Ɛsidirasi 4:23 - Cebaara Bible 2010

²³ Lǎli ni fànʔafɔw Aritakisɛrikisɛsi sɛ́bɛw tɛ́nɛ baa wéle n joo lè Erehumi, ní sɛ́bɛkanw Syimisyayi, ní be pínɛnyɛnzanbèle ma lè, a be fala n kári kelekele Zyerusalɛmi ma, Zyefubèle ma, n sáà fáliw yérige ní fungbanga, ní fàngbɔʔɔ ní.

Ɛsidirasi 4:23 Iomraidhean Croise

Ɛsidirasi 4:17

A fànʔafɔw syɛɛnlurugori naa sɛ́bɛ n tórigo níì jo: «Erehumi wi lè guvɛrinɛɛriw, ní Syimisyayi wi lè sɛ́bɛkanw, ní be pínɛnyɛnbèle be nyɛ lè wodɛ́ɛnbéle ní Samarii ni, ní tɛɛyaa ni yaà cábigi jeligɔgee na mii i yele syáanri.

Ɛsidirasi 4:22

Ye yeyɛɛ kɔ̀rɔsíi, yele a kɔ́ kéeli bee cáan yaʔa í. Koro ga pye kapeʔe a kɔ́ fàra gàlagí na fànʔafɔbèle bɔ̀nɔ na í.»

Ɛsidirasi 4:24

Lǎli bee ni a Kolocɔlɔɔ kpáagi fáli yére Zyerusalɛmi ni. A wi yére n kòro nya fwɔɔ n baa nan Pɛrisi fànʔafɔw Dariyusi fǎngi yɛɛziin wolo na.

Ɛsidirasi 4:7

A ki ga pye Aritakisɛrikisɛsi lǎli ni, a Bisyilami, ní Mitiredati, ní Tabeyɛli, n fàra pe pínɛnyɛnbèle wozanbèlē na, a poro lɛ́tiri sɛ́bɛ n tórigo Pɛrisi fànʔafɔw Aritakisɛrikisɛsi ma. Sɛ́bɛw maa sɛ́bɛ Arami ye sɛ́bɛganmi na, Arami ye syɛ́ɛnri ni.

Kàseegèle 4:16

Níì cán bele bee i nyɛ kapye pe ga kapeʔe kpéʔele í, pe a gbǎn ŋúnɔ í. Kapye pe ga syɔɔn taa n cáan í, ŋúnɔmi n pɛ́ɛ be na.

Misye 2:1

Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.

Wɔrɔmi ye 3:15

Pe i fé funvuugo na koro ga pye bàā syɛ́ɛnbèle taagi da kúu,