Ɛsidirasi 4:1 - Cebaara Bible 2010

¹ A Zyuda ní Bɛnzyamɛ ye nigoobèle gi lóʔo wojo-mí-káribèle i yaà ni kpɔ̀ʔɔrɔlɔ kpaʔa faanri Yawe Isirayɛli Kolocɔlɔw ma.

Ɛsidirasi 4:1 Iomraidhean Croise

Ɛsidirasi 1:11

Tɛ́ɛw ní wálifiiw yárira myɛ nyɔ́ɔ maa pye selebingéle siin ní saala kɔrɔsiin. A Syesyibasari be pye a be lúgu ní di myɛ ní n kári tári ma lǎli ni wojobèle da yiri Babilɔni ni ni maa Zyerusalɛmi ma lè.

Ɛsidirasi 10:16

kàjáa wojo-mí-káribèle maa gi kpéʔele n yɛlɛ ní gi ní àmɛɛ ki da joo lè. A be sáriga-wòlow Ɛsidirasi ní narigbaayi kùndigibèle pèle nyɛ́nɛ n wòlo n yɛlɛ ní be tofɔlɛɛyi narigbaaya ní, poro myɛw maa nyɛ́nɛ n wòlo pe mɛ́ɛyi na. A poro tɛ́ɛn yeye kɛɛ wógi cânzelige na bi kéeli bee sɛʔɛ sɛʔɛ.

Ɛsidirasi 10:7

A pe gi jáari Zyuda, ní Zyerusalɛmi myɛw ni níì jo, wojo-mí-káribèle myɛ n yɛlɛ bi peyɛɛ gbóʔoro Zyerusalɛmi ni.

Ɛsidirasi 3:13

a gi pye syɔɔn a gbǎn fundaanri yákpogéle kafulogo, ní syɛ́ɛnbèle nyɛnigɛ kafulogo cán bi wàli í, níì cán syɛ́ɛnbèle maa ni yákpogèle wáa gbanʔama fwɔɔ a kàfulogi i lúro léelige.

Ɛsidirasi 6:16

Isirayɛli ye pe lè sáriga-wòlobèle, ní Levii ye, ní wojo-mí-káribèle wozanbèlē, a poro Kolocɔlɔɔ kpáagi bee kàlifaala kpéʔele ní fundaanra ní.

Ɛsidirasi 7:9

wi maa tánʔani séli n yiri Babilɔni ni yezeligi cânzelige na, a ki ga pye yeye kagunɔ wógi cânzelige na, a wi nan Zyerusalɛmi na àmɛɛ wi Kolocɔlɔw kɔjànga da pye wi na lè.

Danyɛli 5:13

Lǎli bee ni a be pan ní Danyɛli ní fànʔafɔw yɛ́ʔɛ ma. A fànʔafɔw baa gi joo Danyɛli ma níì wi pye: «Mɔ lé wi nyɛ Danyɛliw, wi lè wojobèle ni, bele mii tóow, fànʔafɔw sáà cò lè Zyuda ma n pan?

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

1 Korɛnti ye 16:9

Níì cán Kolocɔlɔɔ n kɔ̀rikpɔʔɔ sámaga n múgu mii ma fáliw kéele na, á kàsiitun-nyɛ́nbèle si nɛʔɛ.