Ɛsidirasi 5:1 - Cebaara Bible 2010

¹ Kanyaajoow wi lè Agizye, ní kanyaajoow Zakarii, wi lè Ido jáaw, a poro kérigèle nyaa n joo n tɛ̀ɛn Zyefubèle na Isirayɛli Kolocɔlɔw mɛ́ʔɛ na be pye lè wodɛ́ɛnbéle ní Zyuda, ní Zyerusalɛmi ni.

Ɛsidirasi 5:1 Iomraidhean Croise

Ɛsidirasi 4:24

Lǎli bee ni a Kolocɔlɔɔ kpáagi fáli yére Zyerusalɛmi ni. A wi yére n kòro nya fwɔɔ n baa nan Pɛrisi fànʔafɔw Dariyusi fǎngi yɛɛziin wolo na.

Ɛsidirasi 6:14

A Zyefubèle wólɛɛbéle i syée faanni kurugo, a fáliw nyɔɔ n yɛlɛ ní kanyaajoow Agizye kanyaajoori, ní Ido jáaw Zakarii kanyaajoori ní. Pe n faanni pye n baa kwɔ́ɔ n yɛlɛ ní gee ní Isirayɛli ye Kolocɔlɔw da joo n gbàn lè, n wɔ́ɔ̀ yɛlɛ ní Sirusi ní Dariyusi, ní Pɛrisi fànʔafɔw Aritakisɛrikisɛsi da joo n gbàn lè.

Misye 5:4

Woro wi a pye yɛɛ̀nyingi! Lǎli ni Asirii ye wów ga baa jée wolo tári ni lè ní baa jée wolo fànʔafɔ-gbaayi ni lǎli ni lè, wolo a bànaʔabēle kɔrɔsiin yìrige wi kurugo ní syɛ́ɛnbèle kùndigibèle pèle kɔrɔtaanri ní.

Agizye 1:1

Fànʔafɔw Dariyusi fǎngi yɛɛziin wólo yeye kɔrɔni wógi cânzelige na, a Yawe syɛ́ɛnri sɔ̀lɔ kanyaajoow Agizye ma n nan Zyuda tári kacɔɔnriɔ Zorobabɛli na, wi lè Syeyalityɛli jáaw, ní sáriga-wòlobèle kàfɔlɔ Zyozuwe na, wi lè Yehosadaki jáaw. Wi n jo:

Agizye 1:3

Lǎli bee ni a Yawe syɛ́ɛnri sɔ̀lɔ kanyaajoow Agizye ma n nan be na, wi n jo:

Agizye 2:18

«Koro na ye sɔ̀ngi ye wéle gee kéele na ki a kpéʔele lè n séli níjanʔa na, ní gee gi maa ba kpéʔele kàdoʔo ma lè, nlaa yɛ́ɛli yeye kpanjɛrɛ wóʔo ki canya toko ní sicɛrɛ wógi na, nlaa cángee na Yawe kpɔ̀ʔɔrɔli kpaʔa kàpɔɔn le lè, ye sɔ̀ngi ye wéle gee bee na!

Zakarii 8:9

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye nìrimɛ le yele kɔ́yi ni, yele bele ye syɛ́ɛnri naa lúro lè cányi naa ni kanyaajoobèle nyɔ́ɔyɔ na, poro bele be pye yaà lè cángee na pe Nyɛ̀ʔɛni Sùlasiibéle Kafɔlɔ Yawe kpáagi kàpɔɔn le lè, bi kpɔ̀ʔɔrɔli kpaʔa faan.