórigo mɔ ma bi yi tɛ̀ɛn mɔ na.

Ŋúnuyi 119:46

Mii a ra mɔ kajoogèle nyuu fànʔafɔbèle nyɛ́nɛ na, fɛ̀ɛrɛ si a tée mii taa í.

Ŋúnuyi 136:26

Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í!

Danyɛli 3:26

A Nebukadinezari nùuni naagbangi fúruweele nyɔ́ɔ na, níì jo: «Syadiraki, ní Mesyaki, ní Abɛdi-Nego, Kolocɔlɔwee wi nyɛ lè Pe Myɛ Nyúngo na, woro falipyebèle, ye yiri yaà, yaa maa naa.» A Syadiraki, ní Mesyaki, ní Abɛdi-Nego yiri yaà náagi nínge ni.

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»

Matye 10:32

«Koro na syɔɔn o syɔɔn wi fɔ̀lɔ mii na lè syɛ́ɛnbèle nyɛ́nɛ na, mii a wɔ́ɔ fɔ̀lɔ wee bee na mii Tóow nyɛ́nɛ na, wi lè nyɛ̀ʔɛni na.

Luki 12:8

«Mii a gi joo yele ma, syɔ́ɔnwee faala wi ga fɔ̀lɔ mii na lè syɛ́ɛnbèle nyɛ́nɛ na, Syɔɔn-pya a wɔ́ɔ fɔ̀lɔ wee bee na Kolocɔlɔɔ tundunbèle nyɛ́nɛ na.

Kapyegèle 27:23

Kolocɔlɔwee wóo mii nyɛ lè, woro wee mii kpɔ̀ʔɔrɔ́ lè, wee bee tundunwaa n pan mii ma yébiligi naa ni

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 6:16

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Galasi ye 6:14

Mii si na, ki ga yɛlɛ mii í da niyɛɛ gbɔ́ʔɔgi í, kapye ní wolo Kàfɔw Zyezu Kirisi tiiparigi kéele ní ban í, woro bárigaw ni pe dulunyanw kèlē kóri tiiparigi na mii ma, ní wɔ́ɔ̀ mii kóri dulunyanw wòʔolo kabaan na!

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»