Ɛsidirasi 3:1 - Cebaara Bible 2010

¹ A yeye kɔrɔsiin wógi baa nan n Isirayɛli ye yaʔa wodɛ́ɛnbéle ní be kěyi ni. Lǎli bee ni a syɛ́ɛnbèle myɛ peyɛɛ gbóʔoro Zyerusalɛmi ni àmɛɛ nàɔn nibin nyɛ lè.

Ɛsidirasi 3:1 Iomraidhean Croise

Nehemii 7:72

A sáriga-wòlobèle, ní Levii ye, ní kpàánweegèle kɔ̀rɔsiifɔɔlɔ, ní ŋùuvɔbèle, ní syɛɛnfelegi wóbèle pèle, ní Netinyɛbèle, ní Isirayɛli ye myɛw sáà tɛ́ɛn be kěyi ni.

Nehemii 8:1

A yeye kɔrɔsiin wógi baa nan, koro n gí taa Isirayɛli ye maa pye be kěyi ni. Lǎli bee ni a syɛ́ɛnbèle myɛ baa peyɛɛ gbóʔoro àmɛɛ nàɔn nibin nyɛ lè, kadàlagi na gi nyɛ lè Lǒgi kpàánweele yɛ́ʔɛ ma. A be sɛ́bɛkanw Ɛsidirasi pye waa maa ní Mowizi làlwaw sɛ́bɛ ni, wee Yawe sɛ́bɛ n kaan Isirayɛli ye ma lè.

Nehemii 8:14

A be gi nyaa wozɛbɛgɛ ní làlwaw sɛ́bɛ ni ncan Yawe maa gi tɛ̀ɛn Mowizi na a wi gi joo níì jo, Isirayɛli ye maa yɛlɛ paa tɛ̀ɛ́n kpáagèle láara ni, yéyi kɔrɔsiin wóʔo séri làla ni,

Levii ye sáriga-wòlori 16:29

Bàngwɔɔ làlwa kéele si li nyɛ lee naa yele ma, loro li nyɛ: Yɛ́ɛli yeye kɔrɔsiin wóʔo, ki canya kɛɛ wógi na, yele a yeyɛɛ jɛ́rɛ yele pìígèle ni. Yele a fali faala kpéʔele cángi bee í, yele kànanbèle yoo, nibɔnbèle pe baa tɛ́ɛn ní yele ní lè yoo.

Levii ye sáriga-wòlori 23:24

«Ki joo Isirayɛli ye ma mí be pye: ‹Yɛ́ɛli yeye kɔrɔsiin wógi cânzelige a pye cânŋɔndaʔa yele ma. Sɔ̀ngudaara búru wìile lii, kpóʔorojànna lii.

Sofonii 3:9

«Lǎli bee ni mii a syɛɛnfeleyi nyɔ́ɔwara jée mùnu koro ga pye pe myɛ í da Yawe mɛ́ɛgi yiri sáā báara wi ma ní fungo nibin ní.

Kapyegèle 2:46

Pe maa kòro ni syée kpɔ̀ʔɔrɔli kpaʔa ma canʔa o canʔa ní fungo nibin ní, ní i búruw kabagi peyɛɛ na be kpáayi ni, ní i líi ní fundaanra ní, ní funjànya ní,

Kapyegèle 4:32

Syɛ́ɛnmi pi da tága lè, pi myɛ maa pye fungo nibin na, ní pìle nibin ni. Pe wàa faala da ni woro kɔ́lɔ yáriri córo woro nibin wóro í, níì cán pe maa be yáriri myɛ pye fòrobáa.

1 Korɛnti ye 1:10

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi mɛ́ɛgi na níì jo ye bɛ̀ɛ nibin na, yele a kɔ́ ra wálagi yeyɛɛ na í, fwɔɔ ye pínɛ ye pye nibin, funzɔnguri ní syɛɛnjóori na.

Làlwaw Kaanziin 16:16

Nǎnbèle myɛ be nyɛ yele ni lè, pe a ba ra yèré tɔlɔyɔ taanri yɛ́ɛli fúngo ni Yawe mɔ Kolocɔlɔw yɛ́ʔɛ ma tɛ́ɛgee ni wi ga nyɛ́nɛ n wòlo lè, Levé Fun búruw fɛ́tii làla, ní Cégboogèle fɛ́tii làla, ní Kpáagèle Láara Tɛ́ɛnnɛ fɛ́tii làla ni. Pe wàa a kɔ́ pan ba yére ní kɔwaayi ní Yawe yɛ́ʔɛ ma í.

Jàbɔbèle 20:1

A Isirayɛli ye myɛw peyɛɛ gbóʔoro n pye àmɛɛ nàɔn nibin nyɛ lè Yawe yɛ́ʔɛ ma Misipa ni. Pe maa yìri yaà n séli Dan na fwɔɔ n sáà nan Bɛɛri-Syeba na n fàra Galaadi tári na.