Ɛsidirasi 3:11 - Cebaara Bible 2010

¹¹ A pe i ŋúnugi syoo peyɛɛ ma ni Yawe sòoló, ní i bariga kaangi wi ma níì jo: «Níì cán wi n nyɔɔ, níì cán wi funjǎngi a tée kwɔ́ɔ Isirayɛli kàbangi na í.» A syɛ́ɛnbèle myɛ i yákpogèle wáa gbanʔama ni Yawe kpɔ̀ʔɔrɔ́, níì cán pe maa Yawe kpáagi kàpɔɔn le.

Ɛsidirasi 3:11 Iomraidhean Croise

1 Cányi kèlē 16:34

Yaa bariga kaangi Yawe ma, níì cán wi n nyɔɔ, níì cán wi funjǎngi a tée kwɔ́ɔ í.

1 Cányi kèlē 16:41

Heman ní Yedutun maa pye yaà ní be ní, n fàra syɛ́ɛnbèle bele na be nyɛ́nɛ n wòlo lè, poro bele be yeri pe mɛ́ɛyi na lè jàngó paa Yawe kpɔ̀ʔɔrɔ́, níì cán wi funjǎngi i nyɛ kwɔ́ɔmɔ fun.

2 Cányi kèlē 5:13

Bele pe da ni búrubèle wíi lè, ní bele pe da ni ŋúu lè, lǎli ni pe baa pínɛ ni Yawe sòoló ní i wi kpɔ̀ʔɔrɔ́ lè ní búrubèle, ní kanyɛɛnri kadaforo yáriya ní n fàra yatingbumɔnri wozanra na, ní i gi nyuu níì jo: «Níì cán wi n nyɔɔ, níì cán wi funjǎngi a tée kwɔ́ɔ í,» lǎli bee ni kpáagi gi lè Yawe kpáagi, a fàfanʔa gi nyìn.

2 Cányi kèlē 7:3

Isirayɛli ye myɛw maa náagi ní Yawe nìjangbɔɔri nyaa á di tìgi n tɛ́ɛn kpáagi na, a be tìgi n kpùmɔnɔ n yɛ́ɛyi cíbele tári na tɛɛwɔlɔgɔgi ni, níì tìgi n too n Yawe sòolo níì jo: «Níì cán wi n nyɔɔ, níì cán wi funjǎngi a tée kwɔ́ɔ í.»

Nehemii 12:24

Levii ye kùndigibèle be pye lè Hasyabya, ní Syerebya, ní Zyozuwe wi lè Kadimyɛli jáaw, ní be senyɛnbèle, poro má ki da kaan paa yèré bele zìnmɛ na, bàā Yawe sòoló sáā wi kpɔ̀ʔɔrɔ́ kabiya kabiya bi yɛlɛ ní gee ní Kolocɔlɔɔ syɔ́ɔnw Davidi da joo n gbàn lè.

Nehemii 12:40

A ŋùuvɔbèle kabiya siin sáà yére Kolocɔlɔɔ kpáagi ni, ní mii tiimaa ní n fàra kútiijoobèle na pe da pye ní mii ní lè,

Ŋúnuyi 100:5

níì cán Yawe n nyɔɔ. Wi funjǎngi a tée kwɔ́ɔ nyáana í, wi kányɛɛgi a kòro beè yìrigèle myɛ syɛ̀ɛnnɛ ma.

Ŋúnuyi 103:17

Kàjáa funjǎngi gi nyɛ Yawe ma wi yɛ́ɛgi fyáafɔɔlɔ kabaan na lè, nlaa yaà booma ni ki a tée kwɔ́ɔ í. Wi sínni si wɔ́ɔ i nyɛ be pìíbèle pìibēle ma,

Ŋúnuyi 106:1

Aleluya! Yaa bariga kaangi Yawe ma, níì cán wi n nyɔɔ, níì cán wi funjǎngi a tée kwɔ́ɔ í!

Ŋúnuyi 107:1

Yaa bariga kaangi Yawe ma, níì cán wi n nyɔɔ, níì cán wi tàmagi a tée kwɔ́ɔ nyáana í!

Ŋúnuyi 118:1

Yaa bariga kaangi Yawe ma níì cán wi n nyɔɔ, wi funjǎngi a tée kwɔ́ɔ í!

Ŋúnuyi 131:1

Njogi lúgufɔɔlɔ ŋúnugo. Davidi wógi. Ee Yawe, joogbɔɔmɔ fúngo, wàlá kpɔɔmɔ wéleganma o nyɛ mii ma í. Mii o jǐn kakpoloyi, ní bìngaari kèlē ni ge kpólo n sɔ̀lɔ mii na lè í.

Ŋúnuyi 135:3

Yaa Yawe sòoló! Níì cán Yawe n nyɔɔ. Yaa wi mɛ́ɛgi kpɔ̀ʔɔrɔlɔ ŋúnuyo ŋúu! Níì cán wi fúngi n nyɔɔ.

Ŋúnuyi 47:1

Ŋúnuŋùúbèle kùndigi wóʔo. Kore jáabèle ŋúnugo.

Ŋúnuyi 47:5

Wi n wolo kɔ́rigi nyɛ́nɛ n wòlo wolo ma, ki lè wi syɛɛn-nidaanmaw Zyakɔbi nìjanri. Ŋɔ́ndaala

Yirile 15:21

A Miriyami i ŋúnugi naa ŋúu pe si i gi syoo wi ma. Wi maa jo: «Ki n yɛlɛ yaa ŋúu yaa Yawe kpɔ̀ʔɔrɔ́. Níì cán wi n wi fàndaari nìjangbɔɔrɔ tɛ̀ɛn. Wi n syɔ́ɔngi ní gi fànvɔw wáa sólomi lɔ̀ʔɔ ni.»

Ezayi 12:6

Yaa fundaanra, ní mugurumɔ yákpogéle wáa, yele bele ye nyɛ lè Siyɔn ni! Níì cán Isirayɛli ye Wojanw wi nyɛ yele níngi ni lè, wi n kpɔ́ʔɔ.»

Ezayi 44:23

Nyɛ̀ʔɛgèle, yaa fundaanra yákpogéle wáa! Níì cán Yawe n wi kapyeli pye. Tári tɛɛcùruyo, yaa mugurumɔ yákpogéle wáa! Nyanbeleyi, yaa fundaanra yákpogéle wáa! Yele wɔ́ɔgēle, kɔliyi, ní yi tíiri myɛw! Níì cán Yawe n Zyakɔbi nyúngi syɔɔ, wi i wi nìjangbɔɔri tèé Isirayɛli ni.

Ezayi 6:3

A seerafɛɛnbèle i yákpogèle wáa ni gi nyuu peyɛɛ ma níì jo: «Yawe wi lè Nyɛ̀ʔɛni Sùlasiibéle Kafɔlɔ, woro wi nyɛ Wojanw, Wojanw, Wojanw. Tári myɛ n nyìn wi nìjangbɔɔri na.»

Zyeremii 33:11

koro gi nyɛ bariga kaanni ŋúnuyo, ní fundaanri ŋúnuyo, ní nìyiliw ŋúnuyo, ní pìcaaw ŋúnuyo, ní bele ŋúnuyo, bele be gi nyuu lè níì jo: Yaa Yawe sòoló, wi lè Nyɛ̀ʔɛni Sùlasiibéle Kafɔlɔ, níì cán Yawe n nyɔɔ, níì cán wi funjǎngi a tée kwɔ́ɔ í. Ní bele be bariga kaanni sáriga wóo lè, poro ŋúnuyi Yawe kpáagi ni. Níì cán tári wòolo be cò n kári lè, mii a be lúrugo pan, pe a ba pye àmɛɛ ki da pye lè booma ni,› Yawe wi jo nya.

Agizye 2:3

‹Wìí wi nyɛ yele ni, wee wi kòro sìi na lè, á wi da kpáagi naa nìjanzelire nyaa? Mɛ̀ɛ́ si yele gi nyaa tɔ́ɔliw ni? Yele ga gi nyaa mɔ a jo ki o nyɛ yafyɛn í ì?›

Zakarii 4:7

Nyanbe-nyundɔnɔgɔ, mɔ wi nyɛ wìí? Mɔ a tìgi bi pye fála fála Zorobabɛli yɛ́ʔɛ ma. Nɛɛ bee wi a kàdɛnɛzeligi kíle yirige fundaanra yakpowáara nínge ni, pe a ra gi nyuu si jo: ‹Kpɔ́ʔɔri n tɔ̀nɔ n yɛlɛ gi na.› »

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Luki 1:50

Wi i nyinimɛ taagi wi yɛ́ɛgi fyáafɔɔlɔ na, fwɔɔ n sáà nan pe yòdaʔayi yòdaʔaya na.

Zyozuwe 6:10

Zyozuwe si maa gi joo n gbàn syɛ́ɛnmi ma níì jo: «Yele a kɔ́ ra yákpogèle wáa í, yele a kɔ́ gi yaʔa yákpogéle wáama í lóʔo í. Syɛɛnrɛ faala ga yɛlɛ di yiri yele nyɔ́ɔyi ni í fwɔɔ bi taa cángi í ba nan, gee ni mii a yele pye lè: ‹Ye yákpogèle wáa.› Lǎli bee ni, ye yákpogèle wáa.»

Zyozuwe 6:16

Tɔ́lɔyi kɔrɔsiin wóʔo na, lǎli ni sáriga-wòlobèle tòmaayi wíi lè, a Zyozuwe gi joo syɛ́ɛnmi ma níì jo: «Ki n yɛlɛ ye yákpogèle wáa, níì cán Yawe n kěgi kaan yele ma.

Zyozuwe 6:5

Lǎli ni pe ga bànyɛnyi wìi lè gbanʔama, lǎli ni yele ga tòmaayi wìimɛ lóʔo lè, syɛ́ɛnbèle myɛ a yákpogèle wáa gbanʔama, kěgi tò a kabi too wiyɛɛ na, syɛ́ɛnbèle myɛ si n yɛlɛ paa lúru paa jǐn gbakama.»