Ɛsidirasi 4:12 - Cebaara Bible 2010

¹² Fànʔafɔw n yɛlɛ bi gi cán Zyefubèle bele be yìri yaà mɔ ma lè ní baa nan naa wolo na Zyerusalɛmi ni lè, pe i naa n ní ba ni céemi kàʔa faanri ki lè kèpeegi, pe i gi tǒw, ní gi kàpɔɔnw sámagi.

Ɛsidirasi 4:12 Iomraidhean Croise

2 Fànʔafɔbèle 18:20

Mɔ n gi joo níì jo: Nyɔɔ káfalaga syɛ́ɛnrɛ dii yagana. Bi kapɛɛnnɛ kpúmɔn, láliiw ní fǎngi n yɛlɛ bi pye yaà. Tɔ́ɔliw ni doò, wìí na mɔ tága níì mii cée?

2 Fànʔafɔbèle 24:1

Woro lǎli ni Babilɔni fànʔafɔw Nebukadinezari yìri kapɛɛnnɛ kánma na. A Yehoyakimi wiyɛɛ gaan wi ma yɛ̀ʔɛlɛ taanri fúngo ni, kàjáa ní níì wi cée.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Ɛsidirasi 4:11

Sɛ́bɛw be tórigo fànʔafɔw Aritakisɛrikisɛsi ma lè, woro syɛ́ɛnri di nyɛ dee naa: «Mɔ falipyebèle be nyɛ lè mɔ syɛ́ɛnbèle cábigi jeligɔgi naa na:

Ɛsidirasi 4:15

jàngó be caa be wéle yaà mɔ tóolɛɛbèle sɔ̀ngudaara kèlē sɛ́bɛ ni. Mɔ a gi nyaa sɔ̀ngudaari kèlē sɛ́bɛ ni bi cán kěgi naa i nyɛ céemɛ kaʔa, koro gee gi fànʔafɔbèle ní tátɛɛyi bɔ̀nɔ lè, a céemɛ wɔ́ɔ̀ pye kěgi naa ni booma ni. Koro na pe da kěgi naa jaa.

Ɛsidirasi 4:19

Mii n gi joo n gbàn níì jo be caala kpéʔele, a pe gi nyaa kěgi bee maa yìri fànʔafɔbèle kánma na booma ni, pe maa ni sìnloʔomɔ, ní céemɛ kpéʔele gi ni.

Ɛsidirasi 5:3

Lǎli bee wonijanna ni Tatinayi, wi lè cábigi jelige guvɛrinɛɛri, ni Syetari-Bozinayi, ní be pínɛnyɛnbèle pan be ma n baa gi joo be ma kánmi naa na níì jo: «Wìí wi gi joo yele ma níì yele pye yele í kpáagi naa faan, si ní gi tǒw sámaga wi nyɔɔ?»

Ɛsidirasi 5:9

A wolo si wolɛɛbèle bee yíbe, wolo n joo ní be ní kánmi naa na níì jo: ‹Wìí wi jo yele í ní kpáagi naa faan si ní tǒw naa sámaga wi nyɔɔ?›

Nehemii 1:3

A be mii yari: «Bele be kòro púlori wòolo ni lè, pe i yaà tári ni, fɔ̀rɔgi, ní faʔari si tɔ̀nɔ́ i nyɛ be na, a Zyerusalɛmi tǒw wɔ́ɔ̀ wálagi n too, a náagi kpàánweegèle kɔ̀riyɔ sórigo.»

Nehemii 6:6

Ki maa sɛ́bɛ wi ni n jo: «Ki i nyuu ni máari syɛɛnfeleyi nínge ni, àmɛɛ Gasyimu wɔ́ɔ baa gi joo mii ma lè, níì jo, mɔ ní Zyefubèle ní, yele i sɔ̀ngí bi céemɛ kpéʔele, koro na mɔ ní i tǒw faanri. A gi wɔ́ɔ i nyuu níì jo mɔ a ba pye be fànʔafɔw.

Ɛsitɛri 3:8

A Haman fànʔafɔw Asyerusi pye: «Syɛɛnfelegaa i nyɛ n màʔa mɔ fǎngi tátɛɛyɛ myɛ ni, gee kánma bi wàli lè, pe i nyɛ tɛ́ɛyi myɛ ni n nyáʔami syɛɛnfeleyi myɛ ni. Pe làlwaw ga pínɛ ní syɛɛnfelegaa faala wóo ní í. Pe o táanri fànʔafɔw làlwaw na í. Bi be yaʔa beè sági yɛɛ̀nyinge na, gee bee a yafyɛn nyɔɔ fànʔafɔw na í.

Zyeremii 52:3

Kérigèle bee n kpéʔele Zyerusalɛmi, ní Zyuda ye na Yawe fundanʔari kéele na fwɔɔ n taa a wi kɔ́ baa be nɛnɛ n núngo wiyɛɛ yɛ́ʔɛ ma. Sedesyasi si maa baa Babilɔni fànʔafɔw cée.

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

Luki 13:34

Zyerusalɛmi, Zyerusalɛmi, mɔ wee wi kanyaajoobèle kúu lè, ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Kapyegèle 24:5

Wolo n nǎnw naa nyaa àmɛɛ káfalaga yáama nyɛ lè, wi i Zyefubèle myɛ nyúnyo kàragí dulunyanw tɛ́ɛyɛ myɛ ni, ní i nyɛ Nazarɛti ye jànvaa kólogi kùndigi,

1 Tesaloniki ye 5:22

Yaa còʔoró kapeegèle féleye myɛ na.