Ɛsidirasi 4:2 - Cebaara Bible 2010

² A be pan Zorobabɛli, ní narigbaayi kùndigibéle ma, n baa be pye: «Wolo a faan ní yele ní. Níì cán wolo i yele Kolocɔlɔw mɛ́ʔɛ yiri àmɛɛ yele nyɛ lè. Wolo i sárigaw wóo wi ma nlaa yaà Asirii tári fànʔafɔlɔ Ezari-Hadɔn lǎli ni, woro wee wi wolo tórigo nɛɛ naa lè.»

Ɛsidirasi 4:2 Iomraidhean Croise

Sélimɛ 10:11

Wi yiri tári bee ni lè a wi kári Asuuri ma, ní sáà Niniivi ye faan, n fàra Erehobɔti-Iri, ní Kala na,

2 Fànʔafɔbèle 17:24

A Asirii fànʔafɔw syɛ́ɛnbèle pèle yirige Babilɔni, ní Kuta, ní Ava, ní Hamati, ní Sefarivayimi ni n baa télege Samarii kěyi ni, Isirayɛli ye sìndɛɛgi ni, a Samarii pye be woʔò, a be tɛ́ɛn wi kěyi ni.

2 Fànʔafɔbèle 17:41

Syɛɛnfeleyi bee maa ni Yawe kpɔ́ʔɔgi ní wɔ́ɔ i báara be yasunyi ma. A be pìíbèle, ní be pìíbèle pìibēle kòro ni gi kpéʔele ni syée nya n yɛlɛ ní be toolɛɛbèle kapyere ní fwɔɔ n baa nan níjanʔa na.

2 Fànʔafɔbèle 19:37

N wi yaʔa cangaa wogbumɔnɔɔ ní wi kolocɔlɔw Nisurɔki kpáagi ni, wi jáabèle be lè Adiramelɛki ní Saresɛɛri, a poro jée wi kurugo n sáà wi kpúmɔn n kpóo ní ŋɔsée ní níì fàn n kári Ararati tári ma. A wi jáaw Esari-Hadɔn tɛ́ɛn fǎngi na wi sìndɛɛgi ni.

Ɛsidirasi 1:5

Lǎli bee ni a Zyuda ní Bɛnzyamɛ narigbaayi kùndigibéle yìri n fàra sáriga-wòlobèle, ní Levii ye na, bele myɛ fúnyo ni Kolocɔlɔɔ da sɔ̀ngurɔ lége lè, a poro yìri n kári sa Yawe kpáagi faan wi nyɛ lè Zyerusalɛmi ni.

Ɛsidirasi 2:2

Pe n lúru n pan ní Zorobabɛli, ní Zyozuwe, ní Nehemii, ní Seraya, ní Erehelaya ní, n fàra Maridosye, ní Bilisyan, ní Misipari, ní Bigivayi, ní Erehumi, ní Baana na. Isirayɛli syɛ́ɛnbèle nànbēle nyɔ́ɔ gi nyɛ gee naa:

Ɛsidirasi 3:12

Kàjáa saʔa maa pye sáriga-wòlobèle, ní Levii ye, ní narigbaayi kùndigibéle ni, bele be lɛɛ lè, ní da kpaaseligi nyaa, a poro i nyaan ni yákpogèle wáa lǎli ni pe da ni kpáagi bee kàpɔɔn nii pe nyɛnɛ na lè, a syɛɛnnɛʔɛmɛ wɔ́ɔ i fundaanra yákpogéle wáa,

Ɛsidirasi 3:2

Zyozuwe wi lè Yosadaki jáaw, woro ní wi senyɛnbèle pe lè sáriga-wòlobèle, n fàra Syeyalityɛli jáaw Zorobabɛli ní wi senyɛnbèle na, a poro yìri n Isirayɛli Kolocɔlɔw sáriga-wòlo-yafanʔa faan, koro ga pye bàā sáriga-sórigow wóo gi na bi yɛlɛ ní gee ní gi sɛ́bɛ Kolocɔlɔɔ syɔ́ɔnw Mowizi làlwaw sɛ́bɛ ní lè.

Nehemii 9:32

Tɔ́ɔliw ni doò, ee wolo Kolocɔlɔw, mɔ wi lè Kolocɔlɔɔ wogbɔɔw, ní séew fɔ́lɔ, ní fyáara yáriga, mɔ wee wi joogaanni, ní funjǎngi sámaga n cò lè, fɔ̀rɔgbɔɔgee gi nan lè mɔ syɛ́ɛnbèle myɛ na, pe nyɛ lè wolo ní wolo fànʔafɔbèle, ní wolo syɛɛnkpolobèle, ní wolo sáriga-wòlobèle, ní wolo kanyaajoobèle, ní wolo tóolɛɛbèle, nlaa yaà Asirii fànʔafɔbèle làla ni fwɔɔ n baa nan níjanʔa na, mɔ a kɔ́ gi córo kapiipiile í.

Ŋúnuyi 73:8

Pe i peyɛɛ nyɛ́nɛ, ní i syɛɛngbanri nyuu. Pe i wɔʔɔgi taʔala syɛ́ɛnrɛ nyuu ní kpɔɔmɔ ní.

Ezayi 37:37

A Asirii fànʔafɔw Senakeribi fala n yiri yaà n lúru n kári n sáà kòro Niniivi ni.

Ezayi 37:38

N wi yaʔa cangaa wogbumɔnɔɔ ní wi kolocɔlɔw Nisurɔki kpáagi ni wi jáabèle be lè Adiramelɛki, ní Saresɛɛri a poro jée wi kurugo n sáà wi kpúmɔn n kpóo ní ŋɔsée ní níì fàn n kári Ararati tári ma. A wi jáaw Esari-Hadɔn tɛ́ɛn fǎngi na wi sìndɛɛgi ni.

Oze sɛ́bɛw 14:3

Ye kàdowaara syɛ́ɛnrɛ láa ye yaʔa yeyɛɛ ma, yé lúru ye pan Yawe ma. Ye ba gi joo wi ma ye jo: «Kolomi myɛ kùsulugo syɔɔ, mí fɔ̀lɔ wolo na ní funjànga ní! Wolo a ra wolo nyɔɔwari kpɔ̀ʔɔrɔlɔ wóo mɔ ma sáriga náapegèle sìndɛʔɛ ni.

Galasi ye 2:4

Kàjáa senyɛn-váanabèle be jée lè wo níngi ni làrama ni, pe maa ni caa bi wi ŋàʔana wi kɛ́nɛw kpéʔele, wɔ́rɔdi wolo taa lè Kirisi Zyezu bárigaw ni, pe maa ni caa bi dee bee kéele wéle làrama ni jàngó bi ní wolo lége púlori ni.

2 Timɔte 3:8

Amɛɛ Zyanɛsi ní Zyanbirɛsi da ni Mowizi kábala kánmee na lè, kánmi bee na nǎnbèle bee wɔ́ɔ i kányɛɛgi kábala. Pe sɔ̀ngumi n kálagi, tágadeele o nyɛ be ma í.