Ɛsidirasi 3:9 - Cebaara Bible 2010

⁹ Lǎli bee ni a Zyozuwe ní wi jáabèle, ní wi senyɛnbèle, ní Kadimyɛli, ní wi jáabèle pe lè Zyuda ye n fàra Menadadi jáabèle, ní wi jáabèle jàala, ní be senyɛnbèle na, pe lè Levii ye, a poro myɛw pínɛ n yìri n pye Kolocɔlɔɔ kpáagi fálipyebèlē kɔrɔsiifɔɔlɔ.

Ɛsidirasi 3:9 Iomraidhean Croise

1 Cányi kèlē 23:4

A Davidi poro pèle sirakama ní selebingéle siin wòlo n yaʔa Yawe kpáagi fáli yɛ́ʔɛ na, níì selebingéle taanri wòlo n yaʔa kakarigabēle, ní kútiijoobéle,

2 Cányi kèlē 34:12

A nǎnbèle bee i be fáliw kpéʔele ní funvii ní. Levii wóbèle be pye pe nyúngi na lè, poro be nyɛ Yahati ní Abidyasi, poro n pye Merarii yòdaʔayi wòolo, n fàra Zakarii ní Mesyulami na, poro n pye Kehati yòdaʔayi wòolo. Poro be pye fáliw kɔ̀rɔsiifɔɔlɔ. Levii wóbèle bee myɛ maa gbàn yatingbumɔnri na gbanʔama.

Ɛsidirasi 2:40

Levii ye pe lè Zyozuwe, ní Kadimyɛli jáabèle, pe lè Hodavya yòdaʔayi wòolo, poro si i nyɛ togoye taanri ní kpɔrigɔ ní sicɛrɛ.

Ɛsidirasi 3:8

Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Nehemii 3:24

Binuyi wi lè Henadadi jáaw, a woro tɛɛgaa báara n taʔa wi na n séli Azariya kpáagi na fwɔɔ n sáà nan sinjuuli na, níì kári fwɔɔ n sáà nan jɛ̀ɛ́nni na.

Nehemii 7:43

Levii ye pe lè Zyozuwe, ní Kadimyɛli pìíbèle, pe lè Hodiva yòdaʔayi wòolo, poro maa pye togoye taanri ní kpɔrigɔ ní sicɛrɛ.