Ɛsidirasi 3:8 - Cebaara Bible 2010

⁸ Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Ɛsidirasi 3:8 Iomraidhean Croise

1 Cányi kèlē 23:4

A Davidi poro pèle sirakama ní selebingéle siin wòlo n yaʔa Yawe kpáagi fáli yɛ́ʔɛ na, níì selebingéle taanri wòlo n yaʔa kakarigabēle, ní kútiijoobéle,

1 Cányi kèlē 3:17

Kàsolew Yekonya jáabèle be nyɛ bele naa: Syeyalityɛli wi lè wi jáaw,

Ɛsidirasi 10:18

A pèle nyaa sáriga-wòlobèle jàala ni, bele be syɛɛnfeleyaa càbala pɔri lè, poro be nyɛ: Zyozuwe wi lè Yosadaki jáaw, woro jáabèle, n fàra wi senyɛnbèle jàala na, pe lè Maaseya, ní Eliyezɛɛri, ní Yaribi, ní Gedaliya.

Ɛsidirasi 2:2

Pe n lúru n pan ní Zorobabɛli, ní Zyozuwe, ní Nehemii, ní Seraya, ní Erehelaya ní, n fàra Maridosye, ní Bilisyan, ní Misipari, ní Bigivayi, ní Erehumi, ní Baana na. Isirayɛli syɛ́ɛnbèle nànbēle nyɔ́ɔ gi nyɛ gee naa:

Ɛsidirasi 3:2

Zyozuwe wi lè Yosadaki jáaw, woro ní wi senyɛnbèle pe lè sáriga-wòlobèle, n fàra Syeyalityɛli jáaw Zorobabɛli ní wi senyɛnbèle na, a poro yìri n Isirayɛli Kolocɔlɔw sáriga-wòlo-yafanʔa faan, koro ga pye bàā sáriga-sórigow wóo gi na bi yɛlɛ ní gee ní gi sɛ́bɛ Kolocɔlɔɔ syɔ́ɔnw Mowizi làlwaw sɛ́bɛ ní lè.

Ɛsidirasi 4:24

Lǎli bee ni a Kolocɔlɔɔ kpáagi fáli yére Zyerusalɛmi ni. A wi yére n kòro nya fwɔɔ n baa nan Pɛrisi fànʔafɔw Dariyusi fǎngi yɛɛziin wolo na.

Ɛsidirasi 4:3

Kàjáa a Zorobabɛli, ní Zyozuwe, ní Isirayɛli narigbaayi kùndigibèle bele be yari: «Wolo ní yele ga yɛlɛ bi pínɛ kpaʔa faan wolo Kolocɔlɔw ma í, wolo yagwɔɔlɔ wo a gi faan Yawe Isirayɛli ye Kolocɔlɔw ma àmɛɛ Pɛrisi fànʔafɔw Sirusi gi joo n gbàn wolo ma lè.»

Ɛsidirasi 5:16

Koro na si Syesyibasariw bee pan lǎli bee ni n baa Kolocɔlɔɔ kpáagi kàpɔɔn le Zyerusalɛmi ni. Nlaa yaà lǎli bee ni fwɔɔ n baa nan lǎli naa na, ki sèʔé i faanri, kàjáa ki ga kɔ́ɔ̀ faan n kwɔ́ɔ í.›

Ɛsidirasi 5:2

Lǎli bee ni Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, a poro yìri n Kolocɔlɔɔ kpáagi faanna fáli séli Zyerusalɛmi ni, Kolocɔlɔɔ kanyaajoobèle si maa pye ní be ní ni be dɛ̀ɛmɛ́.

Agizye 1:1

Fànʔafɔw Dariyusi fǎngi yɛɛziin wólo yeye kɔrɔni wógi cânzelige na, a Yawe syɛ́ɛnri sɔ̀lɔ kanyaajoow Agizye ma n nan Zyuda tári kacɔɔnriɔ Zorobabɛli na, wi lè Syeyalityɛli jáaw, ní sáriga-wòlobèle kàfɔlɔ Zyozuwe na, wi lè Yehosadaki jáaw. Wi n jo:

Zakarii 4:9

«Zorobabɛli kɔ́yi yi kpáagi naa kàpɔɔn le, wi kɔ́yi si yi a wɔ́ɔ gi faan foro, mɔ a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma.

Zakarii 6:12

Mí gi joo wi ma mí jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Nànwaa wi wee, wee mɛ́ʔɛ be yiri lè Fíinge, tɛ́ɛgee ni wi nyɛ lè wi a fìín yiri yaà, si Yawe kpɔ̀ʔɔrɔli kpaʔa faan.

Córolo 4:3

bi séli yɛ̀ʔɛlɛ toko ní kpɔrigɔ wóbèle na bàā syée poro yɛ́ʔɛ ma wóbèle kurugo bi sa nan yɛ̀ʔɛlɛ togoye siin ní kpɔrigɔ wóbèle na, bele myɛ be nan bi gbǎn ra faliwaa kpéʔele lè Syɛ́ɛnmi Tɛɛfaraga fànikpaʔa ni.