Ɛsidirasi 3:5 - Cebaara Bible 2010

⁵ Koro kàdoʔo ma a be canʔa o canʔa sáriga-sórigow wòlo n fàra yevɔnyi sáriga-sórigoo, ní kpóʔorojǎngèle myɛ ke yaʔa Yawe ma lè koro wów, ní kínidɛnɛgi yakaanya wóo na, wee ní syɔɔn o syɔɔn da ni maa Yawe ma lè.

Ɛsidirasi 3:5 Iomraidhean Croise

2 Cányi kèlē 31:14

Kore wi lè Levii wówaa, wi pye lè Yimina jáaw, ní i nyɛ Canʔafolomɔ kpàánweeli kɔ̀rɔsiifɔlɔ, woro wi pye kínidɛnɛgi yakaanra nyúngo na, dee be kaangi Kolocɔlɔɔ ma lè, koro ga pye yáriree be yirigi ni kaangi Yawe ma lè, ní yacandeleri, waa di lee.

Ɛsidirasi 3:6

N séli yeye kɔrɔsiin wógi cânzelige na, a be sáriga-sórigow wòlolo séli Yawe ma. Yawe kpɔ̀ʔɔrɔli kpaʔa kàpɔɔn si da kɔ́ɔ̀ le í.

Nehemii 10:34

Wi a pye búruw kéele na be taani lè, ní canʔa o canʔa míimi sáriga, ní canʔa o canʔa sáriga-sórigow, ní cândɛnɛyi, ní yevɔnyi, ní kpóʔorojǎngèle, ní yáriri ti a yaʔa kɔlɔ̀ na Kolocɔlɔɔ ma lè, ní sárigasanw kéele na wi a ra wóo Isirayɛli ye kapeegèle kùsulugo fáli kpéʔelele kéele na lè, n fàra gee myɛ na gi kpéʔele wolo Kolocɔlɔw kpaʔa ni lè.

Zyeremii 33:18

Levii ye pe lè sáriga-wòlobèle, pe a tée fɔ̀n wàa ni, wee wi a pye be sìndɛɛgi ni lè bàā sáriga-sórigow wóo lè, si wɔ́ɔ ra nùndaanni yáriga sórogi ní míimi sáriga ní lè í, si wɔ́ɔ ra sárigaw wóo canʔa o canʔa í.› »

Levii ye sáriga-wòlori 1:2

«Ki joo Isirayɛli ye ma, mí be pye: ‹Wàa ga ni caa bi sáriga yakanʔa kaan Yawe ma yele ni, wi a gbǎn pan ní yaweekpɔɔlaa, wàlá ní yaweepilaa ní sáriga yakanʔa.

Levii ye sáriga-wòlori 1:3

Wi yakaangi ga pye yaweekpɔɔlaa sáriga-sórigoo, ki n yɛlɛ wi pan ní tɛɛlɛ fun náapɛɛlɛ ní, wí ba li wòlo sáriga Syɛ́ɛnmi Tɛɛfaraga fànikpaʔa kpaaweele yɛ́ʔɛ ma, koro ga pye Yawe í fɔ̀lɔ wi na.

Levii ye sáriga-wòlori 23:2

«Ki joo Isirayɛli ye ma mí be pye: ‹Kpóʔorojǎngèle kéele yele a jáari lè ke a pye kayejangéle. Mii kpóʔorojǎngèle ge nyɛ gele naa:

Córolo 28:14

Náapɛɛlɛ o náapɛɛlɛ yakanʔa a pye sáriga-yólogoo duvɛɛn lítiribéle taanri, bàpɔlɔ wógi si pye lítiribéle siin, bàpile wógi si pye lítiri nibin ní tíla. Yeʔe o yeʔe cânzelige sáriga-sórigow wi nyɛ wee bee yɛ́ɛli fúngo ni.

Córolo 28:19

Yele a ba sáriga-sórigow wòlo Yawe ma, wee náagi sórogi ni kwóo lè. Wi a pye náapebiigéle siin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

Córolo 28:27

Yele a ba sáriga-sórigoo wòlo, wee núngo gi Yawe dɛ́nɛ lè, wi a pye náapebiigéle siin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin.

Córolo 29:13

Yele a ba sáriga-sórigoo wòlo, wee náagi sórogi ni kwóo lè a wi núngi Yawe dɛ́nɛ. Wee bee a pye náapebiigéle kɛɛ ní taanri, ní bàpɔɔlɔ siin, ní yɛ̀ʔɛlɛ nibin nibin bàpiigéle kɛɛ ní sicɛrɛ, ti myɛ í pye tɛɛlɛ fun.

Córolo 29:2

Yele a sáriga-sórigoo wòlo wi pye nùndaanna yáriga Yawe ma, wee wi a pye lè náapebile nibin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

Córolo 29:39

Gee bee yele a ra kpéʔele Yawe ma yele kpóʔorojǎngèle canya ni, bi fàra yele sáriga-sórigow, ní yele míimi yakaanya, ní yele sáriga-yólogow, ní yele pínɛnyɛnnɛgi sáriga na yele wóo lè nyɔɔfaliga wololo kéele na wàlá kínidɛnɛgɛ wóo.› »

Córolo 29:8

Yele a ba sáriga-sórigoo wòlo, wee núngo gi Yawe dɛ́nɛ lè, wi a pye náapebile nibin, ní bàpɔlɔ nibin, ní yɛ̀ʔɛlɛ nibin nibin bàpiigéle kɔrɔsiin, ti pye tɛɛlɛ fun.

Làlwaw Kaanziin 12:17

Mɔ a gbǎn ra mɔ bilew, ní mɔ duvɛɛnfɔnw, ní mɔ sinmi yáʔa líi mɔ tɛɛkòrogi ni í, wàlá mɔ yaweekpologèle ní mɔ yaweeyiligèle pìiselibéle í, wàlá mɔ nyɔɔfaliyi yakaangaa faala, wàlá mɔ kínidɛnɛgi yakaanya, wàlá yáriri mɔ láʔala ni yaari lè í.

Làlwaw Kaanziin 12:6

Nɛɛ bee yele a ra syée ní yele sáriga-sórigow, ní yele pínɛnyɛnnɛgi sáriga, ní yele yáʔaw ní, n fàra yáriri na yele láʔala ni yaari lè, ní yele nyɔɔfaliyi wòlolo, ní yele kínidɛnɛgi yakaanya, ní yele yaweekpologèle, ní yele yaweeyiligèle pìiselibéle ní.